| | |
لاشتراك فى مجموعة قروب خليجيات
فى صندوق التسجيل ضع أميلك بشكل صحيح ثم اضغط على اشتراك
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
2009-02-09, 07:48 AM
| #1 (permalink) |
| T0o0Fe  تاريخ التسجيل: Dec 2008 الدولة: ..حايلڪَـg.. العمر: 32
المشاركات: 17,005
معدل تقييم المستوى: 1959   |  رواية ( وينك ياراحة ) للكاتبة اقوى من الزمان كاملة للكــاتبه : أقوى من الزمان.. _______________________ رأويه اتمنى ان تنال على اعجابكم وراح تنزل عبارة عن اجزاء : : ..... وهي بعنوان (وينك ياراحه) : : : القدر والظروف تلعب دوراً مهم في حياتنا،،، الروايه تمشي ممشاها الطبيعي الا انها اصتدمت بالواقع المر............... ’،’،’،{الجزء الاول}،’،’،’ : الســـاعه 11:00 صبــآآآحــآآآ : اليـــوم : الخمــس ... :فــي احد الفلال .. بمدينه الريـــآآآآآض ... ..فـــي فلة ابو غــآآآآده .. الفخمه فـي شكلهــــآآ.. والوسيع في سااحـــاتــهــآآآ الخضراء ... : : : فــي أحـــدى غــرفهــآآآآ الـ كـبيرة ... .. غاده كآنـت فـي يوم من الآيآم جآلـــسه بغرفهـ النوم حقتهآآآ وكآآآنت السآآآعه فــي 11 صباحاً .... ... كانت وحيدت امها وابوها يعني من زواج امها ببوها قعدوا 13 سنه بعدين ربي رزقهم ببنتهم غاده واللي كان لها جزء في البيت وهو عباره عن جناح لها غرفتين غرفه نوم واللي كانت قمه في الجمال والترتيب... .. لانها كانت ذويقه وتحب الترتيب واما الغرفه الثانيه كانت عباره عن غرفة جلوس لها وتعزم اوقات صديقاتها فيها ..... : : الغرفه عباره عن كنب وطاوله كبيره بالنص وكانت عليها زخرفه جميله جداً كل من شافها اعجب بها جداً.... : : : : وهي جآآلسه وكآآنت تتـصفحه مجله... (فواصل)... وفآآتحه بآآآب غرفتهآآآ وأهلهآآآ مو موجدين في البيت يعني امها وابوها... : : سمعت رن التلفون رن المره الاولى : والثانيه : والثالثه و"" قررت انها ترحم اللي يتصل وترد عليهـ .. راحــت تركض من غرفتها للصاله اللي بدور الفوقي.. : رفعت السامعه غاده:الو :السلام عليكم غاده:هلا وعليكم السلام من معي؟؟ "الصوووت مو غريب" :افا ماعرفتيني على العموم انتي غاده؟ غاده:ايه بس خاله ماقلتي من معي :ام محمد معك حبيبتي.. غاده "يااااااوه ذي عاد ماتنعطا وجه لصقه ول الحين من يفكني من لسانها حسبي الله عليها الحين بتقول ولدي وولدي" :هلا والله ام محمد ماعرفتك خالتي ليكون مسويه عمليه شفط على شان كذا ماعرفتك... ام محمد:هههههههههه الله يقطع سواليفك يلا بس خجلتيني المفروظ تحترميني انا بصير ام الغآآآآلــي.. غاده "يوووووووه بدينا خلني اصرفها بس":اقول خاله تبين امي هي من زمان ودها تكلمك تعرفيني مشتاقه لك بس مالقت فرصه... ام محمد:تشتاق لها العافيه يلا عطيني اياها ابي اكلمها ماااتصلت الا اني ابيها ولا بعد بموضوع ضروري غاده:كان ودي اعطيك اياها بس وقطعتها ام محمد:يوووو لا يكون امك بها شي غاده"ول ماصدقت ودك ادري" : لا ياخاله مابها الا العافيه فال الله ولا فالك على العموم هي والوالد مو موجدين بس ان شاء الله اول ماتجي اخليها تدق عليك يعني علشان الموضوع اللي تبينها فيها يلا باي.. طوط طوط طوط : : : ______________________________ : : فــي بيت أم محــمد.. ام محمد عصبت :ول ول ول بنت ماتستحي ماعرفت الحياء ابدا ..