منتديات المنطقة الشرقية

منتديات المنطقة الشرقية (http://www.66a66.com/vb/index.php)
-   صرقعه (http://www.66a66.com/vb/f23)
-   -   يابعضهن يفشل في شهر العسل (http://www.66a66.com/vb/t17490.html)

الكلاسيكي 2010-10-29 10:33 PM

يابعضهن يفشل في شهر العسل
 
تعآلوْآ شوفوا موآقفْ بعض البنآت فيْ شهر العسلْ
والله يآهي تفشْل عاد انتم اقروآ من هنا واخذوهآ عظه وعبره من هنْآ
--------------
وحده تقول زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين؟ قالت مثلك ابغى منيو < - الله يفشلْ العدو
بس تكفى لايحط فلفل .. زوجها تسدح من الضحك
وهي تقول احسبها وجبه او طبق معين .


--------------

ولآ وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه .


--------------


وهذا موقف لوحده تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه < - الضعيفه توهقت
المهم مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك .
-----------------

ولآ وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

وش جآيهم هالعآلم على هالفشآيل في هالمطآعم


---------------

ولا وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها
طلعت البنيه جلفه حبتين .

-------------------
ولآ وحده اول ايام زواجها تقول كنا طالعين واحتجت الحمام مررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت أمحق اتيكيت

وردة الجوري 2010-10-30 06:03 AM

رد: يابعضهن يفشل في شهر العسل
 
ههههههههههههه

حلوة دورة حمام ههههههههه

عاد انتوا تستانسون هاه من زينكم عاد >>قلبت عليكم هههههه

يسلموو كلاسيك بس :1 (30):

الكلاسيكي 2010-10-30 10:52 PM

رد: يابعضهن يفشل في شهر العسل
 
ههههههههههههههه

وردة الجوري ترى في موضوع اقوى من هذا قاعد اجهزه الحين

إذا نزلته خلاص ماراح اعودها ههههههههههه

اشكر مروك وتواجدك بمتصفحي

تحياتي وتقديري


الساعة الآن 02:37 AM.

Copyright © االمنطقة الشرقية Powered by vBulletin® Copyright ©2000 - 2021, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::

1 2 3 4 6 7 8 9 10 11 12 13 14 15 16 17 18 19 20 21 22 23 24 25 26 27 28 29 35 36 37 38 40 43 44 45 46 47 48 50 51 52 53 54 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 102