| | |
لاشتراك فى مجموعة قروب خليجيات
فى صندوق التسجيل ضع أميلك بشكل صحيح ثم اضغط على اشتراك
| |||||||
منتدى الخيمة الرمضانية  |
 |
| | LinkBack | أدوات الموضوع | إبحث في الموضوع | انواع عرض الموضوع |
2009-09-08, 06:54 AM
| #1 (permalink) |
| مشرفه منتدى الطفل والأسرة والمنتدى العام  تاريخ التسجيل: Oct 2008 الدولة: الشرقيه
المشاركات: 861
معدل تقييم المستوى: 264  |  مقلب ( 4 ) بلا تعقيد بلا وجع قلب .. السلام عليكم ورحمة الله وبركاته كيفكم مع الصيام ذهب النصف منه على خير وان شاءالله تذهب بقية الأيام منه وانتوا بألف خير وصحة وسلامة كما وعدناكم أعزائي راح ننزل المقلب الرابع من مقالبنا انا والدحمي واعذرونا على التأخير بس ماعليكم اليوم راح ننزل المقلب الرابع وأتمنى لكم أجمل اللحظات.. عضواً اكتسح ساحة المنتدى بتميزه الأخاذ تربع على عرش قلوبنا من خلال طيبته وخفة دمه من يعرفه ومن لايعرفه يجد نوعاً من الحزن ظاهراَ على بعض ملامح شخصيته شخصية أحببناها كثيراً شخصية لامعه متألقة تتميز بالبساطة والروح النقية يمتلك حساً مرهفاً ومشاعراً جياشه تظهر بشكل دقيق من خلال ردوده ونوعية مواضيعه التي يطرحها .. فقد برع بشكل كبير في كتابة الخواطر وأصبح كاتباً مبدعاً في هذا النوع من الكتابة .. طبعاً كلكم عرفتوا منو اقصد ألا وهي الشخصية اللامعة في سماء الخواطر وهو مشرفنا الغالي والعزيز على قلوبنا وهو 7 7 7 7 ( روح العاشقــــين ) المقلب عبارة عن .. روح العاشقين كان مسافر وكنت راسله له رسالة خاصة وهي اني ابغى اتكلم معه في موضوع ضروري واول مارجع روح من السفر شاف الرساله وعلى طول راسلني يسأل عن الموضوع اللي راح اتكلم معاه فيه طبعاً روح العاشقين ههههههههههههههههههه ما اكل المقلب تمام التمام لانه مجرب القرصه من العام اللي طاف .. المهم شوفوا معنا ايش اللي صار .. عن طريق الرسائل الخاصة في المنتدى .. 7 7 7 روح العاشقين : خير أختي شغلتني بالي بموضوعك اللي راح تتكلمين عنه ترى من هذاك اليوم وأنا بالي مشغول شو موضوعك المهم ارجوانا : صباح النور بصراحه في موضوع حابه اتكلم معك عنه من فترة لانك انسب شخص اقدر استشيره بس صادف انك سافرت وانتظرت جيتك عشان آخذ رايك بالموضوع ؟ أي بالخدمة خية تفضلي كلي لك أذان صاغية وعيون قارئة إن شاء الله أقدرأخدمك قدر الإمكان مشكور اخوي كلك ذوق بصراحة الموضوع انا سجلت من ضمن الابتعاث للخارج عشان اكمل دراستي وآخذ شهادة الماجستير ووفقت ولله الحمد بالقبول لان معدلي الاكاديمي يأهلني للابتعاث بس متخوفه من السفر خاصة ان المرض انتشر والدراسة هناك اختلاط؟ فا ماادري انت شرايك.؟ المصدر: منتديات المنطقة الشرقية - من قسم: منتدى الخيمة الرمضانية lrgf ( 4 ) fgh jurd] ,[u rgf >> 4 lrgf fgh jurd] ,[u  عش في رضا المعبود ولا تعش في رضا العابد ......... ولتصغر الدنيا في عينيك وكن فيها نعم الزاهد التعديل الأخير تم بواسطة ارجوانا ; 2009-09-08 الساعة 07:38 AM |
|  |
|
2009-09-08, 07:01 AM
| #2 (permalink) |
| مشرفه منتدى الطفل والأسرة والمنتدى العام تاريخ التسجيل: Oct 2008 الدولة: الشرقيه
المشاركات: 861
