| | |
لاشتراك فى مجموعة قروب خليجيات
فى صندوق التسجيل ضع أميلك بشكل صحيح ثم اضغط على اشتراك
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
2010-06-14, 08:30 PM
| #11 (permalink) |
| من كبار الاعضاء  تاريخ التسجيل: Feb 2009
المشاركات: 3,251
معدل تقييم المستوى: 535   |  رثـــــــــائه لامه قصيدة رثاء الامير بدر بن عبدالمحسن لامه(الاميره سلمى السعود الرشيد) التي توفيت رحمها الله في 11سبتمبر1989م يوافق11صفر 1410هـ وقد رثاها بهذه القصيده / مانشدت الشمس عن حزن الغياب *** علمتنا الشمس نرضى بالرحيل كل يوم يغرق الحظ اوعباب *** ما سمعنا ناعي ما به عويل وما هقيت الموت يجرحني جواب *** لين شفتك في سما عمري اصيل علميني يااللي كفوفك سحاب *** وابتسامك غيث واهدابك نخيل وش اسوي لا دخل فصل الضباب *** وكفت عيوني وضيعني الدليل حاجتي والشيب يهديني الصواب *** حاجتي لك ما مضى بعمري حصيل اّه يا سلمى مضى وقت العتاب *** والحديث اللي بقوله لك طويل اعتذر يمه حصل مني غياب *** واعتذر ازريت لا ارد الجميل من يجازيك وعطايك الشباب *** والله العالم ترى ماني بخيل يوم انا عاري غديتي لي ثياب *** وان شكيت الضر شافيتي العليل ويوم كبر الطفل ولمتي الذهاب *** كل مافي الكون من طبع جميل هي درت حايل وهذيك الهضاب *** عن غيابك هو درى الروض المسيل بنت من لا ثورو فوق الركاب *** ما يباريهم سوى نصل واصيل واخت من لاكسرت سمر الحراب *** من عنيف الطعن ردو للصقيل وأم من جداتهم مثل الشهاب *** كاسبين المجد من جيل لجيل ياالله المطلوب يا جزل الثواب *** تجعل الجنه لها ظل ظليل  |
|  |
|
2010-06-15, 12:47 AM
| #12 (permalink) |
| من كبار الاعضاء تاريخ التسجيل: Feb 2009
المشاركات: 3,251
معدل تقييم المستوى: 535 | الفجـــــــــر البعيــــــــــد الفجـــــــــر البعيــــــــــد نامت عيونك وصحى الليل مظنونك أغاني قصت جناح الثواني غيبتك وصارت الساعة أماني وآه ..آه أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر ف وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آه.. آه أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك |
|
| |
|
2010-06-15, 12:54 AM
| #13 (permalink) |
| من كبار الاعضاء تاريخ التسجيل: Feb 2009
المشاركات: 3,251
معدل تقييم المستوى: 535 | ((اه يا لجــــــــــراح )) ((اه يا لجـــــــــــــراح )) لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. |
|
| |
|
2010-06-15, 01:08 AM
| #14 (permalink) |
| من كبار الاعضاء  تاريخ التسجيل: Oct 2008
المشاركات: 4,636
معدل تقييم المستوى: 642 | والشاعر بدر بن عبد المحسن شاعر كبير ويستاهل ـــــــــــــــــــ هذا له قبل فتره بسيطه توه طارح ديوان جديد له اسمه ( ديوان ومض ) وهذي بعض الصور اللي لقيته في النت للامسيه     (( قصائد الأمسية )) @ بدأت الامسية بكلمة من البدر شكر فيها جمعية انسان .. وشكر فيها الجماهير الحاضرة .. ثم ألقى بثلاث قصائد وطنية .. وبعد القصائد الوطنية رحب بالأمير الشاعر سعود بن عبدالله .. وذكر بأنه يكفي الأمير سعود فخرا بأنه كاتب كلمات أوبريت ( مولد أمة ) .. والذي كان اول أوبريت جنادرية ولا يزال الجميع يردده إلى الآن .. @ بعد ذلك ألقى البدر قصيدته المعروفة ( ثقلت خطاي ) .. (( ثقلت خطاي )) ثـقلت خـطاي وكـن الايـام فوقي صـخر الجبال وتحتي الريح والعج لا والله الا صـار مـا ارجيه عوقي غـير الـذي عـن طلبته ما تحرج يـا الله يـا مضوي السما بالبروقي ويـا مـخرج وبل السحابه من اللج تـمطرني بـرحمتك وتـفك عوقي وتجعل لي من الضيقات والهم مخرج أنـا مـثل حـر تـخاطف سبوقي يـد الـعمر والياس والحظ الاعرج كـم غـارة صـاليت وافـتك نوقي وكـم طعنه عانيت من غير ما احتج ويـاما رفـيت مـن الـليالي فتوقي ويـاما عطيت وللعطا كنت الاحوج مـرحوم يـا من شيمته في عروقي دم وفــي فـكري سـجاياه مـنهج مـشيت دربـك لـين وقف خفوقي مـن الـتعب مبعدك يا الفجر الابلج  @ بعد ذلك قدم الأمير للحضور الشاعر نايف صقر .. والذي صعد للمنصة وتحدث قليلا عن البدر .. وذكر بأن هناك الكثير من الامور التي تجمع بينه وبين البدر .. ومنها أن كلاهما يحمل نفس أسم الوالدة .. ( وضحى ) .. بعد ذلك ألقى نايف صقر ثلاث قصائد من قصائد بدر عبدالمحسن .. وكانت الاولى : (( البتول )) كل أرض تشيلك ياثقيل الحمول .. وكل وقت كريم بالرضا والزعل وين مارحت تلقى لك حبيب وعذول .. وين ماكنت تلقى مثل ياسك أمل ياطريق الترجي والوله والنحول .. والله إني مشيتك لين حد الثمل لا تظن المسافر من يسوق الرحول .. من وقف دون حلمه عاجز ما رحل وما لمخلوق منجا في الحذر والجفول .. ماتصيب السهام ولا يطيش الأجل الليالي خوات مير منهي البتول .. والحوادث عشاير مير وين الفحل اتذكر في عين الشمس طفل خجول .. شالته في هدبها وقت لين اشتعل أعجب الناس وهجه بالجدل والفضول .. مادروا عن جمال الجرح لين إندمل إن لثمت الزهور وصاحبتني الحقول .. ماهقيت إن صافي الشهد عيب النحل إن تعبنا نحب ولا لقينا قبول .. ماتسر الأماني ولا يفيد العذل مابقى في ضلوعي كود ريح معمول .. وثوب شاش عليه من الندامه وحل لكن الله كريم .. وكل هم يزول .. ماعلى الله بعيد .. ولو جفاك المحل @ بعد ذلك ألقى نايف صقر القصيدة الثانية : (( الأربعين )) ادري ان الوقت يذهـب مـا يعـود اربـعـيــنٍ فـارقـتـنـي يـالـعـنــود ماطـر الايـام مـن غـيـم الـزمـان مـا يبـل الريـق لـو مهمـا يجـود كـم شربتـه صافـيٍ بــارد قــراح ما دريت ان الظمـا سـر الوجـود كل شمسٍ تلمـس اشجـار العمـر تحـرق الاوراق وتـجـف الفـنـود وكـل ريـحٍ تـدفـع شــراع العـمـر ينقطـع بـه حبـل ويميـل العمـود اربعـيـن مــرت وتـونـي صغـيـر انتظـر لعـل تصـدق لـي الوعـود والغريب انـي علـى هـذا مغبـوط ادري اني بخير لا شفت الحسود الـزمـن يـــا بنـيـتـي كـلــه زوال مـا تخلـد كـود لحظـات السجـود @ ثم اختتم نايف صقر فقرته بإلقاء قصيدة ثالثة من قصائد البدر وهي : (( مناكيف )) في دربكم ياراحلين مناكيف تالي ليالي القيظ واول خريفه ردو سلام اهل القلوب المواليف على الوليف اللي نشد عن وليفه ردوه لعذوق النخيل المهانيف وعلى القصور اللي بوادي حنيفه دار لها بالقلب عشق وتكاليف ياعل عين ماهوتها كفيفه طبنا وشبنا واتعبتنا المشاريف والمرقب العالي هبوبه عنيفه ياواردين العد كفو المذاريف اللي بقى دمع هماج ذريفه والله لودمي يغيث الملاهيف قطعت عرقه لين يصفي نزيفه  @ عاد بعدها بدر عبدالمحسن لألقاء