| | |
لاشتراك فى مجموعة قروب خليجيات
فى صندوق التسجيل ضع أميلك بشكل صحيح ثم اضغط على اشتراك
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
2010-02-17, 10:52 PM
| #91 (permalink) |
| roh hyome  تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091   |  فتحت مناال الباب وقالت:نعم ما انتبهت للشخص اللي واقف قدام البيت ........:ابو وليد موجود؟ منال:لا من اقووله وسكتت ........:قولي له احمد ولد الـ ........ قالت بصدمه:انت مرررة ثانية وش تبي مني؟؟ مو كافي اللي سويته في حياتي وش تبي تسوي بعد هاااااا ناوي تذبحني قالت هالكلمات والدموع مليانه في عيونها احمد:مناال انا منال:انت وشو ، انت ولاشئ انت شيطاااااان على هيئة انسان ، حسبي الله ونعم الوكيل عليك الله ينتقم منك احمد:تكفيييييين لاتدعين علي كفاية دعااااوي ، منال انا تبت لربي وتركت كل شئ وجيت اطلب من السماح على كل شئ سويته لك منال:انا ماراح اسامحك ليوم القيامة احمد:لاتعذبيني يا منااال العذاب اللي فيني مكفيني الله يخليك سامحيني منال:عذااااب؟؟!!! اي عذاب ، انت عذبتني مو انا اللي عذبتك احمد:انا مستعد اصلح كل شئ واتقدم لك ماقدرت منال تتحمل اكثر من كذا وقفلت البااااب في وجهه احمد:مناااال مناااااال الله يخليك سامحيني والله انا ندمااان على كل شئ سويته وقفت تسمع كل كلمة يقولها احمد ومسحت دموعها ودخلت للبيت ماراح تكرر نفس الغلطة وتصدق الذئب اللي غدر بها فيصل:بــــــدر بــــدر بدر:نعم فيصل:منت ناوي تتزوج تنهد بدر وكان يتذكر خلود وقال:لا مو ناوي اتزوج فيصل:وبتقعد طول عمرك كذا بدر:مدري وش اقولك بس اخاف اتزوج واظلم اللي اتزوجها فيصل:يعني ماعندك مانع تتزوج؟ بدر:لا ماعندي مانع بس حاليا ما افكر بالزواج قال فيصل في نفسه((ع الاقل انت مشكلتك قدرت تتخطاها لكن انا آآآآآهـ الله يعين بس)) طلال:اقوول يالحبيب لاتنسى كل يوم تكلمني مو تجلس عند خوالك وتنساني عزوز:ان شاء الله اذا لقيت فرصة بنساك طلال:لا لااااااااا عزوز:ههههههههههه انت دايما وابدا في قلبي يالله سلملم طلال:سلملم رجع عزوز للسيارة وركب طلال:على وين يالحبيب؟؟ عزوز:بقولك شئ قبل ما اتركك ناظر طلال فيه بابتسامه وقال:وش عندك؟ تنهد عزوز وقال وهو يناظر في طلال نظرة جدية:انا احب وابتزوج طلال بضحك:مقدر انااا ع اللي يحب وانا اقووول وش فيه الرجال متغير كــذا اجل الشغله فيها حب وغمز له عزوز:ما سألتني من هي؟؟ طلال:ايه صح من هي سعيدة الحظ اللي بتأخذك عزوز:اختك ريما طلال بصدمة:اختي ريما عزوز:ايه اختك هاااااا وش قلت؟؟ طلال كان يستووعب الكلام اللي قاله عزوز وقال:عزوز انت تتكلم جد عزوز:وانت شايف انه في هالامور الواحد يدقر يمزح طلال:مدري وش اقولك بس ، قاطعه عزوز:لاتقول انك رافض طلال:لا مو كذا انت رجااااال ولد رجال والاهم من هذا كله انك صاحبي واعرف عنك كل شئ بس لازم اشاور الاهل وانت عارف رايهم مهم عزوز:طيحت قلبي ياشيخ بكلامك هذا ع العموم بلغهم وخذوا راحتكم في الرد يالله انا بطلع سلالالالالالام طلال:مع السلامه رجع طلال للبيت وهو مو مصدق كان طالع لغرفته وشاف ريما رايحه للمطبخ ناداها وقال لها تلحقه ع الغرفة ريما:غريبة وش عنده؟؟ خل اطل واشوف احسن طلعت ودخلت لغرفته وسكت الباب وراها ريما:خيير وش عندك؟؟ طلال:مدري بتصدقين الكلام اللي بقوله ولا لا؟ ريما:قول وانا احكم بعدين طلال:فيه واحد خطبك انصدمت ريما وانشل لسانها وظلت تناظر في طلال وقالت وهي خايفه:وووش تـ ــقووول انت؟؟ طلال:اللي خطبك واحد اعرفه واحبه كثييييييير ريما:عزوز استغرب طلال وقال:ايه بس انتي وش عرفك؟؟ ريما بربشة:انت قلت تحبه كثيييير وتعرفه مافيه غيره عزوز طلال:هاااا وش قلتي؟؟ لفت ريما وجهها وقالت:افكر ومشيت لحقتها طلال وقال:وش تفكرين بوه يا تقولين ايه يا لا بسيطة ماهي صعبة ريما:طلال هذا زواج مو لعب عيال حتى اقرر بسرعه وطلعت من غرفته وراحت لغرفتها وحطت راسها ع المخده وهي تفكر لين نامت في الصباح راح بو نواف للدوام وهو متضايق لانه خسر في الاسهم اللي قال عليها ابو عبدالعزيز وهو في الطريق بغى يصدم في سيارة بس ربي ستر وسلم ، نزل ابو نواف من السيارة وهو خايف من الشئ اللي صار وقال:الظاهر انه اليوم ماراح يعدي على خير وصل لمكتبه وطلب فنجان قهوة وفتح النت عشان يشوف وش بقى من الاسهم عشان يبيعها ويفتك منها ام شذى:يالله يا ريما قووومي ريما:يمممه الله يخليك قلت لك مابروح للجامعه اليوم ام شذى:وليش ان شاء الله ريما:تعبااااانه ومالي خلق ام شذى:عسى ماشر يابنيتي وش فيك؟ ريما:مافيني شئ بس مالي خلق مر طلال من عند الغرفة وسمع كلام ريما ودخل وقال:ليش ما راح تروحين؟ ريما:افففففففف قلت تعبانه خلني ارتاح شوووي طلال:تعبانه ولا؟؟ ريما:ولا ايش كمل طلال:لا ولاشئ سلالالالام ، انا بروح للجامعه ام شذى:خلاص بخليك ترتاحين اذا تبين شئ كلمي الشغاله وهي تجيك ريما:طيييب نواف:واخيرااااااا مابغيت اخلص سلمى:يا حظك انا لسى بقي لي كم شهر الله يصبرني شذى:انت بقي لك كم شهر طيب انا وش اقول اللي بقي لي كم سنة نواف:احد قالك ادخلي طب سلمى:ايه احد قالك ادخلي طب شذى:اشوفكم قالبين علي وبعدين الطب حلوو احلى من ادارة الاعمال والفنوون نواف وسلمى:وش تقصدين؟؟ شذى:سلامتكم ما اقصد شئ نواف:اقول وين اللزقة ما صارت تجي هنا مثل اول سلمى:وانت وش تبي فيها ؟؟ ابتسمت شذى وغمزت لنواف وهو بعد ابتسم وقال:اشتقت لجلستها معنا ولسوالفها رفعت سلمى حاجبها وقالت:اشتقت لها وتقول هالكلام قدامي بعد وقفت وسحب نواف يدها وجلسها وشذى كاتمة ضحكتها نواف:انا ما قلت شئ حتى تزعلي عصبت سلمى منه وقالت:كل هذا وتقول ما قلت شئ ، راحت لغرفتها وهي معصبة وقفلت الباب بقووووووة ضحكت شذى بصوت عالي عليها نواف:ههههههههه صدقت البنت كلامي شذى وهي تضحك:عاد انت باااارع في التمثيل نواف:هههههه عاد الله يعين الحين شلون براضيها شذى:علينــــــا،يعني قدرت تمثل عليها وتزعلها ما تقدر تراضيها بسهووله نواف:الكلام سهل لكن الفعل صعب شذى:والله بسيطة كلمه من هنا بوووسة من هناااااا وانحلت المشكلة مسك نفسه شووي عشان ما يضحك وقال:عيييييييييب يابنت شذى:هههههههههه مو لايقة العصبية عليك ابدا نواف:اروح عند حرمتي احسن قالت بصوت عالي:بالتوووفيق في الجامعه عزوز طفش من طلال كل شووي يساله عن ريما طلال:اففففففف تراك طفشتني عزوز:ياخي جاوبني طلال:ما قالت شئ حرك شفايفه بطريقة تضحك وقال:متأكــــــد طلال:ايه متأكد عزوز:عطني جوالك طلال:لييييييش؟؟ عزوز:ابكلمها ناظر طلال فيه وقال:لا ياشيخ عزوز:ههههههههههه وش فيك معصب طلال:شكلي انا اللي راح امنع الزواج هذا عزوز بخووف:ليييييييييييييه؟؟!!!!!!! طلال:لان ريووم راح تاخذك مني عزوز:ههههههههههه حبيب قلبي والله مساعد:صباح الخيييييير شبااااااب طلال بطفش:هلا والله جيت والله جابك مساعد:مبين عليك طفشااان خييييييير طلال:طفشان من ذا اللي جنبي مساعد يناظر في عزوز اللي ضم طلال وجلس يضحك عليه مساعد:استح على وجهك عزوز:كيفي خويي وانا حر طلال:ههههههههه الله يرجك يا شيخ مساعد:شباب انا جوعااان مررررة من فيكم بيعزمنا اليوم؟؟ طلال:يالله عزوز العزيمة عليك اليوم عزوز:وليش ان شاء الله طلال:لانك بتعرس والعريس لازم يكون كريم ولا بعدين نفشله قدام الحبايب مساعد:تزوجت ولا قلت لي عزوز:لا ماتزوجت بس ان شاء الله قريب مساعد:اهااا الله يوفقك اجل عزوز:آآآآآآمييييين وعقبالكم مساعد:آآآميين ياااارب  |
|  |
|
2010-02-17, 10:53 PM
| #92 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | الكل:السلام عليكم ام فيصل:ياهلا وعليكم السلام تو مانور البيت سجى وفهد:منور باهله حبت سجى راس امها وقالت:شلونك يمممه؟ ام فيصل:الحمدلله بخيير انت شلونك وشلون بنيتك؟؟ سجى:بخير دامك بخير فهد:شلونك خالتي عساك طيبة؟؟ ام فيصل:بخير دامك بخير ربى:حبيبتي جدة كيف حالك؟؟ ام فيصل:الحمدلله بخير تعالي يا قلب جدة انتي ركضت ربى لحضن جدتها وجلست فوق وصارت تتكلم معها سجى:يمه شلون شلون اخواني عساهم طيبين ام فيصل:الحمدلله بخير ماتغيروا ولا صار فيهم شئ آآآآهـ يايمه والله اني اشوف الحزن في عيون كل واحد فيهم سجى:الله يكون في عونهم ام فيصل:انا ودي اخطب لهم عشان يرتاحون سجى:بس انتي متاكده انهم بيوافقون ام فيصل:انا راح اضغط عليهم وابيك تساعديني فهد:بس يا خالتي هذا الاسلوب ماينفع وانتي تعرفين فيصل وبدر ام فيصل:والله عجزت يا ولدي اقنعهم وانا ما احب اشوفهم متضايقين وابي اسعدهم باي طريقة فهد:انا بكلمهم ان شاء الله دخل بدر للبيت وقال:وانا اقوووول ليش البيت منور ربى:خاااااااااالوووو بدر:يا عيوون خالوو انتي شالها وصار يبوسها وهي تضحك فهد:شلونك يالنسيب؟؟ بدر:بخييير وانت شلونك؟؟ فهد:تمااام سجى:كيفك؟ بدر:تماااام وانتي كيفك؟؟ سجى:الحمدلله جلس بدر جنب فهد وجلس يسولف معاها وام فيصل تتكلم مع سجى بصوت واطئ سجى:اقوول بدر بدر:هلا سجى:انا وامي قررنا نخطب لك بدر:........... سجى:هاااا وش قلت؟؟ ام فيصل:يا ولدي وافق الله يخليك ريحني من العنا اللي انا فيه سجى:بدر مايصير تظل عزابي على طوول ، الرجال لازم يشوف حياته ويتزوج ام فيصل:يا ولدي منى عيني اشوف عيالك لاتحرمني من هالامنية قال بدر:خلاص انا موافق فرحت سجى وام فيصل وجلسوا يخططوا من راح يخطبون لولدهم سجى:ما قلت لي بنت مين تبي؟؟ بدر:ما يهم انتم شوفوا البنت المناسبة وانا موافق نواف:حبيبتي انتي زعلانه سلمى:اطلع برى نواف:حبيبتي والله كنت امزح انا وشذى ناظرت فيه بنص عين وقالت:تمزح هااااا نواف:والله مقلب من مقالب شذى عشان تعصبين سلمى:نواااف لاترفع لي ضغطي واطلع برى طلع نواف برى الغرفة وراح لشذى ومسك لها اذنها وقال:كله منك انتي وش اللي خلاني اسمع كلامك شذى:اايييي اذني يالدوووب اتركني نواف:شريررررررة شذى:اتركني وانا بروح اكلمها نواف:لا خليها شووي لين تهدا اخاف اول ما تفتحين الباااب ترمي عليك شئ وتروحين فيها شذى:ههههههه لهدرجه نواف:واكثثثثر بعد دقايق رجع نواف لسلمى اللي هديت شووي بس شايله بقلبها على نواف نواف:سووسوو حبيبتي ما صارت خلاص فكيها سلمى: بهالسهوله نواف:عشان خاطري سلمى:تتغزل في البنت قدامي وتبيني ارضى نواف:والله مقلب من مقالب شذى مو متي سلمى:وليه تسمع كلامها؟؟ قرب نواف منها وقال:ان ظليتي زعلانه بزعل معك وقلد الاطفال لما يزعلون سلمى:ما راح يفيدك تقليد البزران بشئ نواف:يعني ماراح ترضين؟؟ سلمى:لا نواف:اجل تحملي ما يجيك سلمى:يعني وش بتسووي؟ نواف:الحين تشوفين شالها وصار يمشي في البيت كله شذى:هيييييي الرومنسية هذي ماتنفع وانا موجودة روحوا غرفتكم ازين لكم استحت سلمى وقالت:نواااااااااااف نزلني نواف:ماني منزلك لين تقولين سامحتك سلمى:ماني قايله نواف:اجل ماراح تنزلين شذ:نواف البنت خدودها حمراء نزلها نواف:ههههههههه قلت ماراح انزلها لين تسامحني سلمى:سامحتك بس نزلني نواف:اكيييييييييد سلمى:اكيدين نزلها وراحت للغرفة وهي تركض ونواف وشى ميتين ضحك عليها نواف:حريم مايجون الا بالعين الحمراء سلمى:وشوو؟؟ نواف:لا ولا شئ شذى:هههههههه جباااااااان في الليل دخل طلال لغرفة ريما وجلس عندها شووي ريما:اكيد وراك شئ طلال:ليه يعني مايصير اجلس مع اختي شووي ريما:يصير بس مو من عوايدك تسويها طلال:قلت استغل الفرصة قبلماتروحين لبيت زوجك ريما:اهاا ومن قال اني وافقت؟؟ طلال:شلون يعني انتي مو موافقة على عزوز؟؟ ريما:ايه مو موافقه قال بعصبية:لييييييش؟؟ ريما:كيفي ما ابيه غصب هو طلال:عطيني سبب واحد بس ريما:انا مو ملزومه اعطيك اسباب طلال:ريما فكري زين عزوز رجال ما يعيبه شئ وكل الناااس تشهد له بهالشئ ريما:والله انا ما علي من الناس طلال:والحين وش اقول لعزوز؟؟ ريما:قل له اختي مو موافقة طلع طلال من غرفة ريما وهو معصب ولسوء حظه دق عليه عزوز طلال:هلا عزوز عزوز:اهلييييين هااااا بشر طول طلال وهو ساكت عزوز:طلال عارف حركااااات الهبل اللي تسويها لاتخليني على اعصابي يالله تكلم طلال:ريما موافقه جلس عزوز يصارخ ويقول لك احلى هديه يالنسيب ضحك طلال عليه وهو متضايق من داخله عزوز:اقول شرايك نطلع الحين ابطيييييير في السمااااء من زود الفرحه طلال:لا مقدر اطلع الحين خليها مرة ثانية عزوز:اجل برااحتك مع السلالالالالالامه طلال:مع السلامه راح لغرفته وهو متضايق لانه كذب على عزوز بس هي طلعت كذا من غير قصد ياربي الحين كيف بحل الموضوع هذا؟؟ اخذ جواله ودق على نواااف عشان يشوف له حل ام فيصل:تهقين توافق سجى:اكيد بتوافق هي ما راح تلقى احسن من بدر يكون زوج لها ام فيصل:اجل انا بكلم ابوك قبل ما اكلم ام نواف سجى:اذا وافق بلغيني ام فيصل:ان شاء الله رن جوال سجى ام فيصل:هذا فهد سجى:ايه هذا هو يالله يمه مع السلامه وجاءت بتشيل ربى ام فيصل:خليها عندنا اليوم سجى:اخاف تزعجكم ام فيصل:لا ماراح تزعجنا انتي روحي بيتك وخليها سجى:طيب يالله مع السلامه ام فيصل:مع السلامه طلعت برى البيت وركبت السيارة فهد:وين ربى؟؟ سجى:نايمه عند امي تقول تبغاها اليوم عندها فهد:اهااا احسن برضووه سجى:تراها بنتك لاتنسى فهد:داري انها بنتي بس هي خذتك مني ابتسمت سجى وقالت:يعني اليوم بتدلعني فهد:اليوم لك اللي تبينه آمري وتدللي دخل ابو فيصل السلام عليكم ام فيصل:وعليكم السلام ابو فيصل:وين الشبااااب؟؟ ام فيصل:مو بالبيت سكتت شوي ثم قالت اقول بو فيصل ابو فيصل:نعم ام فيصل:اليوم انا وبنتك سجى كلمنا بدر في موضوع الزواج وهو قال ختاروا البنت اللي تناسبكم ابتسم فيصل وقال:زين ام فيصل:عاد انا وبنتك مالقينا احسن من ريما بنت اخوك انت وش رايك؟؟ ابو فيصل:بنت اصوول وما يحتاج تاخذون موافقتي دقي على ام شذى وكلميها وان شاء الله تكون البنت من نصيب بدر ام فيصل:ان شاء الله يااارب |
|
| |
|
2010-02-17, 10:54 PM
| #93 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | طلال:بخير كيفك انت وكيف اللي عندك؟ نواف:والله بخييير طلال:اقول نواف عندي مشكلة وابغاك تساعدني في حلها نواف:اهاا يعني انت داق عشان مشكلتك مو لانك مشتاق لاخوك طلال:لا مو قصدي نواف:ههههههه امزح معك يالله قوول وشهي المشكلة؟؟ طلال:اختك ريما انخطبت و قاطعه نواف:الف مبروووووووووووووووك وش هالخبر الزين طلال:خلني اكمل السالفة نواف:كمل طلال:تعرف عزوز خويي نواف:ايه طلال:هو اللي خطبها وهي مو موافقه نواف:افففف افففففف لييييييش؟؟ عزوز والنعم فيه واي بنت تمنى شاب مثله طلال:عارف ياخوي بس اختك مدري وش فيها ورافضته بدون سبب نواف:طيب وين المشكلة؟وبعدين الزواج قسمة ونصيب طلال:المشكلة انع عزوز دق علي وهو مبسوط وينتظر ردي وانا مدري وش صار فيني يوم سمعت صوته وقلت له انها موافقة نواف:وشــــــــووو؟؟!!! طلال:هذا اللي صار والحين مدري وش اسوي؟؟ نواف:والله مشكلة طيب انت حاول تقنع ريما بعزوز طلال:انت عارف اني انا وريما من صغرنا ما نتفق على شئ وللحين ما نتفق فاكيد ماراح تسمع كلامي نواف:طيب روح نادها ابكلمها راح طلال لغرفة ريما اللي كانت مظلمة وباردة طلال:ريما ريما بصوت مخنوق:نعم طلال:نواف يبي يكلمك خذي الجوال قامت واخذت الجوال من يده وتكلمت معه شووي وتكلمت مع سجى وسلمى نواف:ريوم حبيبتي صوتك مو عاجبني ريما:متضايقة شووي نواف:طلالووه مسوي لك شئ ريما:لا مو طلال بس نفسيتي تعبانه شووي نواف:عشان موضوع الخطبة ريما:كانك تقرا افكاري نواف:وانتي ليش رافضه عزوز ريما:مدري بس نواف:بس وشو ريما:ما احس بشئ تجاهه يعني ما احس اني احبه وبعدين انا خايفة يطلع مثل فيصل يعيشني في حلم وبعدها اصحى على واقع مر نواف:اول شئ الحب مايجي الا بعد الزواج ، ثاني شئ فيصل وش فيه؟؟ وبعدين مو كل الناااس مثل بعض اصابع يدك تختلف انتي شايفه انه طلال يشبهني او انا اشبه ابوووي او بدر يشبه فيصل ريما:لا نواف:اجل ليه حاطه في بالك انه كل الشباب مثل بعض صدقيني يا ريما انا اعرف عزوز رجال طيب وابشرك بعد عزوز صفاته مثل صفاتي وصفات طلال يعني من ناحيه طيبة القلب لاتشيلي هم ريما:............. نواف:هااااا وش قلتي؟؟ ريما:موافقه نواف:ريحتي قلبي الله يريحك ريما:لهدرجة انا حمل ثقيل عليكم نواف:ههههه لا مو القصد بس خلي طلال يفهمك يالله سلالالالالام ريما:مع السلامه طلعت ريما لطلال اللي كان واقف برى الغرفة وهو سرحاااان وقالت:خذ جوالك طلال:نواف ما قال لك شئ ريما:كلمني في موضوع الزواج وقلت له مو موافقه انت ليش ماتفهم مشى طلال وهو يفكر وش بيقول لعزوز ريما:ههههه طلووول ترى امزح معك لف وجهه وهو مو مصدق وراح لها وابتسم وقال:تتكلمين جد ولا تمزحين ريما:لا بجد طلال:ريحتي قلبي ريما:وش سالفتك انت ونواف كل واحد يقول ريحتي قلبي طلال:السالفة وما فيها اني كلمت عزوز وقلت له انك موافقه حطت يدها على خصرها وقالت:يعني الشغلة بالقوووة ولا تـحـــدي طلال:لا والله مو غصب ولا تحدي بس هو لما كلمني كان متأمل مررة انك توافقين وبعدين انا اتربشت وقلت له انك موافقه ريما:اهااا طلال:الوالد جالس تحت بروح اقوله وش رايك تجين معي؟؟ ريما:اوكي يالله نواف:صبايااااااااااااا عندي لكم خبر حلوو شذى و سلمى جوا ركض عند نواااف نواف:ههههههه بزارين شذى:بزارين بعينك قوول وش عندك نواف:كم تعطيني؟؟ شذى:افااا تبتز اختك ماهقيتها منك يالنوفي نواف:الواحد يعيش لمصلحته سلمى بدلع:نواااااااف يالله قوول نواف:ان شاء الله شذى:ايه هين الحين عشان عنوون هالعصلة بتقول سلمى:عصلة بعينك نواف:بتسكتون ولا شلون؟؟ سلمى:هي اللي بدت شذى طلعت لها لسانها نواف بضحكة:بس خلاص ترى مابقول الخبر شذى:خلاص سكتنا وحطت يدها على فمها نواف:اختك ريووم انخطبت شذى وسلمى:بـــــــــجـــــــــــد نواف:ايـــــه نقزت شذى من الفرحة هي وسلمى وصارت شذى وتهز رقبتها وتغني:حمام جاني مسيان ولا سلم عليا ، عاشووا عليهم ، سرى ورى سلمى:هيييي مو هذي غني ويلو يم العروسة شذى:طيب انا مو ام العروسة سلمى:ما عليك غني وانت ساكته وقفت شذى قدامهم ومسكت علبة المويه على انها مايك:ويلو يم العروسة الله يتمم هناكي ويلو ليلة سعيدة والحبايب معاكي عاشووا ياسلام نواف يهز راسه ع المهابيل اللي قدامه وقال:الله يعقلكم بس فيصل:مبروووك يالحبيب بدر:بدري على كلمة مبروك ، امي للحين ما كلمت خالتي ام شذى فيصل:خذها مني بتوافق على طوول بدر:وش اللي مخليك متأكد فيصل:مخيخي مخليني اتاكد وبعدين هي بنت عمك وعمي بو نواف ماراح يرفضك بدر:نصبر ونشوف فيصل:تصدق البيت بدون خواتي ممل بدر:ايه والله صادق مع اني كنت ابي الفكه من سلمى فيصل:ههههههه الله يسعدها يارب كانت عاملة جو في البيت بدر:عاد لاتزوجت انا وش بتسوي انت؟؟ فيصل:لاتقول انك بتطلع من البيت؟؟ بدر:لا من يقول؟ فيصل:على بالي بتسكن برى بدر:ههههههه لهدرجة تحبني فيصل:بيني وبينك مصلحة كيف ماتبيني احبك بدر:اقول يالحبيب انت مأخذ اجازة عشان تقعد في البيت انا لو منك بسافر لاي مكان تنهد وقال:وين تبيني اروح ومع مييين؟؟اول كنت اسافر مع نواف والشباب والحين كلن لاهي بحياته بدر:ياخي تزوج وافتك من الوحده اللي انت فيها فيصل:كيف تبيني اتزوج وانا قلبي عندها بدر بعصبية:ياخي هي ماتبيك وما تحبك لو تحبك كان نسيت كل اللي صار قبل ورجعت لك وبعدين انت ليش ذال نفسك لها خلاص انساها فيصل:بدر لا تقول الكلام هذا عنها انا متأكد انها تحبني بس هي تكاااابر بدر:لو حطيت ايدك على خدك مابيتغير شئ يا تتزوج وحده ثانية او تحاول ترجعها فيصل:حاولت والله حااااولت بس ماقدرت بدر:مالك الا تكلم عمي وتقنعه وتبين له انك تبيها فيصل:آآآآهـ يصير خير ابو نواف:والله عبدالعزيز رجال وابن رجال وانا ماعندي مانع دامك موافقه لانه يستاهل والله طلال:المشكلة انها ما كانت تعرف انه يستاهل ريما:طلالــــــوه طلال:ههههههههه خلاص ام شذى:متى جاين يخطبونها رسمي؟؟ طلال:والله مدري بس احتمال هاليومين يجي هو وخواله ابو نواف:وابوه ماراح يجي طلال:اظن تعرف وش الاسباب ابو نواف:مهما كان هذا ابوه ولازم يعرف ام شذى:ايه يا وليدي كلمه وقل له يكلم ابوه ريما:يبه انت ليه ما تكلم ابوه ابو نواف:تصدقي ما جاءت هالفكرة في بالي بكلمه بكره وبشوف ام شذى:زوجته هذي يبغالها من يأدبها ريما:مسكين مدري كيف قدر يتحملها طول هالسنين طلال:عزوز صبور وقلبه طيب ولو ما كانت هالصفات فيه ما كان تحملها انا تعلمت منه اشياء كثيرة في الصباح طلع ابو نواف للمكتب ولقى مجموعه من الياب جالسين ينتظرونه يخلص معاملاتهم وبعد كم ساعه من الشغل دق عليه طلال وذكره بسالفه عبدالعزيز وقفل دخل ابو عبدالعزيز:السلام عليكم ابو نواف:وعليكم السلام جلس على مكتبه وطلب قهوة ابو نواف:اقول بو عبدالعزيز ابو عبدالعزيز:تفضل ابو نواف:ولدك عبدالعزيز ابو عبدالعزيز بعصبية:شفيه بعــد ابو نواف:ليش ولدك ساكن عند خواله وانت موجود؟؟ ابو عبدالعزيز:انا ما قلت له يروح لهم وضحك باستهزاء وقال الظاهر هم اللي علموه على هالخرابيط اللي يسويها ولا ما راح وسكن عندهم ابو نواف بصدمه:وش هالكلام؟؟ المفروض انت اكثر واحد تشهد باخلاق ولدك مو الناااس ابو عبدالعزيز:مظااااهر قدام الناااس ابو نواف:احد يقول عن ولده كذا ابو عبدالعزيز:لو هو يستاهل ماكنت قلت عنه كذا لكنه ما يستاهل ابو نواف:ع العموم حبيت اقول لك انه ولدك خطب بنتي وانا موافق وانا انتظرك انت وولدك اليوم او بكره في بيتي ابو عبدالعزيز:لااااااا وضحك بسخريه ورايح يخطب من وراي بعد ، شوف بو نواف انا منيب خاطب له خل خواله ينفعونه يأس ابو نواف من الكلام مع ابو عبدالعزيز وسكت طلال:كلمت خوالك يجون معك عزوز:ايه كلمتهم وقالوا بنسير عليكم اليوم طلال:وابوووك عزوز:طلوول لاتقلب علي المواجع طلال:ما كلمته ولا قلت له عزوز:لا ما كلمته بس اذا رجعت اليوم للبيت بكلمه طلال:اقول شرايك نسحب ع المحاضرات ونطلع نتمشى عزوز:مشينـــــا طلع ابو نواف من الدوام وشاف فيصل قدامه ابو نواف:هلا بشيخ الشباب كيف حالك؟ فيصل:تمااام والحمدلله انت كيفك وكيف العيال؟؟ ابو نواف:طيبين والحمدلله ، اشوفك اليوم عندنا فيصل:ابكلمك في موضوع بس الظاهر انك مشغول ابو نواف:لا مو مشغول ماعندي شئ قلت اروح للمزرعه وش رايك تجي معي؟ فيصل:ماعندي مانع سجى:هلا يمه كيفك؟ ام فيصل:بخير والحمدلله كيفكم؟ سجى:حنا بخير كيف بنتي عسى ما ازعجتكم بس ام فيصل:لا ما ازعجتنــا من امس وهي نايمه خوالها كانوا يبون يلعبون معها لكنها ما صحيت سجى:شوي وتشوفينها صاحيه بس اصبري عليها ، اقول يمه وش صار على موضوع بدر ام فيصل:دقيت على ام شذى بس ماردت يمكن نايمين للحين سجى:كلمتي الوالد ام فيصل:ايه ووافق سجى:الله يتمم على خير عقبال مانفرح بفيصل ام فيصل:عاد فيصل راسه يابس لاهو راضي يتزوج و لا هو راضي يرجع شذى سجى:هو قالك ام فيصل:لا ما قالي بس هذا اللي اتوقعه لانه ما كلم ابوك في الموضوع سجى:الا وينه فيصل الحين؟؟ ام فيصل:طلع مدري وين راح؟؟ سجى:يممه كلميه وعقليه مثل ما اقنعنا بدر بالزواج نقدر نقنع فيصل يرجع شذى ام فيصل:الله يكون بالعون |
|
| |
|
2010-02-17, 10:55 PM
| #94 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | ام سلطان:وانت كيف ترضى انه ولدك يتزوج بدون ما يقولك ابو عبدالعزيز:بالطقاااق اللي يطقه انا متبرئ منه وما ابي اشووفه ام سلطان:بس انت لازم تمنعه من الزواج ابو عبدالعزيز:وانتي وش عليك منه سكتت ام سلطان لانه ماعندها مبرر للكلام اللي تقوله طلع سلطان من غرفته وما سلم على ابوه وامه واتجه للباب بيطلع ابو عبدالعزيز:وين رايح؟؟ سلطان:بطلع مع الشباب ابو عبدالعزيز:وين بتروحون؟؟ سلطان:وانا وش دراني ، نروح مكان مانروح ابو عبدالعزيز:ارجع غرفتك سلطان:ليــــــه؟؟ ابو عبدالعزيز:ما ابيك تطلع مع الدلووخ هذوول سلطان:ربعي مو دلوخ ابو عبدالعزيز:الا دلوخ وانت اكبر دلخ فيهم ، يالله روح لغرفتك ياللــــــــه ماافي طلعه ام سلطان:خله يطلع ويستانس صرخ فيها:قلت ما راح يطلع سلطان:مو بكيفك وطلع مسكت ام سلطان يد ابو عبدالعزيز وهو صرخ عليها:هذي تربيتك وراح ام سلطان:الله يهديك يا سلطااان وش سويت طلال:يالله عزوز صار لنــا 3 ساعات وحنا بالسوق ماتعبت عزوز:تعرف اني ما احب السوق بس لجل عين تكرم مدينه طلال:كل هذا عشان ريووم عزوز:ايه عشانها عندك مانع طلال:لا ماعندي سوي اللي تبيه عزوز:امش خلنا نجلس في الكوفي ونريح شووي طلال:ياخي شوف كم الساعه؟؟ما تلحق تروح وتضبط عمرك عشان تجي لبيتنا انت وخوالك عزوز:لسى بدري طلال:صاحي انت؟ عزوز:لا مجنون ههههههههه طلال:محد رافع لي ضغطي الا انت امشي خلني اوصلك للبيت عزوز:ما عليك انا مضبط كل شئ خلنا نجلس 10 دقايق ونروح طلال:اشوف آخرتها معاك جلس طلال يسولف مع عزوز ويحكيله عن ريما وعزوز ميت ضحك على سوالفهم شووي انقلب وجه عزوز وقام وهو معصب طلال:عزوز يابو االشبااااب وين رايح سلطااان:يا حلوو انت عطنا كلمة حلووة البنت:احترم نفسك الشباب:هههههههههه سلطان:شباب نروح وندور على غيرها الشباب:لا هذي حلووة سلطان:اجل وراها عزوز:ياللي ماتستحي ابوك رباك على كذا سلطان باستحقار:انت عزوز:ايه انا سلطان باستهزاء:خوالك طردوك من بيتهم؟؟ جاءت هالكلمة في الصميم وبدون سابق انذار جاءه كف على وجه سلطان انصدم الكل من ردة فعل عزوز اللي عمره ما مد يده على احد من اخوانه لكن سلطان استفزه وجاءت كلمته ع الجرح اللي للحين مابرئ حط سلطان يده عل خده وناظر عزوز بحقد وقهر وعزوز منزل راسه ع الارض سلطان:تضربني يا عزوز ، انت تمد يدك علي انا امي وابوي ما مدوا يدهم علي تقوم انت تمد يدك علي ظل عزوز ساكت ومصدوم من نفسه هجم سلطان عليه وبغى يضربه لكن طلال وقف في وجهه ومنعه واصحاب سلطان نفس الشئ مسكوه سلطان وهو يصرخ:صدقني بتندم ع الكف اللي عطيتني اياه وما راح اعديها لك كذا سحب طلال عزوز وراح للطاولة شال الاغراض وركبوا السيارة والصمت كان سيد الموقف ريما:يمه انا خايفة ام شذى تكلم شذى وسلمى ومو سامعه بنتها وش تقول شذى:كيف شكلها الحين؟ ناظرت ام شذى في ريما وقالت وهي تضحك عليها:مبين عليها خايفة وودها تصيح شذى و سلمى:هههههههههه هذي ريما القوية كيف تخااااف؟؟ ريما:ليه انا مو من النااااس؟؟ سلمى:الا انتي من الناااس بس ماظنيت انه عبدالعزيز راح يمتلك قلبك كذا ريما:اقول اسكتي لا اطقك سلمى:ههههههه ما تقدرين ، اقول تذكرين يوم كنا في البحر وقلت لك مبين عليه يحبك وخااق عندك قلتي لي وقلدت صوتها:مالقيت احب الا هذا سكتت ريما وناظرت امها فيها باستغراب وريما ماتت من الحياااااء شذى:شفيك سكتي يمه اوصفي لنا الوضع؟؟ ام شذى:واقفه وحاطه يدها على وجهها وخدودها حمر شذى وسلمى:هههههههههههههه ريما:مالت عليك انتي واياها اروح غرفتي احسن ام شذى:غيري ملابسك وجهزي نفسك من الحين ريما:اوكيشن سلمى:خالتي طلبتك قولي تم ام شذى:آمريني يابنتي سلمى:تكفين صوريها قبل ماتشوف عبدالعزيز وبعد ماتشوفه ابشوف شكلها كيف شذى بحماس:ايه ايه يمه تكفييييييين ام شذى:هههههههههه ما تجوزون عن هالحركات شذى:يمممممه تكفيييييين ام شذى:ان شاء الله طلال:عزوز انسى اللي صار اوكي عزوز:اذا انا نسيت سلطان ماراح ينسى تلقاه الحي راح لامه وقال لها عن كل شئ وهي طبعا ما راح تقصر بتروح وتقول للوالد او انها تدبر لي اي شئ عشان تنكد علي حياتي طلال يحاول يخفف عليه:مزاجك متعكر مرررة ، اقول شرايك تأجل الخطبة لبكره عزوز:لا مقدر خوالي مو فاضين وبعدين انا مقدر اصبر ابتسم طلال وقال:اجل يالله انزل وخذ اغراضك ورح تجهز بسرعه انتظرك في بيتنا يالله سلالالالالام نزل عزوز من السيارة واخذ اغراضه ودخل للبيت ضاري (خال عزوز) :اهلا اهلا وينك تاخرنا ع الجماااعه عزوز:اشوفك مستعجل كأنك انت اللي بتخطب مو انا ضاري:اقول اسكت لاتسمعك مرتي والله لاتذبحك وتذبحني عزوز:ههههههههههه خواااف مشاري(خال عزوز الكبير وهو اكبر من مشاري) :بسرعه ضبط امورك الحين ولا ترى بأهون وما بروح معك عزوز:لالالالا نص ساعه واكون عندك طلع عزوز بسرررعه وضاري يضحك عليه ويقول مايخوف هالولد غيرك مشاري:لازم ابين الشدة قدامه عشان يسمع الكلام دخل فيص للبيت وهو يصرخ بصوت عالي:بـــدر بـــــدر ام فيصل:خييير وش عندك تصارخ وتناديه كذا؟؟ فيصل بارتباك:لا بس كنت ابيه ضروري ام فيصل:خييير صاير شئ فيصل:لا مو صاير شئ وطلع بسرعه لغرفة بدر اللي كان نايم ام فيصل:اكيد فيه شئ فيصل:بديــــــر بدر قوووم بدر:خييييييييييييير وش فيه؟؟ فيصل:اصحى يا ولد بدر:توني طردت بنت اختك تقوم تجي انت وتقومني من نوم فيصل:بنت عمك ريمـــا انخطبت قام بدر من نومه وشال البطانيه وقال:تكـــــذب فصل:قسم بالله كنت اليوم مع عمي وهو قال لي بدر:.............. فيصل:وش بتسوي؟؟ بدر:الله يوفقها ورجع نام مرة ثانية فيصل:هييييي بدر بدر:شفييييييك؟؟ فيصل:وش ردة الفعل الغريبة هذي برد:وش تبيني اسوي يعني اصيييح ولا اذبح عمري عشانها دخلت ام فيصل للغرفة وقالت:فيصل ، بدر وش عندكم متجمعين؟؟ بدر:ريما بنت عمي انخطبت ام فيصل:متـــى؟؟!!!!!! بدر:مدري اسالي فيصل وغطى راسه بالبطانية فيصل:تعالي انا افهمك وخرج هو وامه برى الغرفة بدر وهو مغطي راسة بالبطانية:اففففففف وش ذا الحظ كل مابغيت وحده يا تتزوج او تنخطب آآآآهـ ابو نواف:طلاااااااال طلال:سم يبــــــه ابو نواف:اختك جهزت ولا لا؟؟ طلال:شووي وتخلص ابو نواف:طيب روح للمطبخ وجيب البخوور طلال:ان شاء الله دخل ابو نواف للمجلس وجلس ينتظر طلال ام شذى:هاااا يمه خلصتي ريما:ايه خلصت وش رايك بلبسي ام شذى:حلووو بس ليه لابسه قصير والمكياج كثير حلاتك بمكياج ناعم لانه يبي يشوفك على طبيعتك ريما:اصلا هو شافني وخلصنا ام شذى:وش قاعده تقولين؟ ريما بارتباك:يعني اغيره ام شذى:لا مافي وقت اصلا بس حاولي تخففيه ام سلطان بعصبية:عاجبك اللي سواه عبدالعزيز في ولدك ابو عبدالعزيز بكلم سلطان:وانت وش سويت حتى يطقك اخوك سلطان:هااااا ابو عبدالعزيز:من قال هااا سمع اقوول وش سويت؟؟ سلطان:ما سويت شئ كنت امشي مع الشباب في المجمع ابو عبدالعزيز:ايووه كمل سلطان:بس هذا اللي صار قام ابو عبدالعزيز وطنش كلام ولده وراح لغرفته ام سلطان تناديه:ابو عبدالعزيز ابو عبدالعزيز سلطان:شفتي يمه ابوي مايحبني قالت بقهر:ما عليك منه سلطان:انا ماراح اتركه لازم اردها له ام سلطان:لاتستعجل خني افكر لك بفكره حلوووة |
|
| |
|
2010-02-17, 10:55 PM
| #95 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | مشاري:هلا بك زود ابو نواف:تفضلوا دخلو الرجال للمجلس وطلال يناظر في عزوز اللي مبين عليه انه مستحي وقال في اذنه:اختي بتنهبل فيك يوم تشوفك ناظر عزوز فيه بنص عين وقال:دواك عندي بس مو الحين ابتسم طلال وطلع لريما اللي قاعده تخفف الميك آب صفر طلال بصوت عااااالي وقال:شو هيدا ، كل هذا عشان عزوز قالت بحياء:طلااااااال طلال:ههههههههه يالله عجلي بالمويه والعصير لخطيبك ريما:طلال ممكن تطلع برى وتخليني اخلص طلال:منيب طالع قربت ريما منه ودفته بفووة وقفلت الباااااب طلال:اففففف ولا واحد منهم راضي يسمع مني كلمة اذا هذي بدايتها بروح فيها انا ام شذى:بسم الله الرحمن الرحيم ، شفيك تتكلم لوحدك ، انهبلت طلال:لالا ما انهبلت بس شكلي قريب بنهبل مشاري:اظن انت عارف ليش جايين يا بو نواف ابتسم ابو نواف وهز راسه مشاري:مثل مانت شايف حنا جايين نخطب بنتك لولدنا عبدالعزيز واتمنى ما تردنا يابو نواف ابو نواف:حنا نشتري الرجاجيل يا مشاري ابتسم عزوز لخاله وفهم خاله قصده مشاري:بعد اذنك يابو نواف الولد يبي يشوف البنت واعتقد انه هذا من حقه ناظر ابو نواف في عزوز وقال:لازززم عزوز ببرائه:ايه الكل ضحك عليه وعلى شكله طلع ابو نواف من المجلس وراح ينادي ريما ضاري:عزوز تكفى لاتفشلنا قدام النااااس عزوز:انا افشل ضاري:ايه تفشل عزوز:افاا يالخال انا وش سويت مشاري:هههههههههه شوف شكلك وانت تعرف وقف عزوز ومشى باتجاه اقرب مرايه ضاري:وين رايح؟؟ عزوز:بشوف شكلي؟؟ ضاري ومشاري:والله انك خبل اقول تعال واجلس دخل طلال وقال انه ريما بتجي ومشار وضاري طلعوا من المجلس جلس عزوز وهو مرتبك طلال:اوصف لي شعورك عزوز:شعوري زي شعور اي واحد اشترى جوال جديد طلال:ههههههههههه وش هالوصف عزوز:اقووول اسكت بس دخلت ريما بهدوء وقالت بصوت واطئ:السلام عليكم عزوز:وعليكم السلام قدمت العصير لعزوز وجلست جنب ابوها طلال دق عزوز وقال:هااا وش رايك؟؟ عزوز:اقول تسكت ولا شلون؟؟ طلال:خلاص بسكت ناظر عزوز في ريما اللي كانت لابسه تنورة لنص الساق سوداء وفيها كسرات وفي النهاية على الجنب فراشات صغيرة لونها فوشي وبلوزة دانتيل اسود وبروش فوشي يلمع وصندل وانتم بكرامه اسود فيه فصوص فوشي والميك آب خفيف شدو فوشي وجلوس يلمع وكحل اسود داخل العين كان ناعم وحلووو عزوز:كيف حالك يا ريما؟ ردت بخوف:بـ ـخـ ــيـ ــر طلال:اساليه كيفك وش اخبارك؟؟ليه ساكته؟؟ ناظرت ريما في طلال بتوعد وهي تقول في نفسها هين يا طلال انا اوريك شاف عزوز نظرة التوعد في عيون ريما وضحك طلال:سلاماااااات وش فيك تضحك عزوز:اقول ليش ما تطلع من هنا طلال:عشان يفضى لك الجو مع حبيبة القلب ابو نواف:طلاااااال سكت طلال وريما وعزو ميتين ضحك عليه بس ما بينوا قامت ريما وقالت:عن اذنكم عزوز:ويـــن ويــــن لسى مـــــــــا وسكت ناظرت ريما فيه بابتسامه خلته ينسى الكلام طلال:لسى ايــه كمل طلعت ريما وهي تركض والابتسامه شاقه وجهها وعلى طووول راحت وضمت امها ام شذى:اكيـد عجبك ريما:يجنن يا يمه يجنن اسلوبه وكلامه وضحكته كل شئ فيه حلووو ام شذى:الله يوفقك يااااااارب ريما:آآآميييييين انا بطلع اكلم شذى ام شذى:تعااااالي تعااااالي واخذت الكاااميرا من الطاولة وصورتها ريما:وشـولـــه صورتيني مررة ثانية ام شذى:شذى وسلمى طلبوا مني صورة قبل ما تدخلين ع الرجال وبعد ما تشوفينه ريما بقلق:لايكون ارسلتيها لهم ام شذى:ههههههههه ايه ارسلتها ريما:حراااااااام عليك يمه الحين تلاقينهم فاطسين ضحك علي ام شذى:عادي مافيها شئ راحت ريما غرفتها وهي مقهورة من شذى وسلمى رجع عزوز للبيت ودخل غرفته وهو مبسوط وصورة ريما ما فارقت خياله انسدح ع السرير وظل يفكر دخل عليه خاله ضاري وقال:عزوز وش قاعد تفكر فيه عزوز:في حبيبتي ضاري:هههههههههه على طوول سميتها حبيبتك عزوز:ايه حبيبتي ضاري:اقوول خلي التفكير بعدين وتعااال اسمر معي لايفوتك فلم حلو في mbc max عزوز:مابي ضاري:والله فلم حلووو لايفوتك فلم هندي اسمه جودا اكبر مترجم بالعربية عزوز:احلللللللللللللف ضاري:والله قام عزوز بسرعه وراح مع ضاري (يمكن مستغربين كيف شاب يكلم خاله كذا ،الفرق بين عزوز وضاري مو كثير تقريبــا اقل من 7 سنوات عشان كذا ضاري يحب يمزح معه ويستهبل على راسه ) مرت الايام والاسابيع وكل يوم يمر يزيد حب عزوز في قلب ريما طلال:ريماااا عزوز يسلم عليك ريما:سلم عليه طلال:وهي بعد تسلم عليك عزوز:قل لها وحشتيني قال طلال بطفش:ياخي تراك مللتني كل يوم سلم على ريما ، قل وحشتيني ، ومدري وشو ريما تناظر في طلال وتضحك عليه وقالت:هذول الناس اللي يقدروا ريما مو مثلك طلال:لا الحين عزوز احسن مني ريما:يـب طلال:ياخي انت سحرت اختي ولا وشو؟؟ عزوز:هههههههههههه ليش وش قالت لك؟؟ طلال:تقول انه انت احسن مني عزوز:وهي صادقه انا احسن منكك طلال:تدري انا غلطان اني اكلمك الحييين عزوز:اقول يالنسيب ولا تزعل ماراح اكلمك لين تحن لخويك وتدق عليه طلال:ايه كذا ازين يالله سلالالالالام عزوز:هههههههه مع السلامه جاءت سيارة الاسعاف ونقلت ابو نواف للمستشفى ودخلوه غرة العناية المركزة الدكتور المسؤول:خذوا معلوماته واتصلوا على اهله ضروري يجون لانه حالته الصحية خطـرة جدا راحت الممرضة واخذت معلوماته ودقت على تلفون البيت الممرضة:السلام عليكم طلال:وعليكم السلام الممرضة:هذا بيت محمد الـ......... قال طلال بخوف:ايه هذا بيته الممرضة:ياليت تجون بسرعه لانه في غرفة العناية المركزة بمستشفى ......... التخصصي وحالته خطرة جدا لازم تجون بسرعه وقفلت طاحت السماعه من يد طلال وظل واقف مو عارف وش يسوي؟؟ ام شذى:من المتصل؟ ناظر طلال بصدمه في امه كيف بيقولها الخبر ام شذى:طلاااااااال وش فيك؟؟ طلال:ابووي في المستشفى ام شذى:في المستشفى؟!!! ليـــــــــــــــه وش فيه؟؟ طلال:مدرررري مــــدرررري ام شذى:بسرررعه خلنا نروح ونشوف وش فيه طلال:مقدر اسوووق ام شذى:كلم السواااق يجي بسسسرعه وطلعت وهي تبكي وشالت عبايتها شافتها ريما وسألتها لكن امها ماردت عليها من زود الخووف اللي فيها اخذت ريما عبايتها ونزلت هي وبندر ورى امها وركبوا السيارة مع امهم وريما وبندر يسألون وطلال ساكت وامهم تبكي ريما بعصبية:طلالالالالال رد علي وش صااااير طلال:ابوي في العناية المركزة ريما وبندر:ابوووووي؟!!!! فيصل:سلمى عطيني نواف سلمى:فيصل وش فيه صوتك؟ فيصل:نواف قريب منك ولا لا؟ سلمى:ايه ، نواف خذ كلم فيصل نواف:افففف وش يبي؟ سلمى:مدري خذ وكلمه نواف:نعممم فيصل:نواف لازم ترجع للسعودية في اقرب فرصة ممكنة نواف:وشـووو ؟!! فيصل"ابوك في المستشفى والدكاترة قالوا لازم عياله يكونون موجودين لانه حالته خطييرة ناظر نواف في سلمى بتعجب وقال:الليله بكون عندكم سلمى:خييييير مسك نواف راسه وقال:ابوووي في المستشفى يقولون حالته خطيرة سمعت شذى اخر جملتين وطاحت الصحون من يدها وراحت ركض لنواف ودموعها بدات تنزل شذى:نواف الوالد وش فيه؟؟ نواف:ان شاء الله مافيه الا العافيه شذى:نوااااف لاتكذب علي ابووي فيه شئ قال بتوتر:مافيه شئ قومي جهزي اغراضك بنسافر اليوم بسرعه راحت شذى وجمعت اغراضها بسرعه ونواف وسلمى نفس الشئ وصلت عيلة ابو فيصل للمستشفى وراحت ام فيصل عند ام شذى وجلست عندها عشان تهديها ام شذى:ما كان فيه شئ يوم طلع من البيت ام فيصل:هدي نفسك يا ام شذى مايصير اللي قاعده تسويه شوفي عيالك كيف يبكون لازم تمسكي نفسك عشان عيالك بعد ساعااات من السفر وصل نواف ومعه شذى وسلمى للمستشفى نواف:ابشووف ابوي ابو فيصل:مانعين عنه الزيارة الحين شذى:عمي الله يخليك كلمهم ابشوف ابووي ابو فيصل:يابنتي مقدر حاولت فيهم بس مارضوا جاء الدكتور وكلمهم عشان يرجعوا للبيت لانه جلستهم مامنها فايدة رجع الكل للبيت واليوم الثاني في الصباح الكل تواجد في المستشفى نواف:دكتوور نقدر نشوف الوالد الحين الدكتور:وضعه ما يسمح لكن بدخلك انت بس نواف:مشكووور يا دكتوور دخل نواف للغرفة وشاف الاجهزة على ابوه اللي نايم ومو حاس بشئ قرب منه وباس على راسه وعلى يده ومسك ايدين ابوه وجلس يدعي ربه انه يشفيه ويقومه بالسلامه فتح ابو نواف عيونه وصار يناظر يمين ويسار وقال بهدوء:نواااف نواف:هلا يبه شلونك عشاك طيب؟؟ هز بو نواف راسه بصعوبه وقال:وين امك واخوانك؟؟ نواف:كلهم ينتظرونك تقوم بالسلامه وترجع لهم احسن من اوول ابو نواف:نادهم كلهم واذا عمك موجود خله يدخل نواف:ان شاء الله طلع نواف برى ام شذى:هااا بشر يا وليدي؟؟ نواف:ابوي يبيكم كلكم تدخلون ريما:يالله بسرعه قبل مايجي الدكتور دخلوا كلهم للغرفة والبنات ركضوا عند ابوهم وسلموا عليه وجلسوا يصيحون ابو نواف:خلاص يا بنات هذاني قدامكم مافيني الا العافية ام شذى:تحس بشئ يابو نواف ابو نواف:الم بسيط فيصل:ان شاء الله تقوم بالسلامه ياعمي ابو نواف:ان شاء الله يا ولدي ابو فيصل:شد حيلك يا اخوي واطلع من هنا ابو نواف:ماظنتي برجع مرة ثانية لبيتي الكل:بسم الله عليك ابو نواف:الموت حق ومصير كل انسان الموووت ريما:يبــه لاتقول كذا الله يخليك ابو نواف:ابو فيصل ابوصيك على عيالي مالهم بعد الله غيرك ابيك تكون مسوؤل عنهم في كل شئ ابو فيصل:عيالك هم عيالي وبحطهم في عيوني بندر:يبــه لاتقول هالكلام ان شاء الله بترجع لنـــا ابو نواف:يايبه خلني اكمل ، نواف نواف:ســم يبــه ابو نواف:لا اوصيك على امك زورها دايم ولا تقطعها واخوانك خلهم تحت عينك دائما نواف والدمعه في عينه:مايصير خاطرك الا طيب ابو نواف:ريما ، طلال ، بندر لاتعبون امكم واخوكم نواف وكملوا دراستكم ابي الناس يقولون بو نواف مااات وخلف عيال ينشد بهم الظهر ريما وهي تبكي:ان شاء الله بتشوفني بالشهادة طلال وبندر:ماراح يخيب ظنك فينا يالغالي ابو نواف:نوره ام شذى:لبيــــــه ابو نواف بابتسامه:ان شاء الله انك مو شايله بقلبك علي واتمن تسامحيني اذا غلطت عليك في يوم ام شذى:مسامحتك يالغالي مسامحتك ابو نواف:شـــذى شذى بصياح:نـ ــعـ ـــم ابو نواف:يابنتي فيصل طلب يدك مرة ثانية وما ابيك ترديه وافقي عليه شذى:يبــه مو وقت هالكلام ابو نواف:اذا تبين راحتي وافقي سكتت شذى وماردت على ابوها ابو نواف:شقلتي يابنتي ناظرت شذى في امها وفي نواف اللي هزوا روؤسهم بالموافقه ابو نواف:يابنتي انا واخوانك مو دايمين لك وافقي ناظرت شذى في فيصل اللي كان منزل راسه ومبين عليه الخوف والحزن في نفس الوقت شذى:موافقه ناظر فيصل فيها وهي ما عبرته ولا قالت شئ ابو نواف:ريحتي قلبي ، وانت يافيصل لاتضيع شذى من يدك وحافظ عليها وخلها في عيونك تراها غاليه علينـــا فيصل:بحطها في عيوني دخل الدكتور وطلعهم من الغرفة وجلسوا كلهم برى الغرفة نواف:دكتور الدكتور:نعم نواف:دكتور ابوي وش فيه؟؟ الدكتور:تفضل معي ع المكتب راح نواف للمكتب وهو خايف الدكتور:تفضل فتح الدكتور الملف وجلس يدور بين الاوراق ونواف يناظر فيه الدكتور:الفحوصات تثبت انه ابوك مصاب بسرطان في الكبد غير كذا ابوك جاءته صدمه عصبية نواف:سرطاااااااااااااااان ؟!!! الدكتور:ان شاء الله نقدر نسيطر ع الوضع مع انه حالة ابوك متأخرة جدا والمرض انتشر في الكبدر كلها وما بقى الا جزء بسيط ما اصاب نواف:يعني ابووي بيموووت الدكتور:استهدي بالله يا اخوي والله سبحانه يقول((قل لن يصيبنا الا ماكتبه الله لنــا)) خل املك بالله عز وجل كبير وقف نواف وهو مصدوم وسلم ع الدكتور وطلع وهو يمسح دموعه ويحاول يسترجع القوة اللي فر داخله نواف:يالله يا جماااعه لازم نرجع للبيت ام شذى:ومن بيجلس مع ابوك نواف:انا بجلس هنا شذى وريما:حنا بنجلس نواف:انتم بنات مقدر اخليكم هنا ، فيصل فيصل:هلا نواف:تكفى وصلهم للبيت |
|
| |
|
| مواقع النشر (المفضلة) |
| الكلمات الدلالية (Tags) |
| الاولى, رواية, روايتي, زمانك, والله, واحشني |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه للموضوع: رواية والله واحشني زمانك / روايتي الاولى | ||||
| الموضوع | كاتب الموضوع | المنتدى | مشاركات | آخر مشاركة |
| والله مايسوى | شغف بإحساس | الصوتيات والمرئيات والأناشيد والمحاضرات | 8 | 2009-09-24 07:41 PM |
| غرك زمانك لكن الوقت خدّاع | همس المحبة | الشعر وأبيات القصيد | 8 | 2009-07-31 10:29 PM |
| والله لعب في حسبتهم صح | همس المحبة | صور | 10 | 2009-07-25 09:29 PM |
| ترى والله ازعل | joj0o | اصدقاء الشرقية | 25 | 2009-03-05 03:41 PM |
| """" كيف تكوني جذااابهـ من النظرة الاولى """" | الجود | الازياء الجمال | 9 | 2009-02-07 08:48 PM |
Sitemap
الساعة الآن 03:33 AM. 
Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::
 |  |
العرض العادي