معدل تقييم المستوى: 264 | أول شئ أثرك بطيئة بالكتابة وأنا ما أدري فقعتي مرارتي وأنا أنتظر ردك على العموم نجع لمحور حديثنا شوفي أختي من ناحيتي أنا بحط نفسي بموقفك عشان ما أظلمك ولا أخدعك بالإجابة يشهد الله أني كنت راح أبتعث لكني رفضت البعثة من أصله وكل من شاورني بأمور البعثه أقوله الغربة ما هي زينةما أحملها هذا أل سبب وثاني سبب أني ما أظمن نفسي يعني إبليس حي مامات وأنا صراحة شخص أخاف على نفسي وثالث شئ أيضا الأمراض اللي جالسة تحصل لهاتأثيرها لذلك أنا أرفض فكرة الإبتعاث لنفسي كوني رجل وأرفضها أيضا لأختي وبما أنك أختي والله أقول لو تكملين دراستك بالمراسلة ما يمنع أفضل من أنك تسافرين وتعرضين نفسك لضغوطات أنتي في غنى عنها اشكرك اخوي على ردك بس صدقني الدراسه هناك افضل والشهادة بتكون اقوى وهذي فرصه والفرصه ماتجي الا مره بالعمر.. والله محتاره مدري شسوي؟ أنا معاك فرصة وفرصة لا تعوض بس هم قلت لك تقدرين تدرسين عن طريق المراسلة تراسلين الجامعة اللي تحبين وتبقى دراستك عبرها يعني افهم من كلامك انك ما تأيد دراسة البنت للخارج هناك ؟ أسف والله النت صاير عندي زفت بالمرة طلعت روحي معاه العذر والسموحة خية لا والله ما أأيد دراسة البنت بالخارج وخاصة في هذا الوقت بالتحديد أنتي عارفة أنا نمر بأوقات غير سوية والعالم ماعاد مثل أول يا خية إذاهذا الشخص معتدل وأوك الناس ما يخلونهم بحالهم وأستدل من تجارب ناس أعرفهم راحوا ولما رجعوا رجعوا بشكل ثاني أنا عارف إن الناس كلها مو مثل بعضها بس هم الشيطان شاطر أسف خية فصل النت والله أني منحرج منك العذروالسموحة نكمل موضوعنا هلا فيك روح لا عادي مو مشكله تحصل في اكبر العائلات.. المهم نرجع لموضوعنا.. افهم من كلامك انك ماودك اروح لاتحبط معنوياتي ارجوك بس ما تلاحظ روح انك معقد بعض الشيء يعني مولهالدرجه التعقيد وسع مدارك افكارك اشوي .. شوفي خيتي والله مو محاولة إحباط معنويات أبدا لكن هاذي من وجهة نظري لربما أنتي تشوفين شئ أنا ما أشوفه بعدين أنتي لازم تفكرين من كل الإتجاهات مو من جهة وحدة وأنا قلت لك قبل ما أتكلم أني حاط نفسي مكانك وأنتي أعتبرك مثل أختي يعني هل بسمح لأختي تروح بكذب عليك لو بقولك أي الأمور بالنسبة لي صعبة كثيرة من الغربة والجو والإختلاط وغيره وغيره فكري لمدى طويل وعلى راحتك وأنا صدقيني مو ضد مصلحتك لك أقول واقع تقدرين تكملين الماجستير وأنتي مكانك ما يمنع لا مو على كيفك انا مصممه اعمل اللي براسي ولازم اروح واشوف مستقبلي هناك الواحد كم مره ينتظر الفرصه تجيه واشوه اني مو اختك صدق كان جاني انهيار عصبي بسبب تعقيدك اللي مدري لوين بيوصلك .. هههههههههههههه على راحتك خية والله أني أتمنى لك التوفيق ن كل قلبي ويسهل أمورك وين ما تروحين أنا مجرد قلت وجهة نظري وأنتي طلبتيها بس صدقيني أتمنى لك التوفيق كنت متوقعه اني لا استشرتك راح تشجعني على السفر لكن للاسف اكلمك كأني اكلم جدتي او جدي تدري ابوي بعد نفس تفكيرك دقة قديمه ومعارض الفكره بقووووووووووووووه ويوميا يهاوشني بخصوص هذا الموضوع تدري اول امس عطاني كف على وجهي احتد النقاش بيننا وتطاولت عليه بس ماعلي من احد حتى لو اني اهج من البيت عشان اروح ادرس هذا مستقبلي عارف يعني شنو مستقبل هذا اللي راح يعمل لي كيــــــــــان مستقــــــــل .. عش في رضا المعبود ولا تعش في رضا العابد ......... ولتصغر الدنيا في عينيك وكن فيها نعم الزاهد التعديل الأخير تم بواسطة ارجوانا ; 2009-09-08 الساعة 07:43 AM |
|
| |
|
2009-09-08, 07:10 AM
| #3 (permalink) |
| مشرفه منتدى الطفل والأسرة والمنتدى العام تاريخ التسجيل: Oct 2008 الدولة: الشرقيه