القصائد .. ليلقي على الحضور هذه الرائعة : (( غلال حنطه )) لعيونك أملا صوتي غلال حنطه .. وأظهر لكل الناس مكسور الاغلال أطعم طيور الحزن نورٍ وغبطه .. وأقول كل الصبح لأهدابك ظلال ياللي بقلبي صعب حله وربطه .. وياللي بعيني نهر جمرٍ وشلال قال الهوى يا فرحة العمر شرطة .. بنتٍ تصير عيونها قلب رجال يا هيه احبك كل الاشعار سمطه .. والله مدري كيف هالحسن ينقال خذيت من رمل المجرات غمطه .. لاقدامك أمشي فوق نجمات وهلال ما نيب اعرفك كان الاحلام غلطة وبالحيل اعرفك لو تحبين الاطفال @ ثم وسط تصفيق حار ألقى هذه القصيدة : (( حسايف )) التفت .. وتوها .. توها ما اختفت .. ماكساها الليل .. باللون الحزين .. التفت .. وتعالت صرخته .. في نظرته .. صاح .. لكن بالنظر .. وانكسر .. شوفه عثر .. حسايف .. تذبل الضحكه وهى بين الشفايف .. تذبل الفرحه وتضيع .. ويصبح الكون الوسيع .. مايكفي خطوتين .. لاكساه الليل بااللون الحزين .. يوم مدلها يده .. كانت الرجفه لقا .. ودعت فيها الشقا .. وتركت بين الاصابع عطرها .. وعمرها .. ما جت على وقت الوعد .. إلا ذاك اليوم .. و عمرها .. ما بكت .. و ما ضحكت .. ما حكت له .. واسكتت مثل ذاك اليوم .. كانت أجمل من خياله .. كانت انظر .. كانت أكثر ...من أماني عمره الظامي حنين .. و اختفت .. من كساها الليل باللون الحزين اختفت في الطريق اللي معه .. كانت تجيه .. كيف دربٍ جمعه معها .. خذاه .. ليتها اختارت سواه ... تزرع القرقا لياليها .. عليه .. وحسايف ... حسايف .. @ وواصل البدر حضوره المدهش .. ليلقي هذه القصيدة : (( طالت علي المسافة )) يا صاحبي طالت علي المسافه كل ما نشدتك قلت لي الدرب قدام وعدك مثل باكر أحبه وأخافه ولا ينقضي باكر على طول الأيام ما اقول ضاع العمر عندك حسافه انت الدقايق عشتها وانت الاعوام ودي ربيع العمر يسبق جفافه يا مسقي العطشان من كاس الأوهام كانك تعاف الجرح حنا نعافه وما سهرت عيوني تبي عينك تنام ومن لا ذكر منك جميل خلافه ما يملكه وعد ترى السعد قدام @ ويستمر الشعر .. والقصيد .. ويلقي البدر على الحضور هذه القصيدة : (( الغضب )) نشي غيظي .. سحابٍ أسودٍ في موسم الدخان ترزم .. وأمطر بجمرٍ غدا له بالحشى صالي غضبت .. وما دريت إن الغضب ياصاحبي إنسان وسيمٍ مثل سلة سيف.. وقلبه أسودٍ بالي هدمت الدار من قل الحصى لأجل أرجم الخلان وقتلت النور .. من كثر الجفا با فارق ظلالي وحثيت الريح..في وجه التراب وهبت القيعان تحت أقدامي .. ومرت ديار وودعت غالي ويوم أصحت سما نفسي .. تلفتت وصرخت .. فلان قمر وجهك .. وشمس الدار في دمعي تغايا لي وقفت .. وكانت الفرقا .. مشيت ولا حصل نسيان بكيت .. ولا سقاني الدمع لا مرٍ ولا حالي غريبٍ تزرع عيوني سراب .. وتحصد الكثبان وحيدٍ مثل رسمٍ مبطيٍ في صحصحٍ خالي @ بعدها قدم البدر للحضور الشاعر الصغير محمد الجبرين .. وهو أحد الشعراء الأطفال والذين شاركوا في شاعر المليون .. وهو بالمناسبة حفيد العلامة الإمام عبدالله الجبرين .. وألقى هذا الشاعر الصغير قصيدتين من قصائد البدر . @ بعد ذلك عاد البدر مجددا .. ليتحف الحضور بهذه الرائعة : (( تخيل )) تاقف على اطراف الهدب .. وماشافتك عيني .. صافحتني ومدري يدك هي لمست ايديني .. سلم .. ابارد السلام .. وهذا