2010-07-31, 03:39 PM
|
#47 (permalink)
|
| ربي سألتك جنةعرض الفضاء()
تاريخ التسجيل: Jun 2009
المشاركات: 5,456
معدل تقييم المستوى: 746 | 
حاولت أنام أو على الأقل أريح راسي من التفكير صعب علي الوضع كله صعب قلبي ما ينبض إلا لسالم أكيد الي بيسمع عن قصتي بينتقدني بيقول متزوجة وتناظر غير زوجها لكن سالم غيييير سالم حسسني بقيمتي صح ما صار بينا شي بس يكفي اني اهمه يكفي اشوف في عيونه الحب الشوق عكس إلانسان المريض الي اعيش معه كل شوي بمزاج يبيني تسليه يسلي روحه فيها نسى أني انسانه لي مشاعر حرمني من الحب يمكن أغلبكم يقول عيشي معه وكوني قصة حب بس قلبي ما يبية قلبي منجرح منه شوفت سالم اليوم جددت الألم في قلبي آآآآهـ ياربي
..: نوووووووووره
نوره : بسم الله الرحمن الرحيم
منور : هههههههههههههههههههههه بسم الله عليك وش المفاجأة الحلوة ما كنتي في القصيم وش جابك هنا
نوره : ابد عامر جابني
منور : اخس اخس تطورات
نوره بعد تنهيده طالعه من القلب: ابد شتقنالكم
منوره : نامي ترى انا راسي مصدع وبنام البارح سامرين لحد ثنتين الفجر
نوره : نامي احد ماسكك
طلعت من الخيمه وخليت منيره وساره نايمات فيها شفت سيارة سالم تحرك خساره بيرحون وبتروح عمتي وانا ما سلمت عليها سمعت صوت وراي
نوره : هلا والله نجود
سلمت عليها
نجود : هلا وغلا بنوره تو ما يحلى المكان بوجودكم ما ناقصنا إلا انتو
نوره : الله يسلمك يارب
نجود : عسى ماشر يا نوره ليش الحزن
نوره : آه يا نجود
نجود : بسم الله عليك وش فيك
نوره : احس بنفسي تكه داخلي بركان أحسه بيثور في أي وقت
نجود : أمشي معي نروح فوق ذاك الرجّم " جبل "
ومشيت أنا ونجود لحد ما بعدنا عن المخيم ورقينا فوق الرجم
نجود : يالله قولي الي في خاطرك
نوره : صعب الأنسان يشكي يا نجود كل شخص فيه همه مابي ازود على احد
نجود : افا يا نوره ليش ما تعتبريني بنت خالك او ما تثقين فيني
نوره : لا والله يا نجود اني احبك وزاد حبك انك بنت خالي وخت نجلا زوجة خالد
نجود : افا يعني تحبيني عشاني اخت نجلا
نوره : ههههههههههه يالله اجي شمال تروحين جنوب احبك لانك نجود ارتحتي
نجود : ايوى اخيرا ضحكتي خلك مثل ما عرفتك يالله بوحي بالي في قلبك قوليلي وش مزعلك مع اني تقريبا فاهمه بس ابي اسمع منك
نوره : اسمعي يا نجود بقولك حكايتي من بدايتها لنهايتها واتمنى تفهميني وتريحيني لأني بين نارين
وبديت احكي لنجود قصتي ومعاناتي من حبيت سالم لحد ما تزوجت عامر وسافر والأسبوع الي قضيته معه وكان جوابها
نجود : يا نوره انا بكون معك صريحة وبما أنك فتحتي قلبك لي فأنا بفتح قلبي لك وبقولك عن الي صار لي وأكيد يا نوره وقتها بتفهمين وش ابي اوصل لك تزوجت سعد خطبوني كان انطباعي عادي تزوجت نجلا وكنت وقتها شاطره بالمدرسه ومهتمه بدراستي يوم تزوجت اختي صرت افكر في الزواج وعرفت ان الحين الدور علي وبعدها تقدم سعد لخطبتي خطبة تقليدية عن طريق العائلة سعد شخص كل بنت تتمناه صالح يخاف الله كل المواصفات فيه ويكفي انه متعلم و متوظف قبلت بعد ما شفت الفرحة في عيون امي وأبوي طبعا كل أب يفرح بتوفيق بناته خاصه اذا الشخص الي متقدم لهم إنسان فيه مثل مواصفات سعد بالصلاح والهداية يعني شخص يطمنون على بنتهم معه تزوجت أنا طبعا ما اعرف شي اسمه حب وما عمري جربته لكن كنت اتوقع اني بعرفه بسعد تزوجت شفت انسان صامت تخيلي بسبوع عرسي ما يتكلم معي الا كلمة او كلمتين تبين شي ناقصك شي حسيت بضيقة حسيت كأنه مجبور على الزواج مني توترت ما عرفت وش اسوي جتني حالة إحباط لدرجة شوي اوقف شوي اجلس اطلع على