مرت ثلاثه ايام وفيصل كل يوم يزور دلال ويتطمن عليها ويحاول يعرف منها مكان صالح وهي تقول ما تدري
المحقق:ها وش قالت؟
فيصل:نفس الجواب ما تدري، انتم ليش ما تطلعونها ؟؟
المحقق:اخوها لا درى انها بالسجن اكيد بيجي
فيصل: ان شاء الله يرجع ونعرف منه ليش سوى كذا،يالله انا استاذن
المحقق:فمان الله
ركب فيصل سيارته واتجه لبيته ودخل سيارته للقراج ونزل من السياره وسمع صوت عند البوابه طلع وشاف صالح ومعه رجال ما يعرفه
فيصل:صالح وين كنت؟اختك في السجن
صالح:-----------
الامام:اعرفك على نفسي انا يوسف
فيصل:اهلا وسهلا
يوسف:قبل يومين كان صالح عندي وخايف من الشي الي سواه ومن الشرطه
فيصل:انت تحت سن الـ 18 يعني ما راح ينفذوا عليك القصاص بس المشكله انك بتنسجن
صالح:انسجن انا ولا تنسجن اختي
ابتسم فيصل رغم المشكله الي يمرون فيها طلع عقل هالصغير احسن من عقل اخوه مسفر
فيصل:معك سياره ولا تركب معي؟
يوسف:معي سياره
فيصل:اجل الحقني على مركز الشرطه
واتجهوا لمركز الشرطه وسلموا صالح اما دلال اطلعت وهي تبكي لان مستقبل اخوها بيضيع في السجن ورجعت مع فيصل لبيته وبامر منه
دخل فيصل لغرفه شذى و قال:شذى لازم نتكلم الحين
شذى:في ايش هو اصلا بيننا كلام
فيصل:شذى اهدي اشوي وخلينا نتكلم ورجاء ابغاكي تسمعيني للنهايه و بدون مقاطعه
شذى:ما ابغى اسمع منك شي
فيصل:اوكي بس اذا مت انتي راح تكوني سبب موتي وطلع من الغرفه وشذى تحاول تستوعب كلامه
ركضت وراه وهي تحاول تناديه فيصل فيصل
ما لحقت عليه وركب سيارته ومشى
سمعت دلال صراخ شذى وترددت تروح لها تكلمها ولا لا ، توكلت على الله وطلعت غرفتها ودقت الباب ، شذى بخوف وفرحه فتحت الباب
وقالت:فيصل ، واتغيرت علامات وجهها لما شافت دلال
شذى:من انتي؟
دلال:ممكن اخذ من وقتك شوي
شذى:لا يكون انتي حبيبه فيصل شاللي رجعك للبيت مره ثانيه؟؟
دلال: لو سمحتي انا ما احب احد يكلمني بهالطريقه
شذى:ههههاي حقيره وتعرف اساليب الكلام والله شي غريب
دلال :لو سمحتي احترمي نفسك واسمعيني للاخر
شذى:اافففففففففففف قولي وش عندك وخلصيني؟؟
نسى فيصل جواله مفتوح ودق نواف عليه
فيصل:هلا نواف
نواف: لا هلا ولا مرحبا
فيصل:افاااااااا لييييييه ؟؟
نواف:ثلاث ايام انت وزوجتك ما تدقون علينا ولا نايمين في العسل؟؟
فيصل بدون نفس:هههه اي عسل الله يهديك
نواف:لا يكون اختي مجننتك؟
فيصل:من ناحيت الجنون فهي مجننتني مره
نواف:اش عليك عايش حياتك انت وزوجتك وناسي ان لكم اهل يسالون عنكم
فيصل:هههه بشرهم اننا بخير وما فينا الى العافيه
نواف:طيب متى بترجعون؟
فيصل:مدري بس افكر اطول المده شوي
نواف:بعد ، ليه شهر ما يكفي
فيصل:بصراحه لا
نواف:ابعرف انتم وش تسوون ؟؟
