منتدى المنطقة الشرقية  
منتدى المنطقة الشرقية

لاشتراك فى مجموعة قروب خليجيات

فى صندوق التسجيل ضع أميلك بشكل صحيح ثم اضغط على اشتراك

 

مركز تحميل الشرقية                                  

ألبوم الصور

فيديو يوتيوب الشرقية

موقع ومنتدى المنطقة الشرقية

 


العودة   منتديات المنطقة الشرقية > المنتديات الأدبية > القصص والروايات > منتدى منبع الروايه



رواية بيتنا الطين بقلم: غيوم الشوق .



إضافة رد
 
LinkBack أدوات الموضوع إبحث في الموضوع انواع عرض الموضوع
قديم 2010-07-31, 07:33 PM   #81 (permalink)
ربي سألتك جنةعرض الفضاء()
 
الصورة الرمزية وللسعادة معنى
 
تاريخ التسجيل: Jun 2009
المشاركات: 5,456
معدل تقييم المستوى: 742
وللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسي
افتراضي

يمكن الكلمة الي سمعتها ترددها ليش فعلا يا نوره ليش ما ستئذنتي وش ذنبي وش ذنبك وذنب ولدنا ننحرم من بعض تمدد عامر وحط راسه على المركى وغمض عيونه وغفى

تركي : عمه افتحي الباب

نوره وهي تفتح الباب : راح
تركي : لا ما راح بس موجود بالمجلس وتعبان مره
نوره : تعــبـان
تركي : مرهق مو تعب مرض
نوره : طيب وش يسوي الحين
تركي : سوي قهوة راسه مصدع
نوره : خلاص كلها عشر دقايق وتكون جاهزه
راحت نوره وهي تحس نفسها فرحانه شي غصب عنها أحاسيس قويه غصب عنها مهما كابرت وحاولت تخفيها ترجع تظهر شي خفي يسبب لها سعادة يمكن جيت عامر يمكن تواجده بالبيت حتى لو كانت زعلانه منه بس تحبه وهذا شي ما تنكره حاولت تنسى فكرة انه مطلقها وانه جرحها بس الي بقلبها الحين الحنين الحب الشوق خلاها تسوي قهوة وتسوي حلا بسيط وما حست بالوقت كانت طول الوقت تبتسم
تركي : عمه عامر نام
نوره : لهدرجة تعبان
راح تركي يكمل غداه وراحت تمشي نوره على اطراف اصابعها وصلت للمجلس شي يخليها تمشي بدون ما تحس تقدرون تقول شووق غلبها خلى ما تسيطر على حواسها مشت له وقفت عند الباب صارت تطالعه ما تجرت تقرب اكثر لكن الشوق لشوفته سيطر عليها شافته متغير مره ناحف وما حلق شعر لحيته وفاتح ازارير ثوبه ونايم بهدوء لكن شي فيه غريب يحرك حواجبه وشاد على عيونه صارت تتأمله كانت تتمنى تجي يمه وتحط راسها على يده وتدفن نفسها بحضنه لكن جرحه لها خلا دموعها تنزل تحبه وبنفس الوقت هو جرحها والي ما تدري عنه نوره ان عامر شم عطرها حس بوجودها شي دخل جو صدره خلا صدره يعلوا ويهبط حلم او وشو نوره عنده ما يبي يفتح عيونه وتروح بس عارف انها موجوده نوره تراقبه لكن ما قدر يسوي الا انه يحرك حواجبه ويشد على عيونه لكن شوقة غلبه وفتح عيونه لكن شافها رايحه معطته ظهرها يعني احساسه صادق كانت موجوده
عامر :آهـ يارب خلاص مقدر اصبر اكثر من كذا هي زوجتي لو ادخل عليها الحين راح يبطل الزواج بس اخاف اسوي شي اندم عليه طول حياتي اصبر اصبر يا عامر مردها لك
تركي : صحيت
عامر بتعب : أي صحيت وين قهوتك
تركي : ابشر لا وبعد حلا اقول عامر تغديت
عامر : لا تكفي القهوة
تركي : خلاص ثواني وجيبها
عامر : الله يسلم ايديك يارب
تركي : عامر هذي رساله من نوره وتأمنك ما تفتحها إلا بالرياض
عامر : طيب انا متعني عشان اكلمها
نوره : تقول اذا جت الرياض يصير خير

