منيرة : نوره خلاص تكفين ارحمينا شوفي راشد طلع زعلان
مانتبهت ان راشد طلع كانت عيوني تذرف دموع يمكن راشد يتوقع بكاي عشان عامر بس وطلاقي يمكن ما درى عن سالفة ظلمة لي
ماقدرت ارد على منيرة ولا على ساره برغم من انهم يحاولون فيني يضربون امثلة شوفي فلانه تطلقت وعاشت حياتها وعندها عيالها وشوفي الثانيه ما درو بالنار ألي تشب في جوفي ولا كلمة من كلامهم راح تطفيها حطيت ايدي على اذاني يعني يكفي مابي اسمع شي مابي غمضت عيوني أبيهم يطلعون مابي احد حولي آهـ يارب حياتي مع عامر من بدايتها عذاب بعذاب كل شوي أنب نفسي وقول ليش ما دافعت عن نفسي ليش ما صرخت بوجهه وقلت له السالفة لكن ارجع وقول هذا مكتوب علي
التفت على منيرة الي كانت تتكلم مع ساره بصوت واطي
نوره : وين فهد
منيرة : فهد عند أمي
نوره : نادي راشد ابي اطلع من هنا
منيره : لا يا نوره أعصابك تعبانه
نوره : لا أنا احس نفسي احسن بروح لولدي وفي البيت برتاح اكثر
كنت محتاجة ادري وش صار وشلون اهلي دروا بس مابي اسئل الحين اهم شي أضم ولدي مشتاقة له مشتاقة لعامر فيه لا تناظروني على الي سواه فيني مشتاقة له وبنفس الوقت ابي اعاتبه ليش ليش هنت عليه بس مستحيل أبين له
راشد : نوره نوره
انتبهت لراشد يناديني : هلا
راشد : ليش تطلعين توك تعبانه
نوره : راحتي مو هنا راحتي في بيتنا
راشد : اسمعيني زين طيب بكره مو اليوم
نوره : طيب وش فرق بكره عن اليوم
راشد : لا فيه فرق
نوره : تكفى يا راشد ابي ولدي
راشد : لاحول ولا قوة الا بالله طيب اصبري لبكره
نوره : راشد فيه شي انتو مخبين عني شي فهد فيه شي
راشد : بسم الله عليه مافيه الا العافيه بس انا ابيك تنتظرين لبكره
نوره : قلبي يقول ان فيه شي قولي مراح يصيرلي شي قولي يا راشد
راشد : طيب اسمعيني زين عامر طلقك صح
نوره بغصه : أي
راشد : خلاص ماعاد يهمك حتى لو صار
قاطعته نوره : عامر صار له شي
راشد بعصبية : ما صار له شي هذا هو حصان و ناوي يعرس
رجع الضباب الأبيض و أصوات وإزعاج فقدتهم اسمع نوره نوره لكن ما انتبهت وش يقولون افتح عيوني أشوفهم وبعدين يرجع الضباب ثاني مره اسمع أصواتهم وبكيهم وما أميز وش يقولون
منيره : نوره قومي تكلمي ما يستهال تذبحين نفسك عشانه
ساره : منيره وش هالكلام حرام عليك ارحمي نوره
راشد بصرخه : بس انتي وياها خلاص اسكتوا
فتحت عيوني شفت الخوف في عيونهم
نوره : لا تخافون مافيني شي ابي البيت بس
راشد : هنا اريح لك
نوره بدموع : لا ابي البيت ابي فهد
معقولة هنت عليك يا عامر معقولة كم جلست اجل بالمستشفى معقولة بيوم يخطب شلون يعرس يمكن يبي يقهرني يمكن خطوبه مو زواج منو اسئل الانظار علي شلون اسئل مابي راشد يسمعني ابي اسئل ساره بس كيف اختلي فيها
__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم اللهم لاتمتني حتى أرى نصر المسلمين وعزهم |