منتدى المنطقة الشرقية  
منتدى المنطقة الشرقية

لاشتراك فى مجموعة قروب خليجيات

فى صندوق التسجيل ضع أميلك بشكل صحيح ثم اضغط على اشتراك

 

مركز تحميل الشرقية                                  

ألبوم الصور

فيديو يوتيوب الشرقية

موقع ومنتدى المنطقة الشرقية

 


العودة   منتديات المنطقة الشرقية > منتديات التسلية والترفيه > صرقعه



خفايف تعدل مزاجك !



إضافة رد
 
LinkBack أدوات الموضوع إبحث في الموضوع انواع عرض الموضوع
قديم 2009-07-05, 05:46 AM   #1 (permalink)

T0o0Fe

 
الصورة الرمزية T0o0Fe
 
تاريخ التسجيل: Dec 2008
الدولة: ..حايلڪَـg..
العمر: 31
المشاركات: 17,005
معدل تقييم المستوى: 1944
T0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامةT0o0Fe من الشخصيات الهامة
Icon4096 خفايف تعدل مزاجك !


السلام عليكم ورحمة الله وبركاته
صباح القشطة طايحن عليها ملعقة السكر للي يقرأ صبح
مساء الشقلاطه مفقشين عليها شوية مكسرات للّي يقرأ مساء
سوالفن خفيفه لكنه مفيدة وماهيب مفيدة .. وان شاء الله انها بتعدل مزاجكم شوي .. وتستانسون معها .. وخاصة اللي ماهوب جايز لهم السوالف الطويله وكثرة البربرة ..
ويحب (( خير الكلام ماقل ودل ))

{ خفايف تعدل مزاجك }

_ يوم انك تتغدى سمك بعد ماتصلي الجمعة له طعم ثاني ... وبعد ماتعبي كريشتك من الهامور وتأخذ لك صكة بلايستيشن مع بزران اخوانك الصغار ويهزمك اصغرهم 5 _ صفر ماتزعل لأنه له طعم ثاني .. تغلط وتنسى انك مآكل سمك وتروح للبقالة وتأخذ لك لبن مراعي كبير يقال انك بتهضم من زود الدلاخه ويصيبك تسمم وتنصرع عل اخوانك بالمجلس قدام الضيف ويشيلونك مع كراعينك ويدينك وانت رأسك متدلي ولسانك على جنب تصارع التسمم ويودونك للدختور ويطزك بأبره قبل لاتروح فيها وتقوم بالسلامة ولله الحمد وتحرم تأكل سمك انت وخشتك لأن له طعم ثاني .....



_ فنجال وعلوم رجال .. احلى فنجال قهوة وانت جالس على جنب تتابع مباراة المنتخب السعودي مع صديقك الحضري على الكنب وانت منت متعود على جلسة الكنب مغير رجيلاتك اللي كلهن شعر وجروح متفطره من جبال الديرة وكل شوي تحاول تقوم تنزل فالثوب تبي يغطي سيقانك وماسك الفنجال بكل جلافه وتشرب قهوة بشراهه كنك ضميان .. وخويك الحضري جالس بكل اناقة وجنتله ولابس ازين ملابس ومدلع نفسه شراريب وملابس كشخه وحاطن رجل على رجل وماسك الفنجال بكل انسيابيه ويشرب رشفه رشفه .. وتدخل عليك اخته بحلا التوفي وتختبط ويطيح منك الفنجال من الخرعه وتتغطى بشماغك تحسبها داخله بالغلط .. واخوها يضحك عليك ويقولك لا عادي هذي اختي ليندااااا .......................