ترى كل الكلام .. اللي بقى بينك وبيني .. تخيـّــل .. من وين .. ومنين ومتى .. بالله ذكرني .. بالله ذكرني .. متى .. جيتك انا فـ ليلة شتا .. تهزني ريح الشمال .. محتاج انا لبسمه وشال .. تركتني لبرد الطريق وانا على بابك .. اتذكر انك قلت لي بالله وش جابك .. ودعتني قبل السلام .. وهذا ترى كل الكلام اللي حصل بينك وبيني ... تخيّــــل .. اليوم لعيوني السما والارض البعيد ... اليوم ولغيرك انا يطري على بالي القصيد ... اشتقت للقلب الخلي .. وش هم .. لو تعتب علىّ .. جيتك انا فـ ليلة ألم .. قلبي على كفي .. همست لي روح ياغريب الشوق مايكفي .. سلم ابارد السلام .. وهذا ترى كل الكلام .. اللي بقى بينك وبيني .. تخيّــــل @ بعد هذه القصيدة ألقى البدر هذه القصيدة : (( يذكرني القمر ظلك )) يذكرني القمر ظلك عجب ياللي ظلالك نور وانا اللي ماعرفت الليل لولا عتمة أهدابك حبستك في السما شمس وعلى وجه السحاب طيور ونخيل باسق يشرب رضاك ويعطش عتابك وجلست اناظرك ما رف لي جفن تقل مسحور أقول ان الجمال انتي وكل العشق باسبابك هقيت اني ملكتك مادريت ان الأماني غرور وانك في يدي لين انتحابي الوقت واقفا بك سقا الله يوم كان اكبر همومك خاطري المكسور وكنت الضي في عينك وكنت السقم في ثيابك سقا الله يوم كنتي الارض أنهار وشجر وقصور ديار نورها من طاقتك .. وأحلامها بابك عيوني ياشقى عيوني من الجدب الموات البور أراضي مابها الا ماذوى وانهد في غيابك أحبك كان لي قلب يجض من الجفا مقهور وصار اليوم يفرح لو لقى به عذر يشقى بك (( تابع قصائد الأمسية )) @ بعدها قدم البدر للحضور الشاعر الأمير خالد بن محمد بن خالد .. وهو حفيد البدر .. والقى الأمير خالد قصيدتين من اختياره من قصائد البدر .. @ بعد ذلك عاد البدر .. ليمتعنا بهذه القصيدة : (( الشمس طاحت )) الشمس طاحت .. وبردت.. ورمد الشفق .. في حجر الارض من يشتهي يدوس باقدامه على هالرماد كله .. يا عابرٍ .. على المدى .. من السراب .. الى الندى .. قلبي سقط فوق التراب شله .. او لا تدوس القلب خله .. كل يوم له شمس وانا مالي سوى قلبي انا .. من بكى لين الثرى بله بالدمع .. ويوم اكتفى .. صد وعصر ظله .. ومسح بردنه .. وجنته .. ثم ابتسم لين حسدوه الناس يازارعٍ شوك الهراس .. فوق الرمل كله .. لاقدام من يكره الشوك ياحظ من ياطى بقدم .. انا مالي سوى قلبي الشمس طاحت ونثر الظلام ظله .. على الجروح .. ياكاتم الزين الفضوح عن عيني لا تظهر انيابك .. وتقطع احبابك شمات انا من عطى ضي الشموس خله .. لين حسدوه الناس ولا تنتظر غير السموس .. لله .. انا مالي سوى قلبي . @ بعدها ووسط تصفيق حار جدا .. ألقى البدر هذه الرائعة الخالدة : (( ابعتذر )) ابعتذر .. عن كل شيء .. إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ .. ليلة ألم .. واني على دربك مشيت عمري وأنا .. قلبي القدم .. ابعتذر ... ابعتذر ... كلي ندم .. عن كل شيء ... إلا الهوى .. ما للهوى عندي عذر ... اتصدقي .. ما اخترت أنا أحبك .. ما احدٍ يحب اللي يبي .. ياحبي المرّ ... العذب .. سكنتي جروحي غصب .. ليت الهوى وانتي ... كذب ... كان اعتذر لك عن هواي .. ما أقول أنا ... كوني معاي .. الله كريم .. حبك يكون .. همي القديم .. وجرحي القديم .. والله عليم ... يا أحلى العيون .. ان الفراق .. جزا الفراق .. ابوعدك .. كان الطريق بيبعدك .. بامشي الطريق .. وكان الجحود بيسعدك .. مالي رفيق .. ابجمع أوراق السنين .. وأودعك .. كان الفراق اللي تبين ... الله معك . @ بعد ذلك قدم الأمير للحضور الشاعر خالد بن الوليد السبهان .. والذي ألقى قصيدتين .. احداها للبدر .. والأخرى من تأليفه .. @ بعد ذلك عاد البدر مجددا لينشر رحيقه .. متحفا الجميع بهذه القصيدة : (( المحبة أرض )) المحبه أرض والفرقا أراضي ... والزمن ترى لاغبت ماضي والله أني ماأشوف الا عيونك .. ان رحلت اليوم او طول مراضي والله اني مابكيت الا عيونك .. فوق خدي كحلها والدمع فاضي قالوا العذال والعذال مرضى .. وش بلى حالك من الأشواق قاضي قلت يهجرني حبيبي لين يرضى .. علموا الظالم ترى المظلوم راضي جرحوني في هواك وقلت ابشكي .. ماهو لجرحي ولكن لاعتراضي وش علي لو قطعوا لأجلك عروقي .. من رضى بالحب يرضيه التغاضي @ بعد ذلك قدم البدر للحضور الشاعر الكبير مساعد الرشيدي .. والذي تحدث قليلا عن تجربة البدر .. وبعد ذلك اتحف الحضور بثلاث قصائد من قصائد البدر .. وكانت الأولى : (( تعبت أسافر )) تعبت أسافر في عروقي ومليت من جلدي اللي لو عصيته غصبني ياما تجاوزت الجسد واستقليت عن الألم .. لا شك جرحي غلبني أنا سجين الحال .. مهما تسليت وانا الطليق وكل شيٍ قضبني حريتي لا عل ..يا كود يا ليت اما شفت حيٍ جاد لي ما سلبني وليت يا ليل التباريح وليت اما محاني الحزن والاكتبني كل السما في دفتري وان تجليت مثل الشموس ..غبار قبري حجبني لي صاحب وان ما تخلى تخليت لا بد ما نهدم .. ولا بد نبني @ أما الخيار الثاني من اختيارات مساعد الرشيدي .. فهو الخيار الأجمل .. وهي القصيدة التي أعشقها ولم أغيرها في جوالي من اربع سنوات تقريبا : (( جفن الليل )) يطيح جفن الليل واهز كتفه نجمٍ يشع وباقي الليل مطفي واحاكي الجدران عن وصف غرفه ماتشبه الجدران ويطول وصفي وتملني الجدران واظهر لشرفه تحت السما واسكر الباب خلفي ريحٍ تهب وتسكن العظم رجفه وتموت ريح وتسكن اوراق نزفي على الروابي تهطل دموع وطفه وتصب لمع بروقها وسط طرفي ياطاري الغدران والعمر رشفه مع قلها ياليتها يوم تصفي الحب واجد مير الاقدار صلفه والأرض واجد لكن الحلم منفى واللي اعرفه راح ماعاد اعرفه ولاظن يذكرني الى أقبلت مقفي ماهو حبيبي مورد القلب حتفه ولا هو حبيبي يفرح بوقت ضعفي مر ثمر هالليل وأمر قطفه يالحنظل اللي قمت اذوقه بكفي متى الشوارع تجمع اثنين صدفه لا صار شباك المواعيد مجفي يابنت تو الليل ماراح نصفه وياليل بعض اللي مضى منك يكفي @ بعد ذلك ألقى مساعد الرشيدي القصيدة الثالثة .. وهي من تأليفه مدحا في البدر . @ عاد بعدها البدر مجددا .. ليختتم الأمسية بهذه الرائعة : (( سيدي الوطن )) أنا يا سيدي لا مـا تجرعـت العطـش ينبـوع .. ولا قد مرني قيظ وصميلـي يابـس وعطشـان ولا اكلت الجراد اللي تساقط والزهر في طلـوع .. سنة ابطـى المديـد ولا بقـى زادٍ ولا سلـوان ولا لي في الخلا ذودٍ ولا لي في البـلاد زروع .. ولا كان الوبر والطين سقفٍ لـي ولا جـدران ولا اعرف الهجاد ولا صحيت من الكرى مفجوع .. على صوت الرمي عند البيوت وصيحة المقطان نجيت من الوبا ربي خلقنـي والوبـا مقطـوع .. وفاتتني المغازي ما قضب كفي رسـن وعنـان ولدت وفي السما فجر وأذان وفي القلوب خشوع .. على كفوف الرخا يا سيدي والعـدل والإحسـان ولكن شفت من هاك الظلام اللي سبقني شمـوع .. وسمعت من السوالف ما فتني يا أكرم الأوطـان عرفتك سيدٍ شهـمٍ كريـمٍ فـي زمـان الجـوع .. عنيدٍ مـا سلبـك الفقـر لا عـزه ولا إيمـان وشفتك عاريٍ حافي عجبت لراسـك المرفـوع .. متى كان المرض تيه ومتى كان العوز سلطـان عشقتك والعرب تابع وأنـت لحالـك المتبـوع .. عزيزٍ مـا تطيـق الـذل لا ارضٍ ولا إنسـان تصارعك الدول ما شيف مثلك صارع ومصروع .. كريمٍ لا ظفـرت ولا انكسـرت تجـدد البنيـان ثلاث قرون ما هي ثورةٍ هبت شهـر وأسبـوع .. ولا هي دولةٍ قامت علـى الأوهـام والطغيـان ثلاث قرون من نزف وعسر وقت وصبر ودموع .. وضرب بالهنادي من ربى الشام لرمال عمـان حشا يا سيدي ما انته ثرى نفط وذهب مشـروع .. ولا انته مشلحٍ عودي لمع زريه علـى الأمتـان ولا أنته للفتن أرضٍ سكنها الجاهـل المخـدوع .. يشق بخنجره صدره ويرجـي جنـة الرحمـن ولا أنت اللي بلا ديـنٍ ولا مبـدأ ولا موضـوع .. صديقٍ في الرخا وإلا متى مال الزمـن خـوان سلامٍ يا هل العوجـا سـلامٍ بالفخـر مشفـوع .. عليكم يا هل الدين الحنيـف وشيمـة الفرسـان سلامٍ يا رمالٍ من حدق عين ومهـج وضلـوع .. ويا شم الجبال اللي عليها مـن الرضـا هتـان سلامٍ يا وطن كله بنـي عـم وأهـل وربـوع .. أبوه الشهم عبدالله وأخـوه الصيرمـي سلطـان حشا ما نرخصك مادام باقـي للنخيـل جـذوع .. ومادام الوسم يرخي القلايـد فـ ( أول ) الميـزان @ بعد ذلك انتهت الأمسية .. وتم تكريم بعض منسوبي انسان من قبل الأمير بدر عبدالمحسن .. وبعد ذلك تهافت الكثير على الأمير في مشهد من الصعب وصفه .. الكل يريد السلام عليه .. والبعض قبل رأسه ويده .. في دلالة على كمية حب تملأ القلوب لهذا الشاعر .. وبالمناسبة فانا اتحدى اي شاعر تباع تذاكره بألف ريال ومائتي ريال وتمتلأ القاعة عن بكرة ابيها .. باستنثاء الاستثنائي بدر عبدالمحسن . || منقول من هلالي وان جار الزمن  |
|
| |
|
| مواقع النشر (المفضلة) |
| الكلمات الدلالية (Tags) |
| المتألق, الشاعر, بحر, بن, ديوان, عبدالمحسن, ||| |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه للموضوع: ||| ديوان الشاعر المتألق ( بدر بن عبدالمحسن ) ||| | ||||
| الموضوع | كاتب الموضوع | المنتدى | مشاركات | آخر مشاركة |
| ألبوم صرخة صمت 2010 | ديوان الشاعر : زياد بن حجاب بن نحيت | وللسعادة معنى | الصوتيات والمرئيات والأناشيد والمحاضرات | 1 | 2010-04-01 10:05 AM |
| لو تكلم رمضان لفضيله الشيخ عبدالمحسن الاحمد | فراشة الوادي | الصوتيات والمرئيات والأناشيد والمحاضرات | 0 | 2009-08-22 08:01 AM |
| لعبه روعه (نبات ,جماد,حيوان,.......) | همس المحبة | الألعاب الفكرية والتسالي | 18 | 2009-07-15 07:29 AM |
| حيوان يفترس ثلاثة شبان في رحلة | T0o0Fe | صور | 9 | 2009-04-05 07:49 PM |
| ][][§¤°^ ديوان المنطقه الشرقيه للقصائد المتنوعة ^°¤§][][ | بدوره | الشعر وأبيات القصيد | 7 | 2009-01-02 12:21 AM |
Sitemap
الساعة الآن 09:30 PM. 
Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::
 |  |
العرض العادي