المشاركات: 861
معدل تقييم المستوى: 264 | والله يا خية أني مو ضد مستقبلك ولا ضد أنك تكملين دراستك طيب قوليلي شو يمنع لو خذتيها بالمراسلة موهي نفس الشئ شئ ثاني فكرتي بالمحرم اللي بيروح معك وإلا بس كذا بتروحين أنا مقدر وضعك وحرصك على مستقبلك والله ومقدر خوف والدك عليك الأمور مو بالسهولة اللي تصورينها كل من قال بيسافر طق جوازه وراح لا السفر له عتبات وله أمور لازم نتقيدفيها عذريني خيتي أن جرحتك أو ضايقتك بكلامي بس لازم ندرس الواقع ماندرس أندفاعنا صحيح لكل له حلم ويتمنى يحققه لكن لابد يتقيد بشروط عادي مو شرط محرم بروح لوحدي وان شاءالله بكون قد نفسي واكثر وكلها 3سنين وانا راجعه يعني السالفه مو مطوله مو مثلك بلا تعقيد بلا وجع قلب من قالك مو شرط محرم سألتي أنتي رجل دين على حسب علمي المرأةلا تسافر إلا بمحرم بعدين مهما كنتي قوية تبقين حواء فيه أمور ماتقدرين تسوينها أعتقد أنك تعرفين هالشئ وما يحتاج أقولك بعدين صدقيني مو تعقيد المسألة مسألة حفاظ على النفس أفهميني واللي يرحم والديك أرجوانا أنا لو أبي أحطمك قلت لك إياها من الكلمة الأولى بلاهاوخلاص لكن والله مثل ما تهمني مصلحتك من واجبي أخاف عليك وأحذرك من قالك اني بكون لوحدي هناك هناك اختي وزوجها يدرس هناك انا بطالب ادرس بنفس الولايه عشان اسكن معهم وبعدين على شنو بتخاف علي دام البنت حجابها اوك وعارفه تعاليم دينها زين وتمشي في حالها وجايه لهدف معين وحلم تبغى تحققه ماعليها من احد هناك ابد مهما كانت الظروف.. عارفه مافي شي يجي بالساهل لازم بمر بصعوبات في البدايه لكن هذا مايمنع من المحاوله والاصرار و العزيمه عشان احقق حلمي وأصل الى مبتغاي.. اتمنى تروح وتراجع حساباتك من جديد وتحاول تطور من نفسك اشوي شوف الدنيا كيف تغيرت وتطورت.. وانت لحد الحين عايش في اوهامك وافكارك اللي ماراح تنفعك.. أنا عارف ان الدنيا تغيرت وتطورت وعارف أن كثير من الأشياء تغيرت بعدين أنا مو خايف عليك من نفسك لا لأنك أنتي تعرفين الله سبحانه وتعرفين أمورك زين أنا اللي خايف منه تعرض الناس لك الدنيا ما تخلى وبا أنك تشوفين فيه محرم لك ومصممة على رايك الله يوفقك دينا وأخرة يارب وإن شاء الله يتحقق حلمك ومبتغاك ويسهل لك أمورك على العموم الأخلاف في الرأي لا يفسدبالود قضية هههههه مسألة أني ما أأيد السفر مو عناتها أني أجهل الشئ أناس كثيرة أفهم مني وأعلم مني ويرفضون هالشئ والدليل والدك له خبرة أكثر مني بالحياة وعارف أمورها الله يحفظه ورافض الفكرة تمنياتي لك بالتوفيق خية من كل قلبي والله من جد الله يعينك على نفسك في تصوري الناس كلها تتغير الا انت محد معرقل مسيرة العلم والوصول للافضل الا امثالك.. بلا تعقيد بلا وجع قلب .. عش في رضا المعبود ولا تعش في رضا العابد ......... ولتصغر الدنيا في عينيك وكن فيها نعم الزاهد التعديل الأخير تم بواسطة ارجوانا ; 2009-09-08 الساعة 07:46 AM |
|
| |
|
2009-09-08, 07:24 AM
| #4 (permalink) |
| مشرفه منتدى الطفل والأسرة والمنتدى العام تاريخ التسجيل: Oct 2008 الدولة: الشرقيه
المشاركات: 861