(والتفتت لولدها خالد وهي معصبه)...ياولدي مااادري وش تبي فيها...؟؟؟ بنت ماتستحي سكرت السامعه في وجهي حتى ماخلتني اقول مع السلامهـ .. وتدخلت مها بكل بروده وهي تبرد اضفرها وحاطه رجل على رجل :كان قلتي بآآآي... التفتوا خالد وام محمد لهآآآ بتعجـب.. خالد رجع والتفت لامه يحاول يقنعها ويبيها تعطف عليه وكان واقف وجلس :يايمه يايمه أنـا بخـتصار مآآآبي ألآ هي ألآ هي أفـهميني أنـتي يـوم حـبـيـتي ماكنتي تتمنى اللي حبيتيه تتزوجينه بدال ابوي الله يرحمه... ام محمد تناظر لولدها يتعجب وظربته على فخذها بخفيف لانه كان جالس جنبها :ياوليدي عيب عيب تراك تجرح مشاعر ابوك بس اخر كلام عندي ان البنت شكلها ماااتبيك... مها:وش يدريك يا يمه...؟؟؟؟ ام محمد: انا اعرف البنت من النظره الاولى ونظرتي عمرها ماخابت ابداً... مها: وش هالوثوق يمه؟؟ ام محمد: لانها لو فعلاً تبيه كان على الاقل تحترمني وتقدريني وبختصارين (وتناظر لخالد وهي تاشر بسبابه والوسطى ) تحطني يدهينه لا تنكتين... قام خالد وهو يناظر بالارض وقال:ااااااه بس... ام محمد ماتحملت ولدها يطلع من الصاله وهو زعلان والسبه غاده:ياخالد خالد مها كانت جالسه على الكنب ميلت نفسها على الباقي من الكنب وقالت بصووووت عالي:ياويلييييييي على الحب... التفت خالد واابتسم غصب عنه ورجع التفت لامه :هلا يمه ام محمد:حبيبي انا بسوي اللي علي ومالي دخل ابداً لو صار اي شي ماتبيه ترا مالي دخل بزوجك وعلى مزاجي هالمره ... طلع خالد ولا قال اي كلمه اكتفا بانه هز راسه : : : وطلع لسيارته اللي كانت لكزس430 : خالد كان يموت بغاده لانه مره شافها وهي جايه عندهم مع امها وكانت في قمه الدلع والجمال.. وتعلق بها من ذاك اليوم وكان يحسب الشهور اللي مرت على ذاك اليوم فتح سيارته ودخل وكانت رجله برا ورجل داخل دنق على الدركسون ... ولقا تاريخ حاطه بلون الاحمر وضاغط عليه مره علشان ماينمسح وكان كل اخوياه يسالونه وش تاريخه هذا تراه صاااار قديم مره شاف التاريخ ويتأمله وحط راسه على المقعــد... وجلس يتذكر اول مره شافها غاده صحيح كانت مغروره لانها مررره حلوه ولانها وحيده امها وابوها.. :: "والله ياغاده لو تدرين وش كثر حبك في قلبي يكبر ويكبر ويكبر كان ماتركتيني ولو دقيقه واحده وربي لاعيشك بجنه عمرك ماراح تشوفيني مثلها حتى عن اهلك لاني احبك احبك احبك " تذكر كلام امه عنها انها ماتبيه ونزلت دمعه منه.. انقهــر .. : كيف طيب ترفظه وهي اصــلاً ما تعرف .. مليون سؤال وسؤال يبي يعرف جوابهــآآآ ... وحط يده على المسجل وشغل الشريط اللي كان فيه وكانت فيه اغنيه لمحمد الزيلعي ..ابي حبك معي يكبر وابي اهواك انا اكثر وابي اهديك دنياي وكل اللي عليه اقدر حبيبي..انت احساسي ونبض القلب وانفاسي لو صار الزمان قاسي علشان عيونك اتصبر ...