\
/
\
/
\
/
\
/
\

ام خالد : يا عبد العزيز عورت رجلي ارفع راسك
عبد العزيز : هذا وانا يمه قعدتك "" يعني اخر العنقود "" ما تحملتي راسي بحضنك
ام خالد : رجال وش طولك حاط راسك بحضني
الجده : تعال تعال يمه حط راسك بحضني لونك رويشد ما طردتك
ام خالد : يا ويلك من الله ياخاله كل عيالي عندي واحد ما افرق بينهم
عزوز : شفتي يا جده محد يحبني في البيت إلا انتي
ام خالد : اقول قم قم من حضني روح لجدتك خلها تنفعك
الجده : تعال تعال فديتك خلها تمنن بحضنها لها
عزوز :ههههههههههههههههههه فديت جدتي انا
...: احم .. احم يا ولد
عزوز : اقلط اقلط حياك
سالم : السلام عليكم .. مسكم بالخير
الجميع : وعليكم السلام مسه بالنور
سالم : شحالك يا جده
الجده : بخير الله يسلمك وش اخبارك انت
سالم : بخير الله يسلمك شلونك يا عمه
ام خالد : بخير الله يسلمك شلونك يمه
سالم : بخير الله يسلمكم هذي البطاقات جبتها اذا تبون تعزمون الي تبون
الجده : الله يوفقك يارب ويرزقك بالذريه الصالحه
الجميع : امين
عزوز وهو يغمز لسالم : تبي تشوف زوجتك على طبيعتها بدون تصنع
سالم ابتسم : اكيد
ام خالد : عزيز تبي تخرب بيت اختك
عزوز : هههههههههه لا يمه ابيها يشوفها ابي اقهر منور
سالم : اقول انت حمستني يالله وريني
عزوز : تعال معي بس بدون صوت
سالم : طيب يمكن ساره زوجة راشد فيه
عزوز : الشلة كلها فيه راشد و ساره ومنيرة بس تطمن ساره تتنقب اذا انا موجود

من مواضيع وللسعادة معنى في المنتدى


__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم
اللهم لاتمتني حتى أرى نصر المسلمين وعزهم
وللسعادة معنى غير متواجد حالياً   رد مع اقتباس
قديم 2010-07-31, 07:34 PM   #82 (permalink)
ربي سألتك جنةعرض الفضاء()
 
الصورة الرمزية وللسعادة معنى
 
تاريخ التسجيل: Jun 2009
المشاركات: 5,456
معدل تقييم المستوى: 742
وللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسي
افتراضي

طلوا بهدوء بدون محد ينتبه منظر يموت ضحك كانوا حاطين اغنية مصريه والأخ راشد ماسك شماغه ورابطه على خصره ومنزله شوي مثل الرقاصات ويهز ومنور مثله وجالسين يستهبلون على بعض ومنور فاله شعرها وشوي خليجي وشوي مصري وساره شافت سالم وماتت ضحك وما قدرت تنبه منيره الي مندمجه مره مع راشد
راشد : ايوى ورى ورى

منور : ورى ومصري ههههههههههه اقول راشد احد قبل كذا قال عنك فاهي
الكل : ههههههههههههههههههههه
وتكمل منور رقص وراحت للمسجل وغيرت الأغنية وشالت الشال الي رابطته على خصرها وقعدت ترقص عادي وتلفح بشعرها وراشد انتبه لسالم وحب يقهر منور ويسوي فيها مقلب غمز لسالم وقرب من منور
راشد : اقول منيره قلدي شعبولا
ومنور خبله مثل العاده قعدت تقلد
الكل : هههههههههههههههههههههههههههههههههههههههههههه
وتو منور تسوي حركات تضحك والتفتت إلا سالم وجه صاير احمر من الضحك ويمسح دموعه الي نزلت
منور على طول حطت أيدينها على فمها وبدت الدموع تتجمع بعيونها وراحت تركض على طول جا سالم قدامها وسحبها معه للغرفة الثانية ومنيرة ما زالت حاطه ايدينها على عيونها ودموعها نازلة من الفشله وسالم ماسك نفسه مايبي يضحك
سالم بهدوء وهو حاضنها : منيره
ومنيرة ما نزلت ايدينها منفشششششلة
سالم بضحكة : يالله عاد بدون زعل تبين الجد رقصك يهبل وضحك بصوت عالي ههههههههههههههههه
منور بكت بصوت عالي
سالم بصدمة ونمسحت الضحكة من فمه جلسها على الأرض : معقولة يا منيرة انتي حساسة لدرجة هذي وصار يفكك أيدينها وينزلها من عيونها
سالم : طالعيني منيره طالعيني
منيره وحطت عيونها الناعسه بعيونه ابتسم لها ذاب على عيونها : الحين ليش الصياح عشاني شفتك ترقصين طيب انا زوجك ولعلمك تمنيت لو يكون زواجنا بكره مقدر انتظر اكثر بعد الهز هذا خذيتي قلبي ههههههههههههههههههههههههههه
انصبغ وجه منيرة بالون الأحمر ونزلت عيونها للأرض
سالم ببتسامة : لالا انا ما صدقت تطالعيني ترجعين تنزلين عيونك يالله ناظريني
راشد : يا سلام يا سلام على الكناري اقول انت وياها ما تقدرون تصبرون خلاص باقي سبوعين
سالم : ههههههههههههههههههههه ياخي محد قالك قبل كذا ان دمك ثقيل ونشبه
راشد : هاهاها إلا قالولي الي نكدت عليهم مثلك
سالم : هههههههههههههههه يا شيخ خربت علي الجو
راشد : ليه الشيخ ناوي يدخل الليلة
سالم : والله مو شينه فيه تخفيض
وقفت منيرة وراحت تركض
راشد وسالم : هههههههههههههههههههههههه
سالم : الله ياخذك احرجتها
راشد : يا عيني أحرجتها الله اعلم من أحرجها اليوم