_ زوجوه وافتكوا من شرّه ... تسمعها وانت ماشي مع السيب اللي بجنب غرفة الحريم ام صالح تقولها لعجيزك وتلعب براسها عشان تأخذ بنتها صالحه وتولف عليك من الأتسذاب والتهم الملفقه ومغازلة بنيتها المصون وهي جايه من الخياط كل ذا عشان النظره الخطأ اللي قزيتها بها وهي تمد عليك كم بصله من ورى الباب ذاك اليوم يوم غلق عندكم الغاز ... زوجوه وافتكوا من شرّه .. ابو ناصر << مسمّي نفسه ابو ناصر وهو مايخلف الا بنات << يتفاول خير .. عنّسن البنات وصارن كبر امك ولا احد جاهن وخطبهن ويحاول يتقرب منك ابوهن ويسلفك زي ماتبي قروش ويضيفك كل يوم غداء وقهوة وشاهي وبيبسي دايت ويدخلهن عليك باللغلط يقال انه يهاوشهن وانهن داخلات باللغلط وانت فاتحن فمك ماتدري وش تحس به
ولاينفع معك وتلقاه اليوم الثاني عند المسجد مع ابوك بعد الصلاة يقوله انه شافك تتن ورى الحنفية ويطالب بتزويجك عشان تعقل خخ ... زوجوه وافتكوا من شرّه .. جالس في العصريه مع براد الشاهي وتغمس ببسكوت ماري وتتصفح اخبار اليوم بالجريده ماتخلص من الجريده وتحطها بالأرض الا وقدامك ثلاثه نفر ( ابوك وامك واخوك المطوع ) يناظرون فيك وانت صايبك شك وريبه من انك بتذوق الكف بعد ثواني .. وتقمز مع اول كلمة من ابوك على بالك الكف ويقولك: ياوليدي انت كبرت واللي كبرك تزوجوا وانت ماشاء الله ماناقصك شيء متوظف ومستصح ومقتدر ووو .. ماناقصك الا بنت الحلال اللي تترس عليك البيت جرابيع صغار ... وانت تختار اللي تبيها بنخطبها لك ....... واــنا آآآآآآصيييح بصوووت قووووي تقال صافرة انذار ( زوجوني وفكوني منهم .......!!! )



_ ياسلام لا اختبارات ولا شيء ... ياحلو جوك وانت ماعندك اختبارات ومتكوي على فلم مصري جدييد البطل يموت اول خمس دقايق خخخ عمركم شفتوا فلم البطل يموت اول خمس دقايق ومعك فصفص ومكسرات ومتابع بحماس للفلم على بالك فيه احداث وهي نفس الأحداث اللي نتابعها بكل افلام المصاريه واحد يتعرف له على وحده ويحبها بثاني مشهد وابوها الغني ماهوب راضي لأن الولد خايس ومن عيله ئليله ويدخلون بمشاكل وفي الأخير يخطفها ويتزوجون غصبن عن ابو جدها .. واذا تسسعل الممثل : ليش احداثكم مكرره يقولك : المخرج عايز كده ... واخوانك يكرفون بهالكتب وانت تأذيهم بكل وسائل الأذيه من الوناسه اللي شاقتن صدرك .. مرة تجيهم داعس طبلونك وتسحب جلنطات على دفاترهم وتهج .. ومرة تطفي النور وتنسدح وسطهم يقال انه جاك النوم الساعه 6 المغرب .. والا تقعد تقابلهم بركن الغرفة بسندوتش الشاورما ومكثر الهمليز والشطه .. وتأكل حبه حبه تبي تزل نفوسهم بسندوتش الشاورما اللي يقوطر همليز وهم متابعين بتركيز معك عبالهم معادلة حسابيه غير ممكنة الحل .... وانت جالس تشرح لهم معادلة الشاورما مادري الا اللي صانك بفنجال قهوة على راسك منشب نص الفنجال براسك وماتدري الا الشايب بسروال السنة والفنيلة العلاقي وفي يده الباكوره واقفن على الباب يبي يسمع لك جدول الضرب خخ......



_ 5 بزراين اللي نجح منهم 4 وواحد جايبها دواوير حمر حاكره ابوه بالمقلط وقاطعن عنه الكهربه والماء والهواء وماعنده الا شمعه وحده صغيره مغير صياحها ودموعها الحارّه .. حبس انفرادي ليش ماتذاكر من الأول ... وياحلاوتها الليله للناجحين ويافرحة شايبهم بهم :: يالله يالله ياعيال اركبوا بجيب لكم هدايا النجاح ركبوا بصندوق الهايلكس 82 بدون خطوط هنقلين عشان مايطيحون البزارين .. والبزارين فرحانين الليله الليله عسكريم للعيله ورقص وهز وسط .. ويروحون لمحل العسكريم اللي بالفستق ...ويطقم لهم احلى عسكريم من الغالي أبو ريالين بعد المكاسر صار الواحد بريال ونص... ويصفط عند اقرب مطعم بخاري وحبة شواية مع الرز ومرندا كبير عائلي << يمدحون التوفير.. العاده تميس وفول وحبه زبادي وينامون جياع .. وأخيراً الفاجأة الكبرى في البيت والهدية الأحلى والأجمل والأمثل على قول مصطفى الآغـا سهرة الى الساعة 12 بالليل على فلم وثائقي على القناة السعودية الثانية !! على فكرة البيت مافيه غير قناتين الأولى والثانية وكان حاذفن القناة الثانية الشايب تدرون ليش ...؟؟ يقول فيها وصاخه ...........