ولمح مها من الفله جايه مسرعه... علطول دنق ومسح دموعه ودخل رجله الثانيه وسكر الباب ومها تاشر له من بعيد ... : "يووو ذي وش جابها عاد ماتصدق على الله تبي الشماته الله يهديك ياغاده خليتي مها تتشمت فيني" ناظر في المرايه يحاول يمسح الباقي من دموعه ويشوف في اثار للبكاء اللي كان بصمت... واخيراً.. وصلت مها عن سيارته وجلست ساعه تتنفس لانها كانت تركض خايفه انه يروح... وحط يدينها عن شباكه ودنقت بالارض وهي تتنفس بصعوبه : ول مايتنلحق ابداً ياخي اصبر بقولك شي... خالد:طــيب أخـلصي بعدين تـنفسي.. مها التفت له وابتسمت وحكت تدينها السبابه والابهام *يبين على انها تبي فلوس*:كم لي خالد:والله على حسب الخبر هو يستاهل او لا (وحط رجل على رجل ويناظر فيها وكأن الموضوع مو هامه ولا هو بالحقيقه متقطع ويبي يعرفه )... مها حطت يدها على خصرها :لا والله وانا وش يدريني اذ هو يستاهل او لا المهم شكلك ما تبيه ياحسافه التعب ركض ركض موب صاحي على امل اني اسوي شعري اليوم واتكشخ مالت بس... خالد بستغراب..: ليه احد قايل لك اني كوفيره مثلاً ....؟؟؟ مها:لا بس على الفلوس اللي بتعطينيه اياها انا اجيب احلى كوفيره... خال:اب شكل الخبر خطير يلا قولي ولك اللي تبينه... مها تاشر على مخباته :طيب هات (ومدت يدها ) ... خالد عدل جلسته وطلع دفتر الشيكات من الدرج والتفت لها :كم يستاهل يعني مها:والله شف لو تدري تعطيني سيارتك بكل مافيها يعني من شيكات ومن اوراق رسميه ... وكللللللل شي... خالد:طيب كم تبين ذليتي امنا بهالخبر... مها:خلاص خلاص احرقتني الشمس بقول ... اولاً انا وأمــي كنا جالسن ودق التلفون وطلعت ام غاده وقعدن يسولن والـ مـامـا قالت لها انها بتجي يوم الخميس الجاي بعد المغرب وام غاده رحبت بامي ولا بعد طارت بها طيران شكلها ماتبي بنتها تبي الفكه ..ابتسم .. موبعااارف وش المفروض هالحـين يسوي .. انمدت يده ..ع المسجل اللي كان مقصور.. ورفع الصــوت.. ..طلعت اغنيه لشكيره&*ونيفر*& وقعد يرقص يرقص ومزود الصوووت بأعلى شي ... ..لدرجه ان مها ابعدت عن السيااااره على طول وتصارخ خالد مايدري وش تقول بس يشوف الشفايف تتحرك وماهامه شغل السياره وحرك على طول وبسرعه ... المصدر: منتديات المنطقة الشرقية - من قسم: منتدى منبع الروايه v,hdm ( ,dk; dhvhpm ) gg;hjfm hr,n lk hg.lhk ;hlgm gg;hjfm lk hg.lhk hr,n dhvhpm v,hdm ,dk; ;hlgm |
|  |
|
2009-02-09, 07:50 AM
| #2 (permalink) |
| T0o0Fe تاريخ التسجيل: Dec 2008 الدولة: ..حايلڪَـg.. العمر: 32
المشاركات: 17,005
معدل تقييم المستوى: 1959 | فــي بيت ام غاده.. : : : : فــي الصــاله ..بألـ دور التحتي ... الصاااله كااانت كبيــره .. وجميله .. فيهــآآآ ديكورات ع انــهــأأأ شــوي غريبه .. الا انهــاأأ عجيبه .. ومنظر الـ الورد المحطوط ع اطراف الصــاله معطيهــآآ شكل ولا اروع .. : وغاده جالسه وحاطه رجل على رجل :يمـه وش تبي العجوز الشمطاء...؟؟ ام غاده مستغربه ..:عيب حبيبتي هذي مراه كبيره مايصلح تقولين عنها كذا ..!! غاده :يا يمه أذتني ولدي وولدي ليه مافيه احد جاب ولد الا هي ....؟؟؟ ام غاده تناظر ببنتها بتعجب .. وكـــأأأنهــأأ مو داريه من هالتلميحــأأأت..:ايه بس شكله حابك يعني لازم تحرجك وتقولك ترا ولدي يمممممموت فيك ...؟؟ غاده انحرجت :ياماما يلا قولي لي هاه وش كانت تبي ام غاده حست ان بنتها انحرجت وكانت تبي تحرجها اكثر:الله واكبر يعني تبين تعلميني انك ماتعرفيني...؟؟؟ غاده بأنزعـأأأأج.. :يوووه يمه قولي لي وش كانت تبي...؟؟؟ ام غاده:الله واكبر لهدرجه الموضوع هامك...!!!!! غاده انحرجت اكثرر:لا خلاص مااابي اعرف شي ... واخذت الريموت وشغلت التلفزيون ... وحطت على قناه ^روتانا^ امها ضحكت وطلعت على طول .. "ماما وش فيك علي والله لا هو ولا امه يعنولي شي ابداً بس الله يهديك " : : بعد ثوانــي ... سمعت جوالها يدق وتذكرت انها قايله لملاك انها تدق عليها ركضت بس بعد ماسكرت tv دخلت غرفتها وسكرت الباب ورها قفلته لقته رقم غريب :أف وانا متى بخلص من هالارقام الغريبه أف... +*¨^¨*+ يا ماخذ الحب لعبه أحذر ترى الحب غدار لا تحسب الحب ضحكه ترى الزمن دوار +*¨^¨*+ ردت غاده بدلع:الوووه :هلا والله بهالصووووت غاده:تمون؟؟ :لا بس شكلي ان شاء الله اني امووون غاده:بعدك يالحبيب .. طوط طوط طوط قفلت الخط غاده :والله الصوت مو شين ودق على طول ردت بعصبيه مره غاده:هيه انت ماتفهم ياشين الغبي لقام يتلصق... :ياويلي انا غاده:ممكن اعرف وش تبي...؟؟ :انا اسمي نــايف .. غاده :طيب يانــايف وش تبي داق .. نــايف:بصراحه ولا الحقيقه.. غاده عصبت:اقول باااااي.. نــايف:لالالالا خلاص تعالي لاتسكرين انا بقولك اني مره شفتك وانتي بالتحليه ورقمتك وبس... ...غاده قعدتت تتذكر متى متى متى ..؟؟؟؟ نــايف:الوه الوه ياهوه وين رحتي اكيد معك انتضار او مسج اشغلك عنا غاده عصبت :لا والله, اقول ترا حركاتك مررره قديمه قولي من وين جبت رقمي...؟؟ سامي :صدق مثل ماقالوا عصبيه بس بس حلوه ... غاده : اقول شكلك بتطولها وهي مره قصيره...؟؟؟ سامي:اقول ابي افهم ياريموه ليه شايفه حالك على وش لا منصب ابوك ولا مال يمكن اللي بس تملكينه جمال حتى الاخلاق بعد مو عندك ... .....غاده عرفت لما قالها ريم انه من الشله اللي تكلمهم احد مسرب رقمها ارتحت شوي وقالت بطقطق على راسك لين اعرف من اللي معطيه رقمي واخليه هو وياااه يندم:اقول نــايف انا بصراحه ابيك تدافع عني لانهم هم اللي يحاولون يدمروني ... ....وبكت بكاء متصنع جداً نــايف تعاطف معها وتغيرت حدت كلامه:حبيبتي لا تبكين والله ا اوقف معك انتي اشري وانا تحت خدمتك يا رورو... *رورو* دلعها عن الشباب اللي تكلمهم غاده كأنها تحاول تمسح دموعها:لا نــايف ماابي احرجك مع اللي مرسلك لانه اكيد ماعمره حبني وانت جاي تنتقم له او عندكم خطه مدبره (تحاول تسحب منه الكلام).. سامي:حبي انا ماهمني سلطــآآآن وربي ماهمني بس لما قالي ازعجك ازعاج واهبل فيك... قطعته غاده:سلطـــآآن!!!؟؟ "والله يالبزر هذا وانت بثالث ثانوي طيب اذ اخذت نسبه هذا وجهي " نــايف:ايه سلطــآآآن ادري ياعمري انك مصدومه بس وش نسوي هذا هو حقير من يوم عرفته .. غاده:بس انا احبه.. نــايف :لا خليك معي وماعليك منه هو بس يبيك ماتهتمين لدروسك وانا عارف انك بثاني ثانوي لازم تدرسين.. : : : __طبعاً هي بثاني كليه قسم اللغه العربيه بس يوم قالها سلطــآآآن انه بثالث ثانوي قالت له ان عمرها 17 يعني اصغر منه لانها تدري لو انها قالت له ان عمرها اكبر راح يتركها بس كملت معاه لمصااالحهــآآآ __ : غاده سمعت رن بسيط عرفت انه انتظار :نــايف اكلمك بلليل واشرح لي الموضوع بالتفصيل مااقدر الحين لان امي عند الباب بنطلع عند خوالي سامي:اوكي باي.. غاده:باي وانتقلت للخط الثاني غاده:هلا والله حبي مهند:مين معاك انتظار؟؟ غاده:الناس يسلمون اول مهند:السلام ,مين معاك غاده :هههههههه اوكي عنيد ,,وعليكم السلام واللي معي كانت بنت خالتي تسال عنا لنا فتره ماجيناهم يعني بس مهند مو مصدق:ريموه حطي عيني بعينك غاده:الله وأكبر لهذي الدرجه انت شكاك؟؟ مهند:لا بس طولتي على بالي ماانتي راده غاده مافهمت لانها اول مادق قعدت شوي وردت وش يقصد يوسف:امممممم اتوقع لك اكثر من عشر دقايق غاده "بل وش لون درا ليكون هو اللي مرسله لا بس نــايف يقول ان اللي مرسله سلطـــآآن مو مهند الله يستر" غاده:حبيبي وشلون دريت؟؟؟ مهند:بكل بساطه لاني مرسل لك مسج من عشر دقايق ومارديتي ويوم دقيت لقيته انتظار عرفت ان لك اكثر من عشر لانه شكله جاك وانتي تهذرين وماانتبهتي .. استغربت غاده من كلامه غــآآآده.. :اجل اصبر بشوف المسج مهند قاطعها بأرتباك:حبي اذ شفتيه ردي علي اوكي غاده استغربت :اوكي يلا باي وقفلت الخط وشافت الرسايل الوارده:1 فتحتها ’’حبي ريم انا اسف جداً بس الصور اللي مرسلته لي واحد من خوياي استغفلني و شافهن وارسلهن لجواله وانا منحرج منك وربي اسف’’ ضحكت غاده : هههههه بل هبلني على بالي عنده شي خلني ارسل له اهبل فيه شوي واحصل لي كم الف وطلعت على أنشاء رساله مااامداها تكتب اول حرف الا سمعت طق للباب قالت غاده :مين :مدام قاده انا نوسي مدام نوف تحت يبق انتي غاده :اوكي نوسي روحي حطي لها عصير وانا جيتك ونقزت على الباب بسرعه وطلعت تركض تحت وهي بالدرج تصاااارخ نووووووووووووونووووو عمري وضمتها طبعاً هذي صديقتها من ايام الثانوي وراحت تزوجت وتطلقت بعد فتره من زواجها اللي كانت 5شهور نوف:هلا حبي ايش اخبارك يالدبه متغيره غاده: اجلسي تمام عمري انتي اش سويتي نوف: والله ماادري وش اقول غاده بس الحمد لله وجلسوا ومهم متقبلات وجه لوجه : : هذا كان الساعه 4العصر : : غاده:عسا ماشر نوف : والله ما أدري وش اقولك ... بس حــيل متضااايق بعد طلاقــي من زوجــي وخصوصـاً رجعتي لبيت امــي وانتي تعرفين هي هالـ حين متزوجه من واحد ثاني بعد وفــاه أبــوي.. غاده : الله يرحمه ...وهـم وشلونهم معــاااك..؟؟ نوف ابتسمت : والله زنين .. غاده:الله يعين... يلا وش رايك نطلع فوق بغرفتي نوف :تبين الصراحه غاده:ايه حبيبتي ...