\
/
\
/
\
/
\
/





على طول عامر في المطار ما قدر يصبر اكثر فتح الورقة بيد مرتجفة :الله يستر




جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك




تبيني اخضع لجل عينك وانا ما اخضع ومهما كان
اقـص الـراس
قدامـك ولا اخضـع لك


لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك



اذا غيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك
وش تقصد يوه معقولة محد بلغها اني ما تملكت على عبير ماتدري انها هي الوحيدة الي بقلبي ما تفهم والي سويته من محبتي لها


تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك





بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد
منـي ابوفالـك
تبي قربي انا حاضر ولكـن بطلبـك مـن شـان
تشوف شلون لي
عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك



تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك


وانا يكفينـي ذليتـك وحديتـك علـى الهجـران
تقول الموت من بعدك واقـول
هنـااااك اشوالـك


غسلت ايديني من حبك وبرحل واهجرك يافـلان
فمـان الله
وباقيلـك نصيحـه خلـهـا فبـالـك
أنساني ...
"" ترا غيرت في بعض الابيات غيوم ""

عامر بصرخة : هذي ما تفـــــــهـم انتبه على الناس الي تطالعه ما همه احد ومشى بسرعه لبرى المطار وهو يكرر ما تفهم اني احبها وبموت اذا مرجعت لي ورب البيت يا نوره شوفيني حلفت لا ترجعين لي قبل ما تنتهي العده لو اخطفك خطف يعني همك تذليني بس نسيتي الي بينا آهـ راسي خلاص مقدر افكر بس اقولها لك يا نوره انتي لي انتي لي ورب الكون والي خلقني وشوفوني حلفت لتكون نوره لي

\
/
\
/
\
/
\



فطوم : طيب ليش تبكين الحين
نوره : فاطمه ما تحسين بمشاعري
فطوم : طيب انتي سويتي الي تبينه ما قابلتيه واعطيتيه قصيده تبين انك مراح ترجعين له وش تبين اكثر
نوره : احبه
فاطمه : طيب يوم تحبين ليش ما قبلتي ترجعين له وشرطتي لك شروط
نوره : مقدر ارجع له
فاطمه : يا نوره تعبتيني ما فهمت لك شوي تبينه وشوي ماتبين ترجعين له
نوره وتمسح دموعها : انا مابي ارجع له بس حبه ما زال معشش بقلبي فهمتي
فاطمه : طيب بقولك حل
نوره : ياليت ساعديني
فطوم : اسمعيني للأخير ولا تسرعين بالرد انتي ارجعي عليه
نوره بشهقة : لا مستحيل
فطوم : لاحول خليني اكمل
نوره : اوف كملي
فطوم : ارجعي عليه بس قبل خليه ينحرق دمه شوي
نوره : بس هو تزوج مقدر مقدر يا فاطمه خلاص هو جرحني جرحين اول جرح طلاقة وظلمه لي والجرح الثاني بزواجه
فطوم : خلاص سوي الي تبين اجيك شمال تجيني جنوب
نوره : بروح اعشي فهود


تهور وعدم روية حرم زوجان من بعضهم

\
/
\
/
\
/
\

منور : بليز نوره لا تجامليني
نوره : روعه روعه يا منيرة مشاءلله وبعدين انا اختك شلون اجاملك
ساره وهي يالله تمشي : من جد يا منيره خيال بينقطع قلب سالم اذا شافك
منور : الحمدلله يعني كل شي تمام
نوره : كل شي تمام بس باقي الله يعزك نعولك مو قالت الست هانم ساره بتجيبها لك من بيت اهلها والأخت ما جابتها
منيرة بشهقة : لالا تقولين والسواه يا نوره
نوره : ولا يهمك بروح مع راشد لبيتهم واجيبها
منيره : بس كشختك بتخرب
نوره : ولا يهمك كم عندي من اخت انا مالي الا وحده الله يوفقها يارب
ضمت منور نوره وشوي بتصيح نوره بشهقة : لا تصحين اعرفك انا وبتخربين المكياج
منور : هههههههههههههههه وهذا الي هامك
نوره : طبعا ابي سالم يفتح فمه اذا شافك
منور تذكرت حركات سالم وحمر وجها
ساره : الله شوفي وجها وش صار
منور بتصريفه : اقول يالله نوره اسرعي مدام معنا وقت
ساره : ههههههههههه صرفي صرفي
نوره : أي والله لازم اروح الحين يالله اشوفكم بالقصر اسبقوني انتو
ساره : ان شاءلله