فيصل:وانت وش دخلك يالله بس قفل عطيتك وجه زياده عن اللزوم
نواف:ههههه طيب يالله سلام وسلم على شوشو
فيصل:ان شاء الله سلام
جلس فيصل يلفلف بالسياره واحتار وين ينام الليله خلاص مل من كلام شذى ويبغى يرتاح لو يوم واحد يس وين يرتاح وهي شاغله تفكيره وقلبه
نواف:الاخ نايم في العسل وانتم شاغلين بالكم فيه
ام شذى:طيب ليش مقفلين جوالاتهم؟
نواف:مدري عنه
سلمى:اكيد ما يبغى ازعاجنا
نواف: والله معاه حق لو انا مكانه بسوي نفس الشي
ام شذى:اااخ منكم يا شباب اليوم
سلمى:ههههه والله انا نهبل يا خالتي
نواف:صح نهبل
ام شذى:الى ترفعون الضغط ،اروح اشوف بنتي ازين لي
نواف وسلمى:ههههههههه
دلال:انتي غلطتي في حق فيصل كثير مع ان نيته كانت صافيه من ناحيتي ولا كان يفكر فيني
شذى من قوة الصدمه مو قادره تتكلم
دلال:دقي عليه وكلميه
شذى:اخذ جوالي وتليفونات البيت كلها عنده ، ياربي انا وش سويت هو قال اذا مت بكون انا السبب ورى موته
آآآآآآآآآهـ يارب رجعلي فيصل سالم من كل شر
حجز فيصل غرفه في فندق ونام فيها
اما شذى ما قدرت تنام وصارت تروح وتجي في الغرفه زي المجنونه ولما طلع الصباح اخذت عبايتها ولبستها
دلال:وين رايحه ؟
شذى:بروح ادور على فيصل اخاف صار فيه شي
دلال:وين تدورين عليه؟
شذى:بكل المستشفيات يمكن القاه ونزلت من غرفتها وطلعت برى الفله وهي ماشيه بالحديقه لقت فيصل نازل من السياره وركضت له
ودموعها على وجهها وحضنته
فيصل باستغراب:شذى وش فيك؟؟ بسم الله عليك يا قلبي
شذى ببكى:انت بخير وناظرت فيه ؟؟
فيصل ببتسامه:ايه بخير بس ليه الدموع؟؟
شذى:سامحني يا فيصل على الي سويته بس والله ماكان قصدي بس الخوف و الشك عمى قلبي
فيصل:شذى انتي المفروض ما تشكين فيني انتي اكثر وحده تعرفين هالقلب من سكن فيه ،انتي بالنسبه لي الهوى الي اتنفسه والشمس الي تشرق
كل يوم انتي املي وحياتي وقلبي انا مستحيل ولو للحظه اخونك
شذى:اعتبرني غبيه او هبله او مجنونه بس سامحني مابي شي غير انك اتسامحني وتخليني جنبك
ضمها فيصل لصدره وقال : طول ما انا عايش ماراح اخليك تبعدين عني وبتظلين داخل هالقلب و ماراح تطلعين ابد
شذى:ياليت كل القلوب مثل قلبك كان عشنا دنيا الخير كاسيها من اولها لاخرها ، بس للاسف مثلك في البشر نادر
فيصل:شكلنا مطولين هنا وانا حاس اني بطيح من طولي من قوه الشمس
شذى:بسم الله عليك
فيصل:اجل خلينا ندخل للبيت ، دخلو للبيت وطلعوا لغرفتهم وهم مبسوطين وفسخت شذى عبايتها وعلقتها في الدولاب وسرحت اشوي
فيصل:ودي انام بس من كثر شوقي لك ما ابغى اضيع ولا دقيقه بدون ما اشوفك ، شـــذى شوووشووو
شذى:-------
قرب منها ومسكها مع خصرها وقال : حياتي اش فيك؟