اطلبي امري.. نوف ابتسمت : مليت من الجلسه بالبيوت خلينا نطلع برا وبعدين ماشاء الله حديقه بيتكم كل مالها تزين ... غاده حط يدها عند عيونها :لبيه يلا مشينا نطلع وهم قايمين من الصاله اللي كانت مفتوحه على مجلس كبير جداً نادت نوسي تجيب لهم العصير والكيك برا وفتحت الباب كان كبير جداً وكله زجاااج وطلعوا مع نور الشمس ومع اصوات العصافير حست نوف انها بجنه ام غاده فهي متعوده ........ ووصلوا لمكان كان جلسات وكان حوليه كله ثيل جميل وجلسوا ودق جوال غاده وهو بيدها وكان مهند عطته صامت ,,,شكت نوف نوف:غاده عسا ماشر وش فيك ماتردين.. غاده:لا هذا مهندوه مااابي ارد عليه اقول وش رايك اليوم نطلع طلعه يحبها قلبك... نوف :والله ماااقدر.. غاده : حسافه ياليتك تقدرين ... غاده جاها مسج فتحته وكاان مكتووب فيه من مهند ’’حبي وربي ادري اني غلطت ارجوك سامحيني انا جداً اسف جداً اسف وربي مااادري وش اقولك اطلبي وانا بعوضك ’’ ضحكت ..’’ايه هذا اللي ابيه ’’ نست ان نوف جنبها نوف تحط تدها قدام غاده وتاشر لها ,,,غاده انتبهت غاده:هلا نونو وش فيك حبيبتي.. نوف:وش فيني لا انتي اللي وش فيك وش هالمسج اللي جاك نساك اللي عندك لدرجه ان الخدامه جت ونزلت العصير وكلمتك وراحت وانتي ولا انتي داريه ضحكت غاده :بل بل ادري وش فيك بس ابي استهبل ... : : : : : _______________________________ |
|
| |
|
2009-02-12, 10:38 AM
| #5 (permalink) |
| T0o0Fe تاريخ التسجيل: Dec 2008 الدولة: ..حايلڪَـg.. العمر: 32
المشاركات: 17,005
معدل تقييم المستوى: 1959 | ’،’،’،{الجزء الثاااني}،’،’،’ _________________________ : : ((اليوم اللي بعدهــ ))... : : يــوم الـ جمعه ... الساعـه.. 8:00 ..صبــآآآآحآآآآ ... : : فــي احد البيوت .. بــالـريــآآآآض.. .. في بيت أبــو مــلاك كانوآآ كلــهم نآآيمين آلآآ ملاكــ ... :: :: ....والعــائله .. الاب :مو ذاك المركز بس عنده اموال.. الام: كانت تنحط ع جرح يبرا.. .. خواتهــآآ .. بدور ..3ثــانــوي.. نوره..2 متوسط .. كــانوا بغرفه .. وملاك بغرفه .. ملاك كانت تسولف مع واحد توها مرقمته امس يوم طلعت مع غاده جلست تكلمه من الساعه 5 الي الساعه 8... اعجبه بشخصيته الجميله واسلوبه كان حده راقيييي بختصآآآر ...خقت البنت معاه... متعب:يوووو حبي شكلي اخرتك عن النوم ملاك شافت الساعه كم تذكرت ان بكره كليه:عادي اذ نمت بريح حياتي متعب:اوكي حبي يلا نامي الحين يلا باي ملاك نامت وهي تكلمه:اوكي بااااا طوط طوط طوط ملاك حطت راسها ونامت ______________________________ .. .. .. فــي بيت ام محــمد.. الســآآآعه 11:00 ...صبـــآآآ حــآآآ .. ام محمد عند باب ولدها محمد .. صبخ بالباب خالد كان بغرفته قام خايف والتفت للباب لقاه مسكر حط راسه ونام .. : : ام محمد مانست ولدها خالد لكن بتصحي ولدها الاول محمد كان توه جاي من الشرقيه .. صبخ على بابه لكن مايسمع .. درت انه سهران وجابت كرسي عـشـــان ترتــاح لان حدهـآآآ تعبت منه .. وحطته عند بابه قامت مها من هالضرب وهي تحك راسها عند باب غرفتها مها :صباح الخير امها كانت ملقيتها ظهرها وماتدري انها قامت ومشتغله بالباب صبخ حطت يدينها على كتف امها وقالت بصوووووت عالي مها:صبـــــــــاح الخير ام محمد ضرخت مها خافت من امها.. التفت ام محمد على مها وحطت يدها على قلبها ام محمد:اشوووووووووا احسبك خالد قلت بيكمل على مثل امس ... مها تذكرت الـلي ..