من مواضيع وللسعادة معنى في المنتدى


__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم
اللهم لاتمتني حتى أرى نصر المسلمين وعزهم
وللسعادة معنى غير متواجد حالياً   رد مع اقتباس
قديم 2010-07-31, 08:01 PM   #83 (permalink)
ربي سألتك جنةعرض الفضاء()
 
الصورة الرمزية وللسعادة معنى
 
تاريخ التسجيل: Jun 2009
المشاركات: 5,456
معدل تقييم المستوى: 742
وللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسي
افتراضي

راحوا البنات للقصر وراحت نوره لبيت خالها محمد عشان تجيب جزمه منيرة الله يكرمكم
راشد : والله غثاكم يالحريم واجد وش فيها لو تلبس نعول حمرا

نوره : هههههههههههههههههههه حمرا عاد على فستان الفرح
راشد : أي وش فيها والله انتو عبط
نوره : اذا الله رزقك بنت وقتها مراح تبخل عليها بشي
راشد : بنتي غير بنتي بكسيها بالذهب
نوره : هههههههههههه الذهب صار موضه قديمه
راشد : اجل الالماس
نوره : ههههههههههههههه حتى الالماس
راشد : اجل البترول ولا تقولين موضه قديمه هذا مهم لستمرار الحياه البشريه
نوره : ههههههههههههههههههههههههههه رهيب تبي تطلي بنتك بالنفط
راشد : أي عشان يدري زوجها ان حنا ربي مغنينا وهذا اكبر مثال
نوره : هههههههههههههههههه بيردها عليك بيقول هذي بنت مجانين
راشد : يهبا
نوره : اقول تكلمنا في البنت وزوجناها وساره توها تشيل بطنها
راشد : الله يستر دخلت بالعاشر وما بعد ولدت
نوره : ههههههههههه طبيعي عشانها بكر
راشد : أي ولي العهد داري ان حنا مشتاقين له مو راضي يجي
نوره : هههههههههه شكلك تبيه ولد
راشد : تبين الصراحه ما تفرق معي بس يجي او تجي
نوره : الله يرزقك يارب ويهون على ساره يارب
راشد : امين اقول نوره ترا بنزلك وبروح اشوف شغله وبرجع عليك
نوره : لا تتأخر علي
راشد : ابشري ولا يهمك
نزلت نوره للبيت ومعها المفاتيح وكان كلهم بالزواج بسرعه دخلت الغرفة وخذت الجزمه الله يكرمكم وطلعت

نوره تتصل على راشد : يالله يا راشد بسرعه
راشد : ابشري دقايق وجايك
راشد : عويمر شوف تراني خدمتك عشان اختي ورقمي موجود معها اذا اتصلت علي جيتها طاير
عامر : نوره زوجتي مراح اسوي فيها شي
راشد : قصدك طليقتك لو ماهي في العده ما خليتك تروح تجيبها
عامر : والله ما انسى لك موقفك يا راشد
راشد : انت اخوي وهي اختي وما يرضيني اشوف حالتكم كذا واسكت
عامر : تسلم والله يا راشد اني ابيها لو تبي اعيوني راح اعطيها بس انت انزل واخذ ليموزين وسبقني للقصر
راشد : اوكي ولا تأخرها على منيرة
عامر : ان شاءلله بس ابي اكلمها

نزل راشد وراح عامر وقف قدام بيت ابو سعد جت نوره تمشي بسرعه
نوره : اوف يا راشد الله يهديك تأخرت وساح مكياجي
مانتبهت لعامر وقربت وجها من المكيف وطبعا ما تقدر ترفع غطوتها عشانها مسويه شعرها تسريحه ما لبست برقع لابسه غطوه خففتها بس وقربت من المكيف وعامر ساكت ما نطق بحرف بس مشى بالسياره وشغل المسجل