ساره وكون بعالم ثاني خالتي ام سعد عمي كلهم يكلموني يمزحون معي انا بعالم ثاني افكر كيف انفصل منه بهدوء وقتها فكرت مستحيل اجلس مع انسان ما يبيني لكن اسلوب سعد وحترامه الشديد لي ومعاملته لامه وابوه خلتني غصب احترمه وينبض قلبي له وقتها وقفت وقلت والله ما اخسره فرشت سجادتي تالي الليل بغرفة ثانية عشان ما يحس علي وقعدت ادعي " ياحي يا قيوم أصلح لي شأني كله ولا تكلني إلا نفسي طرفة عين " كنت ادعي وابكي وكنت بنفس الوقت اقوم بخدمته يقوم يلقى فطوره كنت اسولف معه امزح ما اعتبرت هذي اهانه لي كنت اعتبره بيتي وهذا سلاحي الي ادافع به في البدايه ما يرد علي اذا سولفت بعدها صار فيه تغير بسيط كان عليه تصحيح ويجيب اوراق للبيت واجلس اصحح معه ونقعد سوالف وضحك كنت اعلق كنت استغل كل فرصه عشان اخلق جو مرح كنت اعيش معاناة ورب البيت اني ابكي بلحالي على حالتي كنت اشوف بعيونه حب بس مو لي شوي شوي فتح قلبه لي كان قلبي يعتصر وهو يقولي عن الأنسانه الي يحبها وكيف ما قدر يرتبط بها كنت اسوي نفسي متعاطفة معه وانا احترق غيرة شوي شوي قلبت الآية وصار يحبني ولا فيه صغيرة ولا كبيرة بحياته إلا قالي عنها عرفت شلون اكسبه شفت نقاط ضعفه وشفت نقاط قوته صاروا اهله اهلي يعني بالمختصر تمسكت فيه والي فهمت من كلامك يا نوره ان عامر يحبك ومو حب بسيط حب بجنون
التفت عليها وعيوني متروسه دموع
نوره : شلون
نجود : يحبك لكن ما عرف يعبر عن شعوره شخص مثله عاش مدلل كل شي يبيه يلقاه حتى الحب الكل يحبه والكل يتمنى رضاه وجاه شخص هو الوحيد الي يبي حبه لكن هالشخص ما يبيه طلعت عصبيته بانت يشوفك ويبي قربك وانتي تبتعدين عنه وش سوى حاول يبين عكس تصرفاته صار شوي يكون حنون شوي عصبي يعني مزيج مشاعر مختلفة يا نوره عامر شخص الكل يمدحه وأولهم سعد وانا اعرف سعد ما يمدح شخص إلا إذا كان يستحق المدح سالم حب مراهقة مايجوز انك تتركين زوجك عشانة يعتبر الحين غريب عليك وبعدين رفضك وجلوسك بغرفة ثانية بعيدة عنه حرام
لا يجوز للمرأة أن تمنع نفسها من زوجها ومن فعلت ذلك ارتكبت إثماً عظيماً ووقعت في غضب الله ولعن الملائكة. فقد جاء في الحديث عن النبي صلى الله عليه وسلم أنه قال: (إذا دعا الرجل امرأته إلى فراشه فلم تأته فبات غضبان عليها، لعنتها الملائكة حتى تصبح) (البخاري ومسلم). وفي رواية (والذي نفسي بيده ما من رجل يدعو امرأته إلى فراشه فتأبى عليه إلا كان الذي في السماء ساخطاً عليها حتى يرضى عنها) (مسلم).
وانتي يا نوره إنسانه متعلمة لا تهدمين حياتك بنفسك وتندمين وقتها ما عاد ينفع الندم اذا رجعتوا تجهزي ودخلي على غرفته ونامي معه وخلي الشيطان وسوسته
نوره : مقدر مقدر يا نجود هذي اهانه لي
نجود : تنفيذك لأمر ربك إهانة معقولة هذا تفكيرك يا نوره انتي حكمي عقلك فكري بأوامر ربك ربي ما يأمر بشي إلا للحكمة افرشي سجادتك وطلبيه وروحي لزوجك وعيشي حياتك وحاولي تحبينه وعطي نفسك فرصه لا تأخذك المكابرة وتتبعين هوى نفسك وتعصين ربك وبعدها تندمين ولا ينفع الندم حاولي وبعدها اذا شفتي معاملته مو زينه لك وان الحياه معه صعبه اتركيه
نجود : بخليك الحين وفكري في كلامي زين
راحت نجود جلست افكر في كلامها فكرت يوم راح وخلاني صرت بين نارين كيف تركني وكيف اروح له بنفسي كنت اعتبره اني ارمي نفسي عليه ياربي انا بين نارين نار ابي اعرف ليش راح ليش تركني وبين رضى ربي علي ومعصيتي له اني اتمنع عنه
....: وش جالسه تسوين
__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم اللهم لاتمتني حتى أرى نصر المسلمين وعزهم |
|  |