_ أبوك مايشــوف زين سواقته صباحي بس ليلي مايسوق .. يقول مادرست ليلي !! .. تقوم بعد صلاة الفجر غصبن عنك وانت مانمت الا قبل الفجر بدقيقة يقومك ابوك بكرعه والا ينغزك بعصاته وانت نآآآيم ووفاتحن فمك كنك بياره ( الحضري مايقومه ابوه الا ببوسه وقوم يآولدي ) وحنا يالله المستعان .. وتقوم من النوم حالتك حاله من السهر تمشي وانت نايم تبي تدخل الحمام تغسل تلقى نفسك واقف بالمطبخ ماتدري وش الطبخه !! تركب السيارة جنب أبوك مغير تناظر قدام ماودك تكلمه يقال زعلان منه .. تشغل0 السيارة وتقومها بالثالث من القهر .. توصل للديرة وتحسب عمرك بتسدح أمها نومه لين يخلص شايبك اليوم الثاني .. تجي والشياب متجمعين بمجلس اكثر من 30 شايب كلهم شبه بعض .. ويطلعون عمانك ولازم تجلس معهم .. يرسلك اكبر عمانك للمحطة اللي عند المفرق تجيب له شي .. ويعطيك سيارة ولده لأن مامعك سيارة ابوك سحب المفتاح منك يخاف تدشر بالديرة .. تروح لسيارة ولد عمك الرانج روفر (( ددسن غماره .. التانكي بالغماره لابغيت تعبي بنزين يمد عليك اللّي مع القزاز واللي بيركب عند التانكي لازم يتربع .. المقاعد سست .. حوض مافيه .. الصدام مربوط بسروال ورع .. قمة الرفاهيه)) من القهر تقومها بالريوس .. ماشي طبلونها 50 .. تقص اللفات على سرعتك .. تقعد تلف حول الشجرة خمس لفات تبي تدمرها وترجعها لهم سيكل .. ماشي وداعس كنك برالي حايل .. وتطلع عليك عنز وتلف بسرعه وطربطخ وتقلب و... (نأسف على انقطاع الصورة من المصدر ) ويرجع الأرسال بعد نص ساعة وتلقى نفسك متمدد بسيارة ابوك بالمقعدة اللي ورى ومجبس بالكامل والسيارة ماشيه وفريد الأطرش شغال ( ماقالي وقلت له .. وياعوازل فلفلوا ) وابوك يسوق ويهز راسه طربآآآن وانت مصدوم ومذهول ماهوب من الحادث ولا من ( منهو جابني هنا ) لاآآ .. مصدوم ومذهول من انه ( أبوك طلع طربي موب شعبي ) ... وزي ماقالوا بالأمثال ( سقت به ليلي .. ورجع بي نهاري )



_ اكبر احرآآآآآآج يومنك قاعدن مع الضيوف على المفطح وبينهم ضيف تستحي منه حيل وماتدري الا ويدك مع يده بوصلة لحمه وكلن يشدها يمّه وتخجل وتعطيه اللحمه كلها وانت نفسك بتموووت عليها .. اكبر احرآآآآآج يومنك تضيع اهلك بالسوق وتقعد تدور عليهم وتلقى اختك تفرج بالتنورة وتروح وتقضبها بيدها وتقول وينكم ضيعتكم وتلتفت فيك بأستغراب وتطلع ماهيب اختك وتقعد تناظرك من فوق لتحت بعيون موووت يقال مستحقرتك وانت مرتبك وتسوي عمرك تناظر وراك



_ وشهو زئبق احمر !! ميمتي عندها وحدتن من هالمكاين السنجر كانت تخيط عليهن شراريبي المخرقه وثيابي الدفّه ... راميتها بالحوش لها سنين .. مكينه مصديه وحالتها حاله جبتها وكسرت ابو جدها آخذها وارميها من فوق السطوح على الحوش اجيها سباحي واردسها اطلع على المركى وقفز من فوق الحبال عليها خليتها فتات حتى الأبرة قمت عليها بسنيناتي راحن من عندي سنين والنـّـاب قام يرقل.. ماشفت والله لازئبق احمر ولا حتى زيت الوالده يقوطر يوم كانت تزيتها مغير المكرات تطلقن يمين ويسار وتدمير لكم صرصور .. وكم شبث شايلن عفشه مهاجر .. واحدن منهم يعرج ويناظر وراه ( الظاهر يسبني )