وصيت قلبي عليك وقال متجني
احذر غيابك على قلبي مهو عادي

وصيت قلبي عليك وفكري وضني

ان غبت عنهم عليك عتابهم هادي

ماودي تجرح شعورك كلمتن مني

انت حياتي وعمري ومهجه فوادي

من كثر خوفي عليك الخوف يشغلني

وافقد شعوري واشوفك غايه مرادي

ان غاب صوتك اناجي الليل واوني

واتخيلك واتذكر هامــت بلادي

مديون لك بالغلاي والحب مشقني

يامستحل الفواد العاشق الغــادي

من يشبهك في البشر يادوقي وفني

يا راحتي وبسمتي وموتي وميــلادي

وصيت قلبي عليك وقال متجني

احذر غيابك على قلبي مهو عــادي

وصيت قلبي عليك وفكري وضني

ان غبت عنهم عليك عتابهم هــادي

ياشوق روحي وقلبي وقطعتن مني

عتابك الطف من النسمه على فــوادي

ما يجرح القلب الا غيبتك عني

ولا عتابك يشابه طبعـك الهــادي

انا اهتني يوم اشوفك انت متهني

واشوف نور الهنا بطلـتك فادي

ما يفتخف فيك ظني يا حسن ظني

دايم وفي معـي يـاوردة بـلادي

لا تخاف مني ومن قلبي اذا وني

اكيـد مشتـاق لك يا غايــه مـرادي

ما يتعب القلب غير الشوق لاكني

اصبره بالقصـيد وصـوتـك الشادي

انا احبك واحبك من صغر سني

ما ابالغ ان قلت لك من يـوم ميلادي

اكبر ويكبر غلاك الي مجنني

غصب على عيون حسادك و حسادي

لا توصي القلب لي بالشوق متعني

مدمت احبك عتــابه مـاهو بعـادي

عتاب قلبك على حبك يطمني

خلـه يعاتب انا سلمته فــوادي

ياشوق روحي وقلبي وقطعتن مني

عتابك الطف من النسمه على فــوادي

ما يجرح القلب الا غيبتك عني

ولا عتابك يشابه طبعـــــك الهــادي

ياشوق روحي وقلبي وقطعتن مني

عتابك الطف من النسمه على فــوادي

ما يجرح القلب الا غيبتك عني ولا عتابك

يشابه طبعـــــك الهــــــادي
عامر : ما يجرح القلب إلا غيبتك عني
نوره من سمعت الأغنية وهي في عالم ثاني تحاول تحبس دموعها ماتبي تخرب على منيرة ليلتها لكن الصوت الي سمعته وتلى الأغنية خلها تلتفت من غير شعور للي يسوق
نوره : عـــامــر
عامر بابتسامه : عيون عامر
نوره ورتبكت : وش تسوي هنا
عامر : هههههههههه بدل ما تقولين وش هالمفاجأة الحلوه تقولين ويقلد صوتها وش تسوي هنا زوج يوصل زوجته حرام
نوره با بتسامة بس مخفيه تحت الغطا : أي قلت زوج هذاك اول انت الحين متزوج ولا تنسى انا طليقتك
عامر وهو يلتفت عليها ويبتسم : اول شي من قالك اني متزوج هذي اشاعه وثاني شي انتي زوجتي مو طليقتي
نوره بفرحه : يعني ما تزوجت عبير
عامر : لا ما تزوجتها وعبير اعرست على ولد عمها والحين انا اقدر اخذك لبيتنا ورجعك محد يقدر يقول كلمه
نوره بشهقة : تسويها والله ان تشوف
عامر : ههههههههههههههههه وش بتسوين يعني
نوره تلعثمت ما عرفت وش تقول : عامر مراح تسويها صح
عامر : اكيد صح ما تهونين علي احرمك من زواج اختك باخذك بعد الزواج
نوره : أي هين
عامر يخوفها : اقول لا ترفعين ضغطي ترا مراح اوديك للزواج
نوره : لا حبيبي
عامر يقاطعها :آهـ يا ني مشتاق لهـ الكمه
نوره : انحرجت مره لو سمحت طلعت عفويه
عامر :اموت على العفوية
نوره : عامر تكفى منيره تحتريني واكيد الحين انا متاخره عليهم
عامر : طيب بوديك بس اوعديني قبل ترجعين معي
نوره : لا اوعدك بكره اكلمك في بيتنا بس ارجع معك صعبة
عامر : ليش صعبه
نوره : قلتلك بكره
عامر : اوكي بكره بكره

من مواضيع وللسعادة معنى في المنتدى


__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم
اللهم لاتمتني حتى أرى نصر المسلمين وعزهم
وللسعادة معنى غير متواجد حالياً   رد مع اقتباس
قديم 2010-07-31, 08:02 PM   #84 (permalink)
ربي سألتك جنةعرض الفضاء()
 
الصورة الرمزية وللسعادة معنى
 
تاريخ التسجيل: Jun 2009
المشاركات: 5,456
معدل تقييم المستوى: 742
وللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسي
افتراضي