معدل تقييم المستوى: 264 | نلاحظ هنا روح العاشقين حس ان السالفه كلها مزح شوفوا ردة فعله .. هههههههههه أجمل شئ تدرين الله يكثر من أمثالي على العموم أرجوانووه لعبتك مكشوفة يا دوووبة تبين تنرفزيني بعدين تقتبسين العصبية في رمضان يووووو قديمة انت شفيك صاحي؟ وش جالس تخربط يا اخ روح هذا وقت استهبالك انت الحين جالس تاخذني على قد عقلي ولا شنو ولا افكارك الاثريه عفست الفيوزات عندك .. لا والله فيني النوم وقمت أخربط من البارح مانمت لا أخذك على قد عقلك ولا شئ زين كملي حديثك أنا أستمع لك غير أني أثري بعدشنو انت مو بس اثري الا قووووووووووووطي الله يصبرني عليك.. يا الدب ادري فيك جالس تتمسخر علي صح ..؟ موعيب؟ قوطي سفن أب وإلا ميرندا لا والله ما أتمسخر يالدووبة أنتي أتخذتي قرارك ورايي وقلته وطلعت عندك أثري وما أفتهم والأمة ماراح تتقدم بتفكيري شتبيني أسوي الأن يعني ما لقت الأمة إلا تتقدم علي تعتبر أمة فاشلة لماتتقدم على واحد زيي جالس تنكت انت الحين بعد مااكلت المقلب وشربته تعيش وتاكل غيره كل الحوار اللي دار بيننا كان مزح في مزح وآسفه ان طولتها معاك وكل عام وانت بالف خير والله أدري أنه مقلب ما تشوفين قلت لك مقلب يالتووحفة أنتي اللي أخذتيه موأنا على العموم وأنتي بألف خير يا أم البعثة ربي يوفقك بالدنيا والأخرة وسلمي على أختك إذا رحتي لها ههههههههههههه لا تنسين أخذي محرم معاك يالتراثية شفتوا روح كيف هبل فيني تهبيل وفي الاخير كشفني  انتظر آراءكم في اللي صار تحياتي..واحتراماتي .. عش في رضا المعبود ولا تعش في رضا العابد ......... ولتصغر الدنيا في عينيك وكن فيها نعم الزاهد |
|
| |
|
2009-09-08, 08:00 AM
| #5 (permalink) |
| أبو محمد  تاريخ التسجيل: Sep 2008 العمر: 42
المشاركات: 8,031
معدل تقييم المستوى: 50  | وش هالذكاء عندك تسوين مقلب في واحد قد سويتي فيه مقلب أحس أنك لغة عربية وبعدين أنشهد أنه صدق أنك بطيئة في الكتابة شفتي مو أنا لحالي اللي قدر يكتشف بطئك في الكتابة روح العاشقين ودي أآنهم نزلو الملقلب اللي في الاقتراحات والشكاوي  يعطيكم العافية على هالمقلب الحلو والجميل والرائع ومشكورين [marq="2;right;2;scroll"]اللهم لا تجعل لنا ذنباً إلا غفرته ولا هماً إلا فرجته ، ولا دَيناً إلا قضيته ولا مريضاً إلا شفيته ، ولا عدواً إلا كفيته ، ولا غائباً إلا رددته ، ولا عاصياً إلا عصمته ، ولا فاسداً إلا أصلحته ، ولا ميتاً إلا رحمته ، ولا عيباً إلا سترته ، ولا عسيراً إلا يسرته ، ولا حاجة من حوائج الدنيا والآخرة لك فيها رضاً ، ولنا فيها صلاح إلا أعنتنا على قضائها في يسر منك وعافية برحمتك يا أرحم الراحمين[/marq]   |
|
| |
|
| مواقع النشر (المفضلة) |
| الكلمات الدلالية (Tags) |
| 4, مقلب, بلا, تعقيد, وجع, قلب |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه للموضوع: مقلب ( 4 ) بلا تعقيد بلا وجع قلب .. | ||||
| الموضوع | كاتب الموضوع | المنتدى | مشاركات | آخر مشاركة |
| مقلب (( 5 )) الحاله النفصيه و ماصأة وقصص حب على وشك قريب | (חשב כללי) | منتدى الخيمة الرمضانية | 26 | 2009-11-18 12:14 AM |
| مقلب ( 3 ) ياجبل مايهزك ريح .. | ارجوانا | منتدى الخيمة الرمضانية | 43 | 2009-09-01 01:56 AM |
| مقلب ( 1 ) عمر الصداقه مالها ثمن .. | ارجوانا | منتدى الخيمة الرمضانية | 57 | 2009-08-29 08:39 PM |
| جديد سنتو << وربي مو مقلب | سنتووو | صور | 6 | 2009-07-30 01:25 AM |
| مقلب بسيييييييييط من مقاااالب الشباااب | همس المحبة | صرقعه | 14 | 2009-05-19 01:56 AM |
Sitemap
الساعة الآن 07:49 PM. 
Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::
 |  |
العرض العادي