_ يآآآآآزين نومة الليل ويآآآآشين قومة الصبح .. يازين نومة الليل يوم تصكها نومه من بدري والغرفة مظلمة مابها الا نور التلفزيون يشع عليك ونايم على بطنك ورجليك يطلن من تحت الشرشف كلهن شعر .. رايحن فيها نومه وساحبن الشفاط تبي تلحق الحلقة الأخيرة من الحلم (( قبلة حارة بطعم الشطة )) والبطل مع البطله على الشاطىء ماسكين يدين بعض ويدورون ونسمة رايحه ونسمة جايه ويوم يقرب منها خلاص وانت ترتجف على فراشك تحس بشيء ماتدري وشهو .. وماتدري الا يجيك واحدن غثيييث ماهوب وقته يصرخ عليك ويصحيك الصبح للدوام وووووودك تصكه برجلك على جبهته .. وانت ترد عليه بصوت تخنقه عبرة من القهر تقول طــيب خلاآآآآآااص وتقوم وانت تداقس من النوم تفتح عين وتغمض الثانية وتقول في نفسك : يآآآآآشين قومة الصبح




othdt ju]g l.h[; ! l.h[; fu]l othdt

من مواضيع T0o0Fe في المنتدى


__________________
T0o0Fe غير متواجد حالياً   رد مع اقتباس
قديم 2009-07-05, 11:38 AM   #2 (permalink)
مشرفة برامج الماسنجر
 
الصورة الرمزية Hadhoud
 
تاريخ التسجيل: Oct 2008
الدولة: Ad Dammam
المشاركات: 4,655
معدل تقييم المستوى: 669
Hadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسيHadhoud قلم ألماسي
افتراضي

ههههههههههههههههههههههههههههه

الله يعطيك ألف العافية على هيك خفاااااااايف

من جد تعدل المزاااااااااااااااااااااااج

من مواضيع Hadhoud في المنتدى


__________________

Hadhoud غير متواجد حالياً   رد مع اقتباس
قديم 2009-07-05, 11:02 PM   #3 (permalink)
roh hyome
 
الصورة الرمزية روحي بروحك
 
تاريخ التسجيل: Oct 2008
الدولة: جداوية عايشة في الاحساء
العمر: 28
المشاركات: 8,858
معدل تقييم المستوى: 1075
روحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبيروحي بروحك قلم ذهبي
افتراضي

اقتباس:
_ ياسلام لا اختبارات ولا شيء ...


ابو وام التحطيم على هالكلام بصراحه خليتيني اصيييح تهي تهي هههههههههههه



اقتباس:
_ ياسلام لا اختبارات ولا شيء ... ياحلو جوك وانت ماعندك اختبارات ومتكوي على فلم مصري جدييد البطل يموت اول خمس دقايق خخخ عمركم شفتوا فلم البطل يموت اول خمس دقايق ومعك فصفص ومكسرات ومتابع بحماس للفلم على بالك فيه احداث وهي نفس الأحداث اللي نتابعها بكل افلام المصاريه واحد يتعرف له على وحده ويحبها بثاني مشهد وابوها الغني ماهوب راضي لأن الولد خايس ومن عيله ئليله ويدخلون بمشاكل وفي الأخير يخطفها ويتزوجون غصبن عن ابو جدها .. واذا تسسعل الممثل : ليش احداثكم مكرره يقولك : المخرج عايز كده ... واخوانك يكرفون بهالكتب وانت تأذيهم بكل وسائل الأذيه من الوناسه اللي شاقتن صدرك .. مرة تجيهم داعس طبلونك وتسحب جلنطات على دفاترهم وتهج .. ومرة تطفي النور وتنسدح وسطهم يقال انه جاك النوم الساعه 6 المغرب .. والا تقعد تقابلهم بركن الغرفة بسندوتش الشاورما ومكثر الهمليز والشطه .. وتأكل حبه حبه تبي تزل نفوسهم بسندوتش الشاورما اللي يقوطر همليز وهم متابعين بتركيز معك عبالهم معادلة حسابيه غير ممكنة الحل .... وانت جالس تشرح لهم معادلة الشاورما مادري الا اللي صانك بفنجال قهوة على راسك منشب نص الفنجال براسك وماتدري الا الشايب بسروال السنة والفنيلة العلاقي وفي يده الباكوره واقفن على الباب يبي يسمع لك جدول الضرب خخ......