وصلوا للقصر وجت نوره بتنزل
عامر : لحظه يا نوره

التفتت نوره : هلا
عامر بابتسامة : وريني مكياجك
نوره : مستحيل
عامر : لاحول كم مره اقولك توك بالعده وجايز اشوفك
نوره : لا مقدر
عامر وقفل الأبواب نزلة الحين مافيه ووبفتش وجهك بنفسي
نوره : خلاص خلاص بوريك انا
فتحت نوره غطوتها بشويش
عامر : اصبري بقدم السياره بالظلام عشان محد يشوفك
قدم السياره وفتحت نوره غطوتها نزلت عيونها ماتبي تطالعه يكفي قلبها الي ما وقف من سمعت صوته تحس بفرحه صح هي ناوية ما ترجع له بس اشتاقت تجلس معه تكلمه مثل اول حست بيده تنمد لها حط يديه تحت ذقنها ورفع راسها
رفعت عيونها وجت بعيونه غمض عيونه وتنهد : نوره احبك تدرين كيف احبك
نوره غصب عنها دمعت عينها ومد يده ومسح دمعتها : لا يا نوره لاتنزل دمعتك ورب البيت ما عاد تنزل والسبب انا وقرب منها اكثر ومسك وجها بيدينه
نوره خافت تضعف : عامر تأخرت على منيره
عامر : طيب مالي بوسه تطفي شوق شهرين وعشرين يوم
فتحت نوره الباب :بعدين
نزلت وصارت تمشي بسرعه سامحني ياعامر مقدر اسامح

من مواضيع وللسعادة معنى في المنتدى


__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم
اللهم لاتمتني حتى أرى نصر المسلمين وعزهم
وللسعادة معنى غير متواجد حالياً   رد مع اقتباس
قديم 2010-07-31, 08:08 PM   #85 (permalink)
ربي سألتك جنةعرض الفضاء()
 
الصورة الرمزية وللسعادة معنى
 
تاريخ التسجيل: Jun 2009
المشاركات: 5,456
معدل تقييم المستوى: 742
وللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسيوللسعادة معنى قلم ألماسي
افتراضي

