| | |
لاشتراك فى مجموعة قروب خليجيات
فى صندوق التسجيل ضع أميلك بشكل صحيح ثم اضغط على اشتراك
| |||||||
 |
| | LinkBack | أدوات الموضوع | إبحث في الموضوع | انواع عرض الموضوع |
2010-06-10, 10:15 AM
| #146 (permalink) |
| roh hyome  تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091   |  فيصل:مسفر موجود صالح:لا فجأة جاء مسفر وقفل صالح الباااب بسرعه ودخل ركض عند اخته وهو خااااااااااايف دلال:شفيك خايف كذا؟ صالح:مسفر جااء دلال:طيب صالح:وفيصل برى عند الباب دلال:يا ويلي مسفر:نعم وش جايبك هنااا؟ ابووي مات وانتهينا من موضوعه ، عندك شئ الحين؟ فيصل بتعجب:انت ماتستحي على وجهك مسفر بصوت عالي:اسمع ان شفتك جيت عند باب بيتنا حشيت رجولك حش تفهم ولا لااا؟ مسكه فيصل من بلوزته ورفعه وقال:مو انت اللي تهددني يا حششششرة ورماه ع الارض ومشى دخل مسفر للبيت وهو معصب وقال بصراااخ:صاااااااااااااالح ليش فتحت الباااب للي مايتسمى؟؟ صالح:.................... مسفر:رد علي يالثووور صالح:.................... قرب مسفر منه وكان بيضربه بس دلال وقفت بوجهه وقالت:اتركه يامسفر مسفر:اهلا اهلا ست دلال من متى توقفين بوجهي؟؟ دلال:انت ليش تعاملنا كذا؟؟ مسفر:كيفي وبعدين تعالي فيصل وشعنده هنااا هاااااااا؟؟ دلال:.................. مسفر بصرااخ:شعنــــــــــده؟؟ دلال:.................. مسكها من شعرها وقال:رددددي علي فيصل وش جاي يسوي هناا ، وش اللي بينك وبينه هاااا قووولي؟؟ دلال:مابيني وبينه شئ مسفر:اسمعي اليوم بيجي الرجال ويملك عليك ويأخذك معه وان رفضتي راح اذبحك فاهمة؟؟ ورماها ع الارض وهي تبكي مسفر:تفووو عليك وطلع من البيت وجلست تبكي واخوها صالح يناظر فيها ماعرف وش يسوي لها دلال ببكاء:صااالح شيل اغراضك بسرعه صالح:لييييه؟!!! دلال:بنطلع من البيت قبل مايجي مسفر صالح:ووين بنروح حنا مالنا احد؟؟ دلال:مدري مدري بس شيل اغراضك وخلنا نطلع من هنا ظل فيصل في السيارة يفكر في دلال ونسي يرجع لبيت ابووه ، تذكر شذى وشغل السيارة بسرعه وكان بيحرك وشاف صالح ومعه دلال وفي يدهم شنطتين صغااار نزل بسرعه وراح عندهم فيصل:وين رايحين؟؟!!!!!!!!! دلال بحزن:بننحااش من البيت فيصل:وين بتروحون؟ دلال:مدري فيصل:كيف ماتدرين؟عندكم احد هناا دلال:لا فيصل:طيب تعالوا معي دلال:لا مانبي نتعبك معنا اخذ الشنطة بالقووة من يدها ومن يد صالح وقال:تعالوا وراي ركبوا السيارة معاه ومشوا في البيت شذى مشغول بالها ومو معاهم ابدااا انتصار:البنت مو معانا ابدااااا سلمى:ايه ملاحظة كل هذا حب ما اصدق ام فيصل:انتوا شفيكم؟؟ سلمى:سلامتك يممه مافينا شئ ام فيصل:شذى شذى:................ انتصار:ماهي حولك ياخاله ام فيصل:شــذى شــــــــــذى شذى:نعم خالتي ام فيصل:فيك شئ يابنيتي شذى:لا بس مشغول بالي على فيصل ام فيصل:اهااا ، على فكرة امك كلمتني وقالت بكرة بنتجمع عندها في البيت بتسوي لك حفلة قبل ماتسافرون انتي وفيصل شذى:اكلم فيصل واشووف وقف سيارته قدام الفيلا وقال:ياللــــه انزلوا دلال:هذا بيت من؟ فيصل:بيتي انا قالت بخوف:وليش جايبنا هنا مو لانه ماعندي احد تستغل ضعفي لمصالحك الشخصية فيصل:احلف لك باللـــه اني ماراح اسوي لك شئ دلال:وانا وش يضمني؟؟ فيصل:من حلف بالله صدقووه دلال:................. فيصل:مابتنزلوا انا بخليكم اليوم في الملحق ومن بكره بدور لكم على سكن خاص فيكم نزلت دلال وصالح من السيارة ودخلوا للفيلا وهم خايفين فتح فيصل باب الملحق وعطاهم المفتاح وقال:اذا احتجتوا اي شئ هذا التلفون اضغطوا رقم واحد والخدامه بتجيكم دلال:مدري كيف اشكرك فيصل:هذا واجبي تجاه اختي يالله تصبحون على خير رن جوال فيصل ورد عليه بهيااام:هلا حبيبتي ، هلا بدنيتي كلها هلا بهالصووت وبراعيته شذى:ايه مبين فيصل:ههههههه آسف تأخرت عليك الحين بجي واخذك بعد ربع ساعه دخل فيصل لبيت ابوه وشاف اخواته وامه وابوه وبدر وسلم عليهم كلهم وقال:اشوفكم متجمعين اليوم كل هذا عشاني انا وشوشو سجى:انا جيت عشان شذى ووووبس ابو فيصل:يعني ماجيتي عشان تسلمي عليناا ومسكها من اذنها سجى:ايي اييييي اذني الكل:ههههههههههههههههههههههه ربى:جدووو ماما زعلتك ابو فيصل:ايه زعلتني ربى:عيييب يا ماما تزعلي جدووو سجى:شووفوا البنت ابو فيصل:ههههههههههههه جلس فيصل جنب شذى وهمس لها:تعشيتي؟ شذى:لا فيصل:طيب شرايك نتعشى برى؟ شذى:لا خلينا هنا احسن فيصل:براحتك بدر:فيصل فيصل:هلا بدر:سمعت انك ابدعت امس في زواجك وعملت اكشن شاللي صار بالضبط؟ ابو فيصل:انت وجهك مغسووول بمرق ، من وين جاتك هالجرأة هااااااا؟ فيصل:يناظر في بدر لووم وبدر ماسك الضحكة هو والبنات احتراما لابو فيصل انتهــــــــــــــى  |
|  |
|
2010-06-22, 08:58 AM
| #147 (permalink) |
| ربي سألتك جنةعرض الفضاء()  تاريخ التسجيل: Jun 2009
المشاركات: 5,456
معدل تقييم المستوى: 744 | ابي اكملها وش بيصير ع دلال واخوها .. بعدين معليش دلال ماعرفت من هي لاني انقطعت فترة عن القراءة ونسيت >>عشان تعب امي .. وليش الرواية ماتتثبت لانه تختفي بين الروايات الثانية .. ولان كاتبتها عضوة هنا المفروض انها تتثبت لين تكمل .. وبصراحة أتعب وانا اطلعها بين الصفحات ابيها واضحة .. والرواية تستحق بعد التثبيت .. أتمنى تثبيتها..  اللهم احفظ المسلمين من بين أيديهم ومن خلفهم وعن أيمانهم وعن شمائلهم ومن فوقهم ومن تحتهم اللهم لاتمتني حتى أرى نصر المسلمين وعزهم |
|
| |
|
2010-06-23, 09:27 PM