اهم شئ انه اخذ علقه بعد التطنز على اخوانه يستاااااهل اللي يصير فيه هع هع هعااااااات

يصلمووووو توفيه على هيك خفااايف بجد اصتانصت

تحياااااتي وصلاماااااتي

من مواضيع روحي بروحك في المنتدى


__________________
روحي بروحك غير متواجد حالياً   رد مع اقتباس
قديم 2009-07-10, 01:18 AM   #4 (permalink)
عضو مميز
 
الصورة الرمزية الوترالحساس
 
تاريخ التسجيل: Jul 2009
الدولة: في (.....(.....).....))
المشاركات: 189
معدل تقييم المستوى: 170
الوترالحساس على الطريق
افتراضي

ههههههههههههههههههههههههههههههاي
يسلمو على الخفايف

من مواضيع الوترالحساس في المنتدى


__________________
مـن باعني برخيص بتراب ينباع
ومن عافني كل الجوارح تعافة
الوترالحساس غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مزاجك, بعدم, خفايف

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: خفايف تعدل مزاجك !
الموضوع كاتب الموضوع المنتدى مشاركات آخر مشاركة
تعدل 360 صدقه فراشة الوادي المنتدى الاسلامي العام 2 2010-02-19 05:57 PM
تحذيرات للمسافرين بعدم ترك منازلهم لقمة «سائغة» للصوص أمير الوجود أخبار الشرقيه 6 2009-07-24 05:52 AM
خفايف T0o0Fe صرقعه 6 2009-06-27 07:35 PM
عبر عن مزاجك بالصور قرويه صور 24 2009-04-21 06:50 AM

Sitemap

الساعة الآن 12:46 PM.

Google SiteMap

@QaZsD201

Copyright © االمنطقة الشرقية Powered by vBulletin® Copyright ©2000 - 2021, Jelsoft Enterprises Ltd.
Search Engine Optimization by vBSEO 3.6.066a66.com


أقسام المنتدى

المنتديات الإسلامية @ المنتدى الاسلامي العام @ الصوتيات والمرئيات والأناشيد والمحاضرات @ المنتديات العامة @ نقاشات وحوارات @ اصدقاء الشرقية @ منتديات الشرقيه @ أخبار الشرقيه @ السياحة والسفر @ الرياضة العربية والعالمية @ المنتديات الأدبية @ الشعر وأبيات القصيد @ النثر والخواطر ونبض المشاعر @ القصص والروايات @ منتديات الأسرة والمجتمع @ الطفل والأسرة والمجتمع @ الازياء الجمال @ الديكور والأثاث المنزلي @ منتديات التسلية والترفيه @ الألعاب الفكرية والتسالي @ صور @ صرقعه @ المنتديات التقنية @ الكمبيوتر والإنترنت @ برامج والبرامج المشروحة @ جرافيكس والتصاميم @ منتديات الشكاوي والإقتراحات @ الشكاوي والاقتراحات @ الأقسام الخاصة بالإداريين والمشرفين @ المشرفين @ المحذوفات @ المواضيع المنقوله @ منتديات ماسنجريات - توبيكات - توبكات - نكات ملونة @ برامج ماسنجر للماسنجر @ توبكات ماسنجر - توبكات ملونه - توبكات مسنجر @ صور ماسنجر رموز للماسنجر - اختصارات @ مطبخ اسرار @ الثقافة والمعلومات العامة والتطوير الذاتي @ الجوال العام @ السيرة النبوية @ المواضيع الإسلامية المخالفة @ تصوير الاعضاء والكيمرات @ الخيمة الرمضانية @ منتدى الخيمة الرمضانية @ المواضيع المميزة @ مناطق ومدن الشرقية @ قروب خليجيات @ رسائل قروب خليجيات @ الاداره @ السيارات @ منتديات الطب و الصحة @ الطب العام @ طلبة الطب @ الرجل ادم @ مقاطع فيديو @ منتدى منبع الروايه @ مجلس الاعضاء @ التميز @ منتديات الجوال والهواتف الذكية @ برامج والعاب الجوال @ بلاك بيري والايفون iphone,ck berry @ دروس الوسائط mms @ اسرار النواعم @ منقول الخواطر @ مدونات الاعضاء @ طبخ المأكولات والعجائن @ الحلويات @ المشروبات @ السلطات @ اللغة الأنجليزية @ منتديات فيديو - video @ جرائم - مقاطع مرعبة @ افلام وثائقية @ العاب فلاشية @ اطفال @ الصور العالميه @ الاعلانات - التسويق @ المواقع @ المنتديات @ تسويق @ الشركات @ الهلال - الزعيم @ الاهلي - القلعه @ الاتحاد - العميد @ النصر - العالمي @ الشباب - الليث @ حيوانات @ جميلة @ صور متحركه @ اخبار مصورة @ كاميرة خفية @ صور غريبة @ الايبود - الايباد @ المنتدى العام @ تويتر الشرقية @