الجزء السابع والعشرون
دخلت بسرعه شبه ركض لملمت عباتي بيدي منيرة الحين بتذبحني تأخرت عليها شيكت على شكلي قدام المرآيه
ساره بشهقة : نوره بسرعه منور متوترة
نوره : اوف روعتيني بروح الحين لها
ساره : وش أخرك
نوره : بعدين بعدين بقولك
ساره : دريتي مراح يزفون منور
نوره بعصبية : ليـــــــــة
ساره بضحكة : جدتي حلفت عليها وعلينا كلنا يوم شافتها قالت تبونهم يصكونها عين مثل نوير
نوره بزعل : تقصدني اقول جدتي الظاهر نست ان المعرس تركني بعد سبوع
ساره : يابنت الحلال القرد بعين امه غزال جدتي تشوفكم مزايين
نوره : نعم نعم وحنا يا بعد عمري مزايين
ساره : اقول بدى الغرور سبحان الله خوات راشد الخالق الناطق نفس الحكي
نوره وهي تمشي وخلاص قربت من غرفة منور: اوريك في رويشد
ساره : ما اسمحلك تمدين يدك على رجلي
نوره :هههههههههه الحين عابلي نفسك كأنك بلونه متفوخة
دفت الباب بشويش كانت منور جالسه على الكرسي ورافعه يدينها مثل الي يدعي ومقربتها من فمها ومنزلة عيونها وشفايفها تتحرك بقوة يعني الي يشوفها بيدري انها تقرا شي
ساره :ههههههههههههههههههه شوفيها وش فيها
نوره :هههههههههه لا تزيدينها متوترة
نوره بصوت عالي : السلام عليكم
منيره وهي ترفع عيونها وبدت الدموع تتجمع فيها : وعليكم السلام وينك
نوره : هذاني جيت وش الي سمعت مراح تنزفين
منور بسرعه : ابركها من ساعه والله اني هديت يوم دريت
نوره : حرام ترا راح تندمين بعدين
منور : لا مراح اندم مو لازم
نوره بابتسامة : مشاء الله شكلك روووعه
منور : وين الجزمة
نوره ورمت عليها الكيس : أخذيها يا جاني قصة عليها
ساره : انتي من الصبح تقولين الغاز
نوره : مو الحين الا اقول وش اخبار فهودي من الصبح وانا راميته
ساره : صجني راشد من شوي يلاعبه ويحبه ويقول امه راميته على الشغالات من الصبح
عسى ما تسوين مثلها
نوره : والله انا ما احب الشغلات يمسكون ولدي بس وش اسوي اليوم مشغولة اقول منيرة
منيره تتنهد وتفرك يدينها : هلا
نوره : بروح لهم تبين شي
منيرة : وتخلوني
نوره : لا حول وتبينا نقابلك طول اليوم فيه معازيم لازم نوجبهم راح نرسل لك رغد
ساره : رغد هاديه ومنيرة تبي احد يربشها
نوره : هذي مشكلة الي تتجهز بدري لو الحين توهم يجهزونها على الاقل ضاع الوقت
ساره : هههههههه اقول منور اخذي قصة شوفيها بجوالي وتسلي فيها
منور : بالله الحين ايدي ترجف وتبيني امسك جوال
نوره : والله انا بروح اشوف ولدي
ساره : خلاص انا بجلس عندك بتمدد شوي لحد ماتجي الساعه تسع وطلع للعالم
شفت ولدي في حضن جدته وكل شوي تبوس راسه وهو ينزل من رجلينها ويروح يركض ويرجع لها موقف شدني معقولة يا فهد تعرف جدتك سبحان الله الطفل وخاصة الولد يحب عمانه مشيت لهم وقربت منهم كانت خالتي ام عامر تسولف مع جدتي ومندمجين بالسوالف
نوره : السلام عليكم مسكم بالخير
الكل : وعليكم السلام مسها بالنور
جيت وحبيتها مع راسها وخشمها وشدتني وسحبتني لها ضمتني حيل وجلست تصيح نزلت دموعي ام عامر سبب من أسباب الي قربتني من عامر وخلتني اجلس معه
أم عامر : يا هلا والله يا مرحبا والله بذا الشوف يا مرحبتين نورت الرياض بشوفتك وجلست تبكي لها شوي وتاخذ طرف شيلتها وتمسح دموعها نزلت دموعي لو تشوفوني ما عرفت اتكلم مدري وش اقول جمدت الحروف بفمي كلمة وحده بس اكررها الله يسلمك الله يسلمك
ام عامر : يمه لا تحسبينه راضيني الي صار لك ولا تحسبيني يا بنيتي يوم ما جيتك ولا كلمتك راضيه يا بنتي انتي تدرين اني مرة كبيرة يالله امشي والي سواه عامر ادري لا يرضي الله ولا خلقة وادري يا بنتي اني عارفه انه مراح يسكت ومصيرك بتردين بيتك وهو يمه لو تشوفين حالة رحمتيه والله يا يمة انه ما ينام بغرفتكم يقول يمه مقدر ارقد كل ما اشوف مكان نوره خالي يجفيني النوم ولا ارتاح بنومتي يا بنتي البنت تشوف لقدام عامر غلط ومراح اقول انه ما غلط لكن لا تخربين بيتك بيدك ارجعي عشان فهود وشرطي عليه الي تبين المره العاقل تنسى يا بنتي لو تشوفين مويماتنا وش كانوا ابوانا الله يرحمهم ويبيح منهم وش يسون بهم كانوا يضربونهن والله ان الدم يثعى من راسها وانها تغسلة وتروح ترضه ولدها وتكمل شغل بيتها واذا جاها ما كن شي صاير الغدا زاهب والبيت نظيف وانتن يا بنتي الحين الحمدلله صاروا يعرفون ومتفقهين بالدين وعارفين شرع الله وحدوده ويعاملونكن احسن معاملة اذا غلط مره لا تخلين الشيطان يكبرها براسك ترا الطلاق ابغض الحلال لله وسبحان الله الناس يتهاونون بالطلاق وهو شين كايد
نوره : ياخاله انا ماطلبت الطلاق هو الي طلق
ام عامر :وحس بغلطته يمه تراه ندمان يكفي العيشه الي عايشه تحزن الي ما في قلبه رحمه والله يا بنتي انه ما يرضيني الي سواه ولا تحسبيني بصفه انا بصفك قدامك وفي قفاك لكن مابي نخسرك يا بنتي وانا اخترتك حتى وفضلتك على بنات اختي شفت فيكن انتي وختك تربية ناسن اجواد تربية يا قل ما نشوفها الأيام هذي تحشمن الصغير قبل الكبير وراعيات بيت وحشيمات
نوره : الله يقدم الي فيه الخير
ام عامر : يابنتي هذي حياتك لكن انا اعلمك كأني اعلم وحده من بناتي وانتي بنتي مثل ما عامر ولدي
نوره : بكره بيحلها الف حلال الليلة عرس منيرة ومابي اخربه
ام عامر : الله يوفقها ويوفقك ويزين لها ويزين لك يارب
نوره : امين
امي جالسة طول الوقت تسمع ولا تكلمت بكلمة ناظرتها هي وجدتي ابي اشوف وش ردة فعلهم ولا تكلموا بكلمة وحده مدري وش ناوين عليه تركتهم وكملت مشي وسلم على الي بالقاعه قريباتنا هذي نجلا تستقبل اهي ونجود يا حبي لنجود ما نسيت موقفها معي هي الي بنت الحياة بيني وبين عامر بفضل الله ثم هي قدرت ابنيها لا ستغربون وتناظروني تتوقعون اني برجع لعامر واني فرحانه بحياتي معه لكن يكفي الحب الي انبنا بينا والي توجه فهود عامر انا معكم مقدر صراحه استغني عنه مقدر اكمل حياتي بدونه بس لازم اقرصه على اذنه عشان ما يتسرع مره ثانية بالطلاق هم ونزاح عبير مو خطيبته الحمدلله افتكيت منها يالله تهبل الله يعين قلب الي خذاها انا اذا ناظرتها انطرم ما عاد اقدر اتكلم وشلون اهو استغرب جد كيف عامر ما خذاها يمكن عشانه متربي معها يشوفها مثل اخته بس غريبة هي تشوفه غير سبحان الله العيال تفكيرهم غير يالله يا عامر نزلت منك وانا ناوية مرجع لك بس كلام امك وحكيها علي خلاني اعيد حساباتي وش راح استفيد اذا تطلقت وجلست في بيت ابوي مصيري يا اتزوج غيره يا اجلس وحتى لو اتزوج هل بكون سعيدة مع غيرة ودامه شاريني ويحبني مراح افقده بس فكروا معي ابي اقهره ابي ينقهر شوي باقي عشر ايام على العدة وتنتهي لازم افكر بفكرة
رغد : نوره نوره
نوره : هلا والله يوه سوري رغوده كنت سرحانه
رغد : امي تناديك
نوره : ان شاءلله