| #148 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | طيب دحين اشرح لك من تكوون دلال دلال هذي تصير بنت زميل فيصل اللي في الدوام ولاتقولي من فيصل كماااان هههههههههههه فيصل هذا ولد عم شذى << يا حلووي وانا اشرح هع هع فهمتي دحييين << احس اني مدرسة خخخ سلملم وانتظري نهاية القصة يالغالية باذن الله انزلها بكره او بعده |
|
| |
|
2010-06-24, 12:18 PM
| #149 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | واخيرا خلصت وهـ بث مابغيت اليوم الثاني طلع فيصل في الصباح يدور على شقة مناسبة لدلال واخوها بس للاسف مالقى لان الدنيـــا اجااازة والشقق ملياااانه مسافرين في الملحق صالح:دلال:لمتى بنقعد هنا؟ دلال:مدري يا اخوي صالح:اكيد مسفر يدور علينا دلال:ياخوي يلقانا وينفذ اللي في راسه صالح:ياليتني كبير ع الاقل اقدر احميك واحمي نفسه منه دلال:الله يخليك لي يا اخوي في بيت ابو نواف اللـــه يرحمه ام شذى:ريماا خلصتي من المطبخ؟؟ ريما:ايييييه يمه خلصت ام شذى:طلال اكدت ع الحجز طلال:يــس مااام ريما:يا شين السرج ع البقر طلال:شرايك بكف يعدل لك وجهك ريما:ماتقدر طلال باستغراب:ومن اللي يقدر يمنعني ؟ ريما:عزوزي طلاي يقلدها:عزوزي ، اقوول لاتنسي انه صديقي ريما:مانسيت ولا راح انسى نزل نواف من غرفته وهو يقول:ياللـــــــــــــه صبااح خير شعندكم من الصباح تتهاوشون ريما بدلع:اخووك مسود لي عيشتي نواف:طلووول شمسوي لريوومه؟ طلال:كذبت عليك بكلمتين وانت صدقتها مسكها نواف وقال:تكذبين هاااااا؟ ريما:سووووري نواف:هههههههههه ريما:مو عوايدك تقووم بدري نواف:فيصل دق علي مدري وش يبي بروح انتظره برى ريما:اذا رحت عند شذى سلملي عليها نواف:ان شاء الله ياللــه سلااااااااام ريما وطلال:مع السلامه في المساء جهزت شذى نفسها ولبست تنورة جينز قصيرة تحت الركبة وبلوزة تركواز عليها نقش خفيف وتركت شعرها وفتوح وحطت ميك آب ناعم واخذت عبايتها ونزلت اما فيصل لبس بنطلون جينز ابيض وبلوزة بيضاء وفوقه جاكيت ابيض شكله طلع شكلها جناااااااان وحط جل في شعره وتعطر ونزل شافها واقفه في نص الصالة والعباية في يدها انبهر بشكلها وقال:واااااااو وااااااااو وااااااااو شذى:يللـه تأخرنا فيصل:اقول حبي شذى:قوول قرب منها وقال:ايام الملكة لسانك وش طول ويقطر عسسسسل والحين كل شئ تغييييير ليش ياقلبي؟ليه تعذبيني؟سمعيني كلمة حلووة تشفي غليلي شذى:.................... فيصل:ناظري فيني رفعت راسها وطاحت عينها في عينه وقالت:هلا فيصل:تحبيني؟ شذى:اييه فيصل:طيب ليش متغيرة علي ولا مستحية مني؟ نزلت راسها وهو ابتسم وقال:ان شاء الله يومين ووتعودين علي واعطاها بووسة على خدها وقال:الحقيني ع السيارة لبست عبايتها وطلعت للحديقة وسمعت صوت حركة خفيفة في الملحق كانت بتروح لكن فيصل جالس يدق بوري السيارة رمت الغطوة على وجهها وطلعت بسرعه في بيت ابو نواف الكل اجتمع البنات جالسين في الصالة والشباب في الحديقة ابو فيصل:يعني بدل ماتجلسون وتتكلمون مثل الرجاجيل جايبين لي هالبلا وقعدين تلعبون بندر:ايه ياعمي هاوشهم عشان مايأخذون اغراضي مرة ثانية طلال:احلللف بس ابو فيصل:يعني على بالك انت بعد انك بزر الشباب:هههههههههههههههههه ابو فيصل:ايه اضحكوا على خبالكم وينه فيصل يجي ويعلمكم علوم الرجاجيل نواف:عمي لاتضيق صدرك شرايك اجيب ورق ونجلس نلعب كلنا الشباب عجبتهم الفكرة لكن عمهم رفض طلال يهمس لبدر:شفيه عمي اليوم متضايق؟ بدر:من وفاة عمي الله يرحمه وهو على ذا الحال وانت عارف كانوا مايفترقون عن بعض طلال:اهااا ، طيب ورى ماعزمت معارف ابوك هنا بدر:هو بيتي عشان اعزم اقول دق على عزوز وخله يجي مع ابوه طلال:ايه والله جبتها ابو فيصل:شعندكم تتساسرون نواف:اكييييد يحشون فينـــا بدر:يازينك ساكت بس دخل فيصل وسلم عليهم الشباب:هلا وعليكم السلاااااام ابو فيصل:هلا بوليدي حيااااك ناظر فيصل في ابوه وفي الشباب باستغراب بدر:جيت والله جابك الوالد من اول يسأل عنك فيصل:سم يبــه ابو فيصل:سم الله عدوك تراني مليييت من هالبزران اللي جالسين عندي فيصل:ههههه ليه؟؟ ابو فيصل:الحين فيه احد يترك سوالف الرجاجيل ويلعب بلاي ستيشن فيصل:هههههه عادي يبه مافيها شئ الشباب:ههههههههههههههههههههههههههههه ابو فيصل:اثرك بزر مثلهم نواف:عمي تكفى خلنـــا نفلها الليلة واذا تبي بعلمك كييف تلعب عند البنات:سلمى:ياهو شهالبس وش ها لكشخه؟ ريما:اصلا شذو حبيبتي من زمان تلبس ملابس حلوه يعني توك تشوفين سلمى : ادري بس الحين ملابسها احلى من اول انتصار:اشك انه فيصل داخ قبل ما تجون شذى:هاهاها انتصار شفيك تضحكين من دون نفس شذى :ما فيني شي وين امي؟ ريما:في المجلس مع خالتي ام فيصل شذى:عن اذنكم سلمى :ريما شفيها اختك؟ ريما:علمي علمك انتصار:اكيد فيه شي بينها وبين فيصل جاءت سجى من المطبخ ومعها القهوة و قالت:وانتم ما عندكم غير المحشه في خلق الله سلمى: وانتي وش دخلك ما تكلمنا عليك انتصار: اتركيك منها واسمعي شصار وقالت لها الشي الي صار سجى:طيب مو شرط يكون بينهم شي يمكن تعبانه انتصار:تعبانه من ايش؟؟ سجى: يمكن حامل سلمى: حرام عليك حامل ومن ثاني يوم!! انتصار:صح يمكن؟؟ ريما: هيا شوف الثانية سجى:شفيكم مو مصدقين يعني فيه حريم من ثاني يوم زواج ترى عادي ريما: اسسس جاءت شذى شذى:هااااي سجوووي سجى:هلا والله بحرم فيصل شذى: وين ربى و عبد الرحمن؟؟ سجى: نايمين في غرفة ريوم شذى: ياحبي لهم انتصار: ريوم ليه ما دقيتي على بنات خالك؟ ريما: دقيت على لموي ماترد ومنال مسافره مع زوجها لدبي انتصار:اهاااا |
|
| |
|
2010-06-24, 12:19 PM
| #150 (permalink) |