صـ ـأأأر : ههههههههههههههه هههههههههههههه .. الآ ويـــنه ...؟؟؟؟ ام محمد:مادري تلقينه بغرفته وش تبين فيه ؟؟؟ مها تذكرت وش صار امس وقعدت تضحك ام محمد:وش يضحكك مها:ياحرام انتي سويتي به مقلب ياحرام الحين يحسب انك يابالعنايه يا بالنعاش ام محمد ضربت مها مع يدها: ول ول فال الله ولا فالك.. مها:مو اللي يشوفك امس يقول كذا ..!!! ام محمد قعدت تضحك: ياحرام والله اثر وليدي ماله قلب .. محمد سمع امه ومها يسولفن برا فتح الباب بسرعه بيعرف وش اللي سوته امه بخالد ومها تدافع عنه ومتحسف ان الموقف فاته .. ام محمد ومها التفتوا للباب مســغربيــن .. بصوت مبحوح محمد:وش مسوين لخالد امس ...؟؟ مها:ول كل هذي شرافه مالك دعوه ..؟؟ ام محمد :روحي بس قوميه الصلاه ماباقا عليها شي.. راحت مها تقوم خالد : اما ام محمد قالت لمحمد كل شي محمد فطس من الضحك على خالد ______________________________ : : : فــي بيت ابــو غاده : : كــانت غــآآآده بالصــآآآله اللي بدور التحيتـــي .. .. ام غاده تبخر ابو غاده علشان بيروح للمسجد ... : : مر من عند الصاله انتبه لبنت جالسه مر من عندهآآ:غاده حياتي مو قايمه تسلم على ابوها ...!!! غاده:معليش بابا ماشفتك ....الله وش الريحه هذي ... وباست راس ابوها ورح للمسجد وام غاده وصلته لين الباب وغاده رجعت بمكانها وجلست ومعها الريموت ام غاده طلعت فووووق .. ___________________________ : : : أمــآآ فــي بيت ابـو ملاك : : فاهلها تعبو من الصبخ على الباب مافيه امل انها تقوم صاروا يدقون على جوالها على ان فيه امل انها تقوم ومن حضهم انه كان على الصامت ... ..يعني مافيه امل ابداً تقوم تدخلت بدور:ياناس خلوها متى ماقامت تتغدا يعني لازم معنا مو ترا من شرط.. ام ملاك:بس ابوك وده اننا كلنا نتجمع على الغداء.. ابوملاك دخل لقاهم كلهم متجمعين ماعدا ملاك .. ابو ملاك :هلا والله حبيباتي ... ملاكــ وينها..؟؟ نوره:بابا ملاك مانامت الا متاخره يعني اكيد ماراح تقوم الا العصر.. ابو ملاك ماعلق بس :بسم الله ..(وقام ياكل).. والباقين بعد اكلو |
|
| |
|
| مواقع النشر (المفضلة) |
| الكلمات الدلالية (Tags) |
| للكاتبة, من, الزمان, اقوى, ياراحة, رواية, وينك, كاملة |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه للموضوع: رواية ( وينك ياراحة ) للكاتبة اقوى من الزمان كاملة | ||||
| الموضوع | كاتب الموضوع | المنتدى | مشاركات | آخر مشاركة |
| وينك حبيبي..أنشودهـ..وسائط ..خاطره | وللسعادة معنى | الصوتيات والمرئيات والأناشيد والمحاضرات | 4 | 2010-03-23 04:05 AM |
| أقول وينك؟ولا القى غير وينك في سكوتي وصال | تفووق الووصف | الشعر وأبيات القصيد | 5 | 2010-03-22 11:13 AM |
Sitemap
الساعة الآن 02:56 PM. 
Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::
 |  |
العرض العادي