من مواضيع وللسعادة معنى في المنتدى


__________________
اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم
اللهم لاتمتني حتى أرى نصر المسلمين وعزهم
وللسعادة معنى غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الشوق, الطين, بيتنا, بقلم, رواية, غيوم

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه للموضوع: رواية بيتنا الطين بقلم: غيوم الشوق .
الموضوع كاتب الموضوع المنتدى مشاركات آخر مشاركة
رواية اخرج منها ياملعون بقلم الرئيس الأديب صدام حسين وللسعادة معنى منتدى منبع الروايه 28 2010-07-29 01:42 PM
باب بيتنا من خشب وباب بيتكم من زجاج T0o0Fe الديكور والأثاث المنزلي 12 2010-06-24 03:09 AM
غيوم ...صور للتصاميم ... بقايا أمل جرافيكس والتصاميم 4 2009-05-12 06:56 PM
على ذاك الجدار اللي على حد البيوت الطين شموخ آنثى الشعر وأبيات القصيد 8 2008-12-29 07:51 PM

Sitemap

الساعة الآن 10:08 AM.

Google SiteMap

@QaZsD201

Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com


أقسام المنتدى

المنتديات الإسلامية @ المنتدى الاسلامي العام @ الصوتيات والمرئيات والأناشيد والمحاضرات @ المنتديات العامة @ نقاشات وحوارات @ اصدقاء الشرقية @ منتديات الشرقيه @ أخبار الشرقيه @ السياحة والسفر @ الرياضة العربية والعالمية @ المنتديات الأدبية @ الشعر وأبيات القصيد @ النثر والخواطر ونبض المشاعر @ القصص والروايات @ منتديات الأسرة والمجتمع @ الطفل والأسرة والمجتمع @ الازياء الجمال @ الديكور والأثاث المنزلي @ منتديات التسلية والترفيه @ الألعاب الفكرية والتسالي @ صور @ صرقعه @ المنتديات التقنية @ الكمبيوتر والإنترنت @ برامج والبرامج المشروحة @ جرافيكس والتصاميم @ منتديات الشكاوي والإقتراحات @ الشكاوي والاقتراحات @ الأقسام الخاصة بالإداريين والمشرفين @ المشرفين @ المحذوفات @ المواضيع المنقوله @ منتديات ماسنجريات - توبيكات - توبكات - نكات ملونة @ برامج ماسنجر للماسنجر @ توبكات ماسنجر - توبكات ملونه - توبكات مسنجر @ صور ماسنجر رموز للماسنجر - اختصارات @ مطبخ اسرار @ الثقافة والمعلومات العامة والتطوير الذاتي @ الجوال العام @ السيرة النبوية @ المواضيع الإسلامية المخالفة @ تصوير الاعضاء والكيمرات @ الخيمة الرمضانية @ منتدى الخيمة الرمضانية @ المواضيع المميزة @ مناطق ومدن الشرقية @ قروب خليجيات @ رسائل قروب خليجيات @ الاداره @ السيارات @ منتديات الطب و الصحة @ الطب العام @ طلبة الطب @ الرجل ادم @ مقاطع فيديو @ منتدى منبع الروايه @ مجلس الاعضاء @ التميز @ منتديات الجوال والهواتف الذكية @ برامج والعاب الجوال @ بلاك بيري والايفون iphone,ck berry @ دروس الوسائط mms @ اسرار النواعم @ منقول الخواطر @ مدونات الاعضاء @ طبخ المأكولات والعجائن @ الحلويات @ المشروبات @ السلطات @ اللغة الأنجليزية @ منتديات فيديو - video @ جرائم - مقاطع مرعبة @ افلام وثائقية @ العاب فلاشية @ اطفال @ الصور العالميه @ الاعلانات - التسويق @ المواقع @ المنتديات @ تسويق @ الشركات @ الهلال - الزعيم @ الاهلي - القلعه @ الاتحاد - العميد @ النصر - العالمي @ الشباب - الليث @ حيوانات @ جميلة @ صور متحركه @ اخبار مصورة @ كاميرة خفية @ صور غريبة @ الايبود - الايباد @ المنتدى العام @ تويتر الشرقية @