منتديات المنطقة الشرقية - ابتسامتك ببياض الثلج ورقه الورد (ملف تقويم اسنان)

السلام عليكم ورحمة الله وبركاته
شلونكم شخباركم انشالله مستانسين

الموضوع اللي جايبته لكم اليوم يتكلم عن ملف تقويم الاسنان
لأبتسامه راااائعه

نشوف مراحل التركيب . .

*تقويم الاسنان "البريسز"*

http://i46.tinypic.com/2ic7kli.jpg

ليش نركب بريسز..؟!

بسبب عدم انتظام الأسنـان اللي هو
(تراكب الأسنان , الإطبـاق , وجود فراغات بين الاسنان)

متى افضل عمر نركب فيه بريسز ..؟!

تقول الدراسات انه افضل عمر لتركيب تقويم الاسنان ما بين 9-13 سنة.
هذا على اساس انه مايأخذ فتره طويله وسهوله تحرك الاسنان ,
اما اذا جينا للشخص نفسه اغلبهم يفضل 13-18 لانه بيكون راغب للشئ هاذا
ويعرف يحافظ عليه وينظفه كويس .

مده تركيب البريسز ..؟!

تختلف من شخص لأخر على حسب حالة الأسنان و اللثة، و على المسافة
اللي بتتحركها الأسنان ,والألتزام بالمواعيد.
بس تقريباً يأخذ العلاج ما بين سنة و ثلاث سنين,
غير المتحرك اللي ياخذ من 6 شهور إلى سنه .

* الطــبيب *

أكثر شئ ممكن يساعد على انك ما تتعبين فتره التركيب وعلى نجاح التقويم
(بعد الله سبحنه وتعالى)هو اختيار الدكتور مو العياده , اهم شئ الدكتور يكون اخصائي
تقويم اسنان وانصح اي وحده انه لازم تتأكد ان الدكتور مستمر سنتين قدام
لانه اذا تردد على الاسنان اكثر من دكتور ممكن تنعدم ..

* الأنـــواع *

طيب اخترنا الدكتور وجينا نركب التقويم فيه انواع اللي هي :

http://i50.tinypic.com/2envtas.jpg

1- التقويم الثابت.
وفيه منه شفاف بس دائماً ما ينصحون فيه لانه ممكن يقلب لأصفر
والثاني (ستانلس ستيل)اللي لونه فضي , وهو الافضل والمرغوب و نقدر نلونه .

http://i45.tinypic.com/2s0jp07.jpg

2- التقويم المتحرك .
وهو الريتيرنر ممكن يستخدم للحالات الخفيففه ,او بعد استخدام الثابت
عشان يحافظ على النتيجه .

http://i48.tinypic.com/dct3qu.jpg

3- التقويم المخفي .
هو اللي يكون من جوا غالباً يستخدمونه الكبار عشان ما يبين
بس انه يألم اكثر من الثابت العادي .

* التركــيب *

اكثر شئ كان ضايقني اني اروح ما ادري وش الطبخه بس افتح فمي واجي ,
عشان كذا ابقولكم خطوات التركيب
لانه يمكن فيه ناس يختلفون .
اول شئ راح يأخذون لك اشاعه , ثم يأخذون لك صوره فوتوغرافيه
ويورونك اياها بعدين عشان تشوفين قبل وبعدhttp://vb.eqla3.com/images/smilies/008.gif .
ثم يصلحون لك زي المعجون عشان يأخذون قياس الأسنان .
هذا هو

http://i48.tinypic.com/2itre39.jpg

ثم يخلعون الاسنان (غالباً تكون ضروس) والعدد على حسب فيه ناس
2 وفيه 4 ,او فيه ناس مايشلون شئ .
بعدين يركبون لك مغاطات عشان يتوسع بين الضروس اللي بيركبون فيها القواعد
(وهذا ممكن يسبب الم بسيط)بس اذا طاح واحد قولوا للدكتور

بعدين يركب البراكتس (المربعات الحديديه)والسيم والمغاطات
"جاء اللحين دور التلوين آحلى شئ"

آحلى شئ عندي الوردي والفوشي و الاحمر و الليلكي و الازرق .
ونصيحه يابنات اتركوا الاصفر و الاخضر شكلها مو حلو ابداً بالفمhttp://vb.eqla3.com/images/smilies/139.gif .
والشد بيكون تقريباً كل شهر ,واهم شئ انك تلتزمين بالمواعيد
عشان ماتطول عليك المده .

* الألـــــم *

ما أحب الناس اللي يبالغون لدرجه ممكن الواحد يخاف او يتردد
هو فيه الم بس نسبي مدته عند التركيب من 4 ايام الى اسبوع كحد اقصى
والشد ممكن يكون بس يومين , وهو بيكون اول شئ عشان كذا كولي مسكن
ثم عند الاكل تاكلين شئ لين او تقطعين الاشياء الكبيره وتبتعدين
عن التفاح او الهبرقر لانك ماتقدرين تعتمدين على القواطع
عموماً اول شهرين بيكون متعب بس بعدين بتتأقلمين وتاكلين عادي..
" نصيحه يابنات اذا ركب لك البريسز لا يشده بنفس الوقت إلا شئ بسيط لانه انا الحمد لله
ماشده وقدرت اتحمل الالم ,بس فيه ناس يشدونه فما يقدرون
ياكلون ويألم بشكل >>كذا قالي الدكتور"
وممكن يضايق باطن الخد لأنك ماتأقلمتي على وجود التقويم بفمك فعليك بالشمع
تشترينه من محلات المعدات الطبيه مره حلو تحطيه على القواعد .

* الـــتنظـيف *

http://i46.tinypic.com/1zgbatv.jpg

التنظيف بيكون 4 مرات يومياً لانه تراكب الاكل بين التقويم والاسنان
ممكن يسبب تسوس او جير و طريق التنظيف طبعا لازم تكون دقيقه وتطول
بأستخدم فرشتين .
الفرشاة الاولى عاديه مثل باقي الفرش لكن يكون وسطها اعمق من جوانبها
وهي خاصه بالتقويم.
والفرشـاه الثانيه صغيره طريقتها تدخل بين كل سنين وتطلع الأشياء العالقه
بالتقويم او بين الاسنان.,واخر شئ الخيـط .
وتستخدمي غسول الفم عشان ما يكون فيه ريحه ,فيه شئ بالصيدليه او مويه وملح ..
" عن نفسي مرتين باليوم تفريش عادي وقبل النوم يكون دقيق بكل الفرشتين
مع الغسول اللي هو مويه وملح "

* قبـــــل وبعــــد*

بعد مانشيل التقويم لازم نسوي تنظيف وتبييض للأسنان .

http://i48.tinypic.com/xp7b45.jpg

شوفو كيف قبل متراكبه وصفرا وبعد صارت متساويه وبيضا كأنها لؤلؤ

http://i45.tinypic.com/123wowl.gif