| roh hyome تاريخ التسجيل: Oct 2008 الدولة: جداوية عايشة في الاحساء العمر: 30
المشاركات: 8,858
معدل تقييم المستوى: 1091 | نواف:وووووووين؟ فيصل:بروح عند زوجتي نواف:وانت ماتمل منها؟؟ فيصل :لا ولا راح امل واخذ الورق معه ودخل فيصل:احم احم السلام عليكم سجى:هذا صوت فيصل تغطوا البنات وهو دخل سلم على خواته وجلس في الارض وحط قدامه الاوراق وناظر في شذى وقال:تلعبين؟؟ البنات:ههههههههههههه دخل نواف ووراه الشباب، بدر وش قاعد تسوي؟ فيصل: مليت من اللعب معكم قلت العب مع زوجتي نواف: يا خاين طلال :طيب وش رايكم نلعب مع بعض؟؟ فيصل: لا والله ريما: والله اللعبه بتكون حلوه بدر :انا اغار على زوجتي نواف: وانا بعد فيصل: وانا بعد ريما وطلال:يعني بنسرقهم حنا الكل:ههههههههههه فيصل: انقلعو برى وخلوني العب معها نواف:منيب طالع شذى: فيصل انا ماراح العب ناظرت سجى في سلمى وقالوا هم الثنتين:حنا نلعب معك فيصل:اجل تعالوا بدر: وانا بلعب نواف: وحنا بنقعد نتفرج عليكم فيصل:تبغى تلعب تعال شوف زوجتك جالسه فيصل: انا وسجى و نواف انت مع سلمى بدر: وانا فيصل:دبر نفسك بدر: نونو تعالي طلال:هيي حتى انا بلعب ريوم تعالي معي ، يالله وخروا لي مكان بداو يلعبون ويضحكون وشذى تناظر فيهم كلهم ، يا ربي ليه الكل مبسوط الى انا ..؟ ، اآآآآآآآآآآهـ ياقلبي مكتوب عليك العنى طول حياتك ام فيصل:وهـ ياقلبي انتم وش جايبكم هنا؟ طلال :نلعب ام شذى:اطلعوا برى ولا ترى بقول لعمكم نواف:يمه تكفين دقايق ونطلع ام شذى :عندكم خمس دقايق ان ما طلعتو بناديه فيصل: يالله بسرعه نخلص لعب ونطلع انتصار تناظر في بدر وتغمز له وهو مو معاها ، وشافتهم سلمى وقالت بسرعه  مجد) ورمت الاوراق بسرعهانتصار:شفيك ما تناظر فيني من اول اغمز لك بدر:والله ما انتبهت نواف:فديتك انا ، فيصل سجل عندك عشر نقاط مقابل لاشي للكل سجى: لا والله غش انا وفيصل عندنا ثمان نقاط دخل ابو فيصل وشافهم جالسين وقال:يا قليلين الحياء وشال العقال من راسه والشباب طلعوا من الصاله وراحو للحديقه وهم يضحكون والبنات تسدحوا من الضحك عليهم دخل عبد العزيز ووراه ابوه واخوه نايف ومرت ابوه وشافوا العيال في الحديقه يضحكوا عزوز:لاحول ولا قوه الى بالله الظاهر انا في مستشفى مجانين والله اعلم ابو عبد العزيز:عيب يا ولد نواف وهو يضحك:هلا هلا عمي تفضل ابو عبد العزيز: وين عمك؟ نواف:دخل جوه فيصل :بدر روح ناديه بدر:بايع عمري انا؟ روح انت فيصل:لالا عزوز:شفيكم؟ طلال: والله انكم جبناء بدر:اخسس يالقوي طيب روح انت طلال : بروح اجل بوقف هنا ، دخل طلال وراح للمجلس وشاف عمه جالس ع الكرسي ومسند راسه عليه طلال:عمي ابو عبد العزيز وصل ابو فيصل:خله يتفضل طلع طلال وهو رافع راسه ونافخ صدره وقال: تفضل يا عمي عزوز:شفيك نافخ صدرك تقول اسبايدر مان واقف قدامي الشباب:هههههههههه طلال: شفيك انت انا انقذت مستقبل الشباب هذول عزوز:ايييه هييييييييين بعد كم يوم نزل فيصل من البيت في الصباح وراح يتاكد من الحجز لانه بيسافر مع شذى شهر العسل نزلت شذى الملحق ودقت الباب خافت دلال في البدايه وما ردت ، جاءت الخدامه لعند شذى الخدامه: مدام بدك شي شذى:لا بس ابفتح الباب الخدامه:بس الاستاذ فيصل ما بيخلي حدى يجي لهون شذى:ليش؟ الخدامه:ما بعرف شذى: عندك مفتاح الملحق؟ الخدامه:لا شذى:ابغى الباب هذا ينفتح باي طريقه الخدامه:ليش؟ شذى:مو شغلك ابغى الباب ينفتح باي طريقه فاهمه الخدامه:حاضر ومشت شذى: وين رايحه؟ الخدامه:بدي روح واجيب معي اي شي لا افتح الباب شذى:طيب بسرعه الخدامه:حاضر في الغرفه دلال كانت خايفه مره والي زاد خوفها انه اخوها مو معاها راح للسوق فيصل: وش تقولي؟ الخدامه:مثل ما سمعت يا استاذ فيصل: وانتي فتحتي الباب؟ الخدامه:لا فيصل:اوكي دقايق وبكون في البيت حاولي تشغليها باي شي الخدامه:حاضر استاذ شذى: وين راحت هاذي؟ الخدامه: مالقيت شي حتى افتح فيه الباب شذى:تعالي وكسري الباب برجلك الخدامه:شوووو؟ شذى:اظن سمعتي وش قلت الخدامه:مابقدر شذى:اقولك تعالي وكسريه برجلك الخدامه:انتي ليش عم تعملي هيك؟ شذى:مو شغلك انتي جايه هنا عشان تخدميني وبس مو عشان تجلسي وتحطي رجل على رجل الخدامه:--------- شذى:يالله بسرعه تعالي واكسري الباب قبل لا اكسر راسك الخدامه:مابقدر شذى:قربت شذى منها ومسكت شعرها وقالت: قلتلك تكسريه يعني تكسريه صاحت وقالت :والله ما بقدر اكسره دخل فيصل للبيت وشاف شذى ماسكه شعر الخدامه فيصل:شذى وش هذا؟ليش ماسكتها كذا؟ ردت بعصبيه:مو شغلك فييصل بعصبيه:شذى شفيكي انتي انجنيتي؟اتركيها قالت والدموع بدت تنزل :انجنيت يوم تزوجتك انجنيت لمن رجعت وحبيتك من جديد فيصل باستغراب:شهالكلام يا شذى شذى:تكفى لا تمثل دور البرىء يا الخاين خلاص كفايه يا فيصل انا كشفتك على حقيقتك روح لحبيبتك انا ما راح امنعك وراحت وهي تركض لحقها فيصل و عطاها كف خلاها تطيح على الارض من قوته ناظرت شذى فيه وهي ماسكه خدها وقالت:بانت حقيقتك قدامي عشان كذا عطيتني كف وعشان ماتزعل حبيبتك صح؟ تضرب بنت عمك عشان وحده خسيسه كانت تتكلم وقلبها محروق من جوه ودموعها تنزل فيصل:انتي مو فاهمه ولا شي شذى:ههههههه افهم؟ افهم ايش يا فيصل؟ افهم انك خنتني من اول يوم زواجنا؟ فيصل: اسكتتتي قامت من الارض وراحت غرفتها وقفلت الباب على نفسها وفيصل واقف مكانه مصدوم من كلام شذى ومتحسف على الكف الي عطاه حبيبه قلبه وفي نفس الوقت مو ندمان لانه سوى الشي هذا لانها لازم تعرف انه مستحيل يخونها حتى بعقله الخدامه:استاذ فيصل ، رفعلها يده علشان تسكت لانه ما وده يسمع اي شي فتحت دلال الباب وهي خايفه لانه الشي الي سمعته مو قليل فيصل:مابي اي احد يدري بالي صار الخدامه :اوكي دلال بخوف:فيصل ناظر فيها وقال:نعم دلال :ممكن نتكلم شوي فيصل:اذا بتكلميني بلشي الي صار فرجاء لاتتعبي نفسك طلعت من الملحق وقالت:انا سببت لك مشكله ولازم اطلع من البيت فيصل:بتظلين انتي واخوك هنا لين ما القى لكم مكان تسكنون فيه دلال:خلاص بنرجع بيتنا فيصل بحده:ما ابغى اسمع هالكلام مره ثانيه فتحت شذى الشباك وشافته واقف مع دلال وانهارت من الصياح مرت الساعات والدقايق ثقيله على فيصل الي كان فرحان لانه بيسافر مع شذى بس الشي الي صار قلب مزاجه دق فيصل على الخطوط الجويه والغى الرحله وبعدها قفل جواله ورماه ع الطاوله وانسدح على الكنبه فجاه طلعت شذى من الغرفه لابسه عبايتها وساحبه شنطتها وراها وقف فيصل وقال بحده: وين رايحه؟ شذى:بروح عند حبيبي واخونك مثل ما خنتني عطاها فيصل كف وقال:طلعه من البيت ما فيه شذى:مالك شغل فيني ما ابغى اقعد عندك ابروح بيت اهلي فيصل:قلت لك طلعه من البيت ما فيه تفهميييييييين؟؟ شذى:مو بكيفك ونزلت مسكها فيصل وقال:شذى افهمي كلامي وحطيه حلق في اذنك طلعه من البيت مافيه وان طلعتي ماراح يحصل لك طيب فهمتي؟ ناظرت فيه والدمعه في عيونها متحجره وقالت:اكرررهك ولفت وجهها ورجعت للغرفه جلس فيصل على الكنب وحط ايده على راسه مايدري وش يسوي لانه لو تكلم الحين ماراح تسمعه او تصدقه وقف بسرعه كانه تذكر شي دخل الغرفه وشافها جالسه والجوال في يدها سحبه منها وفصل التليفون وطلع شذى:اكرهك اكرررهك يا فيصل قفل باب الغرفه بقوه ورمت شذى نفسها على السرير تبكي |
|
| |
|
| مواقع النشر (المفضلة) |
| الكلمات الدلالية (Tags) |
| الاولى, رواية, روايتي, زمانك, والله, واحشني |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه للموضوع: رواية والله واحشني زمانك / روايتي الاولى | ||||
| الموضوع | كاتب الموضوع | المنتدى | مشاركات | آخر مشاركة |
| والله مايسوى | شغف بإحساس | الصوتيات والمرئيات والأناشيد والمحاضرات | 8 | 2009-09-24 07:41 PM |
| غرك زمانك لكن الوقت خدّاع | همس المحبة | الشعر وأبيات القصيد | 8 | 2009-07-31 10:29 PM |
| والله لعب في حسبتهم صح | همس المحبة | صور | 10 | 2009-07-25 09:29 PM |
| ترى والله ازعل | joj0o | اصدقاء الشرقية | 25 | 2009-03-05 03:41 PM |
| """" كيف تكوني جذااابهـ من النظرة الاولى """" | الجود | الازياء الجمال | 9 | 2009-02-07 08:48 PM |
Sitemap
الساعة الآن 06:37 AM. 
Copyright © االمنطقة الشرقية Powered by vBulletin® Copyright ©2000 - 2023, Jelsoft Enterprises Ltd.
Search Engine Optimization by vBSEO 3.6.066a66.com
::..:: منتديات ::..::
 |  |
العرض العادي