شذى:ولا شي بس فيه شي بروح اسويه وارجعلك
فيصل:طيب ، وراح انسدح على السرير وهي طلعت من الغرفه وراحت للمطبخ عند الخدامه واعتذرت لها عن الي صار
الخدامه:انا ما بلومك لاني لو كنت مكانك يمكن اسوي اكثر من هيك
شذى:يعني مسامححتني؟
الخدامه:ايه مسامحتك
ابتسمت شذى وراحت لدلال الي كانت حاطه راسها على المخده دقت باب الملحق ودخلت على طول
دلال:يا هلا
شذى:انا جيت عشان اعتذر لك على الكلام الي قلته امس صدقيني ما كان قصدي
دلال:عاذرتك
شذى:اكيد انا ما ابغاكي تشيلي في قلبك علي
دلال:صدقيني مسامحتك ويشهد الله علي
شذى:طيب شيلي شنطتك وتعالي معي
دلال:وين؟
شذى:للبيت بتسكنين معي ما راح اخليك في الملحق
دلال:لا خليني هنا احسن ما ودي اضيق عليك
شذى:بيتي يكفي قبيله بكبرها يالله قومي وهذا الشي قليل في حقك لان الشي الي سويتيه خلاني ارجع لعقلي وانتي بعد الله السبب في وجود فيصل جنبي
ابتسمت دلال لها وطلعت معها لغرفه من غرف الفله وجلست معها تسولف عن حياتها
شذى:ما كملتي دراستك؟
دلال:اخذت شهادة الثانويه وجلست في البيت لان ابوي الله يرحمه كان تعبان وقتها
شذى:اهااا طيب مانتي ناويه تكملي دراستك؟
دلال:ودي بس
شذى:دام لك نفس بالدراسه بكلم فيصل
دلال:بس هذا كثير
شذى:لا مو كثير يالله بخليك ترتاحين الحين
دخلت شذى لغرفتها وشافت فيصل نايم وقالت عسى الله لا يحرمني منك
رجع نواف من الشغل للبيت وسوى رجه في البيت والكل نزل من غرفته وهو متذمر
طلال:شفيك انت ؟
ام شذى:خير يا يمه فيك شي؟
ريما:اكيد وراك شي يالمجرررم
سلمى:شوي شوي على زوجي
ريما: اقول انطمي وخلينا نعرف وش عنده
نواف:فيصل وشذى جايين اليوم
ام شذى:تتكلم جد
ريما:اكيد مقلب
سلمى:ليش؟مو المفروض يقعدون شهر بعدين يرجعون؟
نواف:شوي شوي علي بعدين انا مدري وش عندهم ، المهم انا قلت نغير جو ونروح للمزرعه وغير كذا دقيت على خويلد عشان يجي هو وعيلته
ريما الله وناسه
سلمى:وعادت ايام الخوالي
نواف:بدون كثر كلام ويالله ابدوا جهزوا من الحين
طلال:طيب هم بيشتغلون انا شدخلني مقومني من الصبح
نواف:لانك راح تساعدني في نقل الاغراض للمزرعه
بدر :يمممممممه ،انتصـــــــــــــــار
ام فيصل:خير يا يمه
بدر:وين نونو؟؟
ام فيصل:استح على وجهك
بدر:شقلت انا؟
ام فيصل:عيب تدلع زوجتك قدام خلق الله
بدر:ههههههه عادي ما فيهاش حاقه
انتصار:شعندك تصارخ من الصبح؟
بدر:بنروح للمزرعه اليوم
انتصار:اي مزرعه؟
بدر:مزرعة عمي ابو نواف الله يرحمه
ام فيصل:والمناسبه؟
بدر:ولدك بيرجع من برى هو وزوجته
ام فيصل:صدق
بدر:ايه فيصل كلمني وقال لي وانا كلمت نواف وقال احسن نروح للمزرعة عشان نغير جو
ام فيصل: زين حنا بنرتب الاغراض وان شاء الله ما